ኤርማሳ ቲንቢቴ 11:17 - Geeshsha Maxaafa

¹⁷ «Isra7eele asatinne Yuhuda asati Ba7aales exaane cuwasidi tana yiillosida gishshas inttena tokkida Ubbaafe Wolqqama GODAY intte bolla iita miish ehanaas awajjadis» gides.

ጋሞ ማጻፋ

¹⁷ «ኢስራኤሌ ኣሳቲኔ ዩሁዳ ኣሳቲ ባኣሌስ ኤጻኔ ጩዋሲዲ ታና ዪሎሲዳ ጊሻስ ኢንቴና ቶኪዳ ኡባፌ ዎልቃማ ጎዳይ ኢንቴ ቦላ ኢታ ሚሽ ኤሃናስ ኣዋጃዲስ» ጊዴስ።

ኤርማሳ ቲንቢቴ 11:17 Referans Kwoze

ኢሳያሳ ቲንቢቴ 5:2

Biitta bookkidi, shuchchaa qori kessidi, ubbaafe lo7iza woyne turaa tokkides; histtidi iza naaganaas shakko giigsides; woyne ushshu gum7izasoho olla bookki giigsides. Hessafe guye lo7o ayfe ayfana giidi naagides; gido attiin caala phanqida ayfe ayfides.

ኤርማሳ ቲንቢቴ 12:2

Neni istta tokkadasa; histtiin xapho yeddida; diccidi ayfe ayfida. Istti nena doonappe yeggettenna; neni gidikko istta wozinappe haakon daasa.

ኤርማሳ ቲንቢቴ 2:21

Tani nena muuruta zereththafe ekkada, lo7o woyne tura mala tokkadis. Histtiin neni waana guye simmada woran mokkidi moorettida woyne tura mala gidadii?

ኤርማሳ ቲንቢቴ 19:15

Ubbaafe Wolqqama GODAA Isra7eele Xoossay, ‹Siyite! Istti bantta wozina shuchchasidi ta qaala siyontta ixxida gishshas tani ha katamaa bollanne iza matan diza mooththata ubbaa bolla ehana gida iita miish ubbaa istta bolla ehana gays› gees» gides.

ሂዚቄላ ቲንቢቴ 17:5

« ‹Hessafe guye he biittafe zereth efidi lo7o biittan haaththi kumidason haath naage miththa mala tokkides.

ኤርማሳ ቲንቢቴ 45:4

GODAY, «Tani biitta bolla keexxidayssa laallana; ta tokkidayssaka shoddana.

ኤርማሳ ቲንቢቴ 42:10

‹Ta intte bolla ehida bashsha gaason ceecida gishshas intte ha biittan uttiko tani inttena keexxanaappe attiin laallike; tokkanappe attiin shoddike.

ኤርማሳ ቲንቢቴ 40:2

Kawo bonchcho naagiza zabeta azazizayssi Ermaasa xalla ekkidi izas, «GODAA ne Xoossay hayssi bashshay ha biittay bolla yaanayssa yootides.

ኤርማሳ ቲንቢቴ 36:7

Hayssa deraa bolla GODAY yootida hanqoynne boshay deexo gidida gishshas isttafe issoy issoy ba nagara GODAA sinththan paaxidi bantta iita ogeppe istti simmanaakko oonee erizay?» gides.

ኤርማሳ ቲንቢቴ 35:17

Hessa gishshas Ubbaafe Wolqqama GODAA Isra7eele Xoossay, «Be7ite; tani Yuhuda asaa bollanne Yerusalaamen dizayta ubbaa bolla ehana gida iita miish ta ehana; gaasoykka ta isttas yootiin siyibeettenna; ta istta xeygiin istti taas koyibeettenna» gees.

ኤርማሳ ቲንቢቴ 26:19

«Histtiin, Yuhuda Kawo Hizqiyaasinne Yuhuda asay ubbay iza wodhidoo? Hizqiyaasi GODAAS yayyidi izappe maaro woossibeennee? GODAYKKA ba ehana gi qoppida qixaateza aggaagibeennee? Gido attiin nuni nurkka nu bolla pala iita miish ehana hanoos» gides.

ኤርማሳ ቲንቢቴ 26:13

Ha7ikka intte ogenne intte ooso lo7eththite; GODAA intte Xoossas azazettite; intte histtiko GODAY intte bolla ehana gi yootida iita miishshaa izi aggaagana.

ኤርማሳ ቲንቢቴ 24:6

Tani lo7o ayfen istta xeellana; qasse tani istta zaarada ha biitta ehana. Ta istta giigsana attiin laallike; ta istta tokkana attiin shoddike.

ኤርማሳ ቲንቢቴ 18:8

he tani yootida kawoteththay ba iitateththaafe aggidi simmiko, tani istta bolla ehana gida iita miish ehontta aggaagana.

ኤርማሳ ቲንቢቴ 11:11

Hessa gishshas GODAY isttas, ‹Istti baqatidi attanaas dandayontta meto ta istta bolla ehana. Istti taakko waassikokka ta siyikke.

ኤርማሳ ቲንቢቴ 7:9

GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ዬ ማጻፋ 80:15

Iza ne ushachcha kushey tokkida puute; neni nees gaada dichchida aaca.

ዬ ማጻፋ 80:8

Neni Gibxeppe woyne ano ehadasa; kawoteththata yedeththada istta biittan izo tokkadasa.

ዬ ማጻፋ 44:2

Kawoteththata neni ne kushen goodda kessadasa; nu aawata istta biittan tokkadasa; deraa liiqisadasa; gido attiin ne kawoteththata aassadasa.

2ሳሜላ ማጻፋ 7:10

Izas buzo duussasoy daana mala hayssafe qaaxxontta mala ta dere Isra7eeles soho immananne minththana. Hayssafe kase hanida mala hayssafe guye iita derey istta un7eththenna.

ኤርማሳ ቲንቢቴ 1:14

GODAY taas, «Pudeha baggafe bashshi dhuuqqidi ha biittan diza asaa ubbaa bolla gukkana.

ኤርማሳ ቲንቢቴ 7:18

‹Salo godatteyo› geetettiza xoossayssi uketh uukkanaas maccassati dhiille munuqeettes; Nayti mith mixeettes; aawati tama eeththeettes. Istti tana qohana giidi ushsha yarsho hara xoossatas yarsheettes.

ኤርማሳ ቲንቢቴ 11:13

Intteno Yuhuda asatoo! Intte xoossati intte katamata keena cora. Qasse Ba7aale geetettiza he yeellachchiza xoossas exaane cuwasanaas intte essida yarshizasohoti Yerusalaame ogeta keena cora› gees.

ኤርማሳ ቲንቢቴ 32:29

Katamayo oliza Baabilooneti yiidi katamay giddo gelana; izokka taman xuuggana; tana hanqeththanaas asay bantta keeththa pooqe pooqe bolla Ba7aales exaane cu7asidasohotanne eeqa xoossatas ushsha yarsho shiishshida keeththata ubbaa istti xuuggana» gees.

ኤርማሳ ቲንቢቴ 32:30

GODAY, «Isra7eele asaynne Yuhuda asay bantta yelagateththafe doommidi ta sinththan iita miish ooththidaappe attiin hara issi lo7o miish ooththibeettenna; istti bantta kushen ooththida ooson tana hanqeththida.

ኤርማሳ ቲንቢቴ 44:8

Intte daanaas gelida ha Gibxe biittan hara eeqa xoossatas exaane cuwaseththan intte intte kushen medhdhida miishshatan tana ays hanqeththeetii? Biitta bolla diza kawoteththata ubbaa giddon qanggeththassinne qidhes malata gidana mala intterkka inttena dhayssana koyeetii?

2ታሪኬ ማጻፋ 28:25

Akaazey Yuhuda katamatan hara eeqa xoossatas yarsho xuugganaas zumbullata bolla goynnizasota giigsides; hessan GODAA ba aawata Xoossaa hanqeththides.

ኤርማሳ ቲንቢቴ 18:15

Ta derey gidikko tana balides; istti go7ontta xoossatas exaane cuwaseettes; bantta ogera biidi dhuphettida; beni ogeppe kare kezida; baasettontta diza kundukurcco ogera bida.

ኤርማሳ ቲንቢቴ 40:3

Ha7ikka GODAY ba gida mala ehidi ba qaala polides; hayssi ubbay haniday intte GODAA bolla nagara ooththida gishshassinne izas azazettontta ixxida gishshassa.

ኤርማሳ ቲንቢቴ 44:5

Istti gidikko ero gi ekkibeettenna; istti ba ooththiza iita oosoppe simmibeettenna; hara eeqa xoossatas exaane cuwaseth aggibeettenna.

ሆሴኤ ቲንቢቴ 10:1

Isra7eele asay daayida woyne miththa mala. Istti daro ayfe ayfida; ayfezi darida keena daro yarshosoho medhdhida. Istta biittaya lo7o ayfe immada istta duresida mala istti goynniza tuussata aleqessida.