ኤርማሳ ቲንቢቴ 10:21 - Geeshsha Maxaafa

²¹ Heenththanchchati dammida; istti GODAA oychchibeettenna. Hessa gishshas isttas injjetibeenna; istta wude ubbay laalettides.

ጋሞ ማጻፋ

²¹ ሄንንቻቲ ዳሚዳ፤ ኢስቲ ጎዳ ኦይቺቤቴና። ሄሳ ጊሻስ ኢስታስ ኢንጄቲቤና፤ ኢስታ ዉዴ ኡባይ ላሌቲዴስ።

ኤርማሳ ቲንቢቴ 10:21 Referans Kwoze

ኤርማሳ ቲንቢቴ 12:10

Daro heenththanchchati ta woyne tura soho moorida; tani izan ufayettiza ta gadeza bulasida.

ዛካራሳ ቲንቢቴ 13:7

«Ubbaafe Wolqqama GODAY, ‹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana› » gees.

ዛካራሳ ቲንቢቴ 10:3

GODAY, «Ta hanqoy heenththachchata bolla tama mala eexxi kezides. Deraa kaaleththizayta ta qaxxayana. Tani Ubbaafe Wolqqama GODAY ba wude gidida Yuhuda asaa olas giigida para mala ooththana.

ሂዚቄላ ቲንቢቴ 34:12

Heenththanchchay ba wudetara dishe laalettida wudeta koyza mala tanikka ta wudeta koyana; shaara gallassinne dhuma gallas istti laalettidaso ubbaafe ta istta shiishshana.

ኤርማሳ ቲንቢቴ 10:8

Hada gidida miththafe masettida eeqa xoossatappe timirte tamaarza ubbay eeyanne damma.

ኤርማሳ ቲንቢቴ 8:9

Aadho eranchchati yeellatana; istti kawuyananne woximaden oykettana. GODAA qaalara istti eqettichchiin isttas aaza erateththi dizee?

ኤርማሳ ቲንቢቴ 2:8

Qeesetikka, ‹GODAY awan dizee?› gi oychchibeettenna; Ta wogay istta kushen diza asatikka tana eribeettenna. Dere kaaleththizaytikka ta bolla makkallida. Nabeti Ba7aale sunththan tinbite yootida; go7ontta miishshatakka kaallida» gides.

ኤርማሳ ቲንቢቴ 50:17

«Isra7eeley gaammoy gooddidi laallida wude mala gidides; koyro Asoore kawoy puuzerethi mides; guyeppe Baabiloone kawo Nabukadanaxoorey meqeththaa dhoggides» gees GODAY.

ኤርማሳ ቲንቢቴ 49:32

GODAY, «Istta gaamellati bonqqettana; istta wudetakka buuri ekki baana; bantta hu7e gaamme histti meedettidayta tani carkon laallana; tani Ubbasora istta bolla bosha ehana.

ኤርማሳ ቲንቢቴ 10:14

Asi ubbay era dhaydi dammides; worqqa seerisiza asi ubbay ba ooththida eeqa xoossatan yeellatides. Gaasoykka eeqa xoossati wordo; isttas shemppoy deenna.

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኤርማሳ ቲንቢቴ 22:30

GODAY, «Yuhuda ayssanaas asi baynda gishshas, Dawite araatan uttana issaadeyka ke7ontta gishshas, issi paxa asi kezontta gishshas izas de7o layththa ubbaan injjetontta dhonththa as giidi xaafte» gees.