ኤርማሳ ቲንቢቴ 10:4 - Geeshsha Maxaafa

⁴ Istti biraninne worqqan alleqisseettes; qaaxxontta mala naariqara misimaaren dhishkidi oyththeettes.

ጋሞ ማጻፋ

⁴ ኢስቲ ቢራኒኔ ዎርቃን ኣሌቂሴቴስ፤ ቃጾንታ ማላ ናሪቃራ ሚሲማሬን ሺኪዲ ኦይቴስ።

ኤርማሳ ቲንቢቴ 10:4 Referans Kwoze

ኢሳያሳ ቲንቢቴ 46:7

Denththidi bantta hashen tookkeettes; zaaridi he denththida sohon woththeettes; izikka heen eqqaa gees; heeppe awakka qaaxxenna; oonikka izakko waassiko zaaro immenna; metoppeka iza ashshenna.

ኢሳያሳ ቲንቢቴ 44:12

Birata qoxxizay naariqa oykkees; xiifa bonqqo bolla woththi ooththees; eeqa xoos naariqan qoxxidi misle giigssees; ba mino qesen giigssees. Hessafe guye gafees; wolqqa dhayees; haath saamettees; daaburees.

ዬ ማጻፋ 135:15

Kawoteththati goynniza eeqa xoossati birappenne worqqafe asa kushen oosettidayta.

ዬ ማጻፋ 115:4

Gido attiin istta eeqa xoossati birappenne worqqafe asa kushen oosettidayta.

ኢሳያሳ ቲንቢቴ 46:6

Amarda asati worqqa bantta karaxiiteppe qoleettes; biraakka meezaanen geeddareettes; istti seerisi tigiza hiillanchcha qaxxareettes; izikka isttas xoossa histti medhdhees. Isttika izas goynneettessinne yaynneettes.

ሆሴኤ ቲንቢቴ 13:2

Ha7ikka nagara bolla nagara gujjida; bantta cinccateththan misleta baas giigsida; birappe eeqa xoossata banttas medhdhida; heyti wurikka asa kushen oosettidayta; hayta ha asata gishshas, «As yarsho histti shiishsheettes; mara mislen oosettida eeqa xoossata yeereettes» geetettides.

ኢምባቆ ቲንቢቴ 2:19

Miththaa, ‹Ne beegga!› Shemppoy baynda shuchchaaka, ‹Ne denda!› gizaades aayye ana! Tumukka izi tamaarsana dandayzee? Hekko izi bollara worqqaninne biran tiyettides; izas shemppoyka deenna.