ኤርማሳ ቲንቢቴ 10:12 - Geeshsha Maxaafa

¹² Ba wolqqan sa7a medhdhiday, ba aadho erateththan alame essiday, ba akeekan salo micciday GODAA.

ጋሞ ማጻፋ

¹² ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

ኤርማሳ ቲንቢቴ 10:12 Referans Kwoze

ኢዮቤ ማጻፋ 9:8

Oonikka maaddontta dishin salota micciday iza; izi abba dambala bolla hemettees.

ሜቴ ማጻፋ 1:1

Xoossi koyro salonne sa7a medhdhides.

ሌሚሶ ማጻፋ 3:19

GODAY ba aadho erateththan sa7a medhdhides; ba akeekankka salota istti dizason minththides.

ኢሳያሳ ቲንቢቴ 40:22

Izi biitta yuushoppe bollara ba araatan uttees; biitta bolla diza derey boole mala; salota magalasha mala miccees; duussaso dunkaane mala tokkees.

ቆላሲያሴ ኣሳስ 1:16

Medheteththi wuri izan medhettides. Saloninne sa7an dizayti, ayfen beettizaytinne beettonttayti gidiinkka, wolqqamata gidiinkka, haarizayti gidiinkka woykko godateththi dizayti haniday wurikka izan izas medhettida.

ዮሃኒሳ ሚሺራቾ 1:3

Medheteththi wuri izan medhettides. Medhettidaazan izi baynda medhettiday issinakka duukku.

ዬ ማጻፋ 24:2

Sa7aa gita abbata bolla miccides; haaththa bollaka minththidi essides.

ዛካራሳ ቲንቢቴ 12:1

Salo miccida GODAY, sa7a medhdhida GODAY asa naytas de7o shemppo immida GODAY Isra7eele naytas yootida qaalay hayssafe kaallizayssa;

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ኤርማሳ ቲንቢቴ 10:13

Izi guummiza wode, salon diza ubbay qaaxxees. Izi shaara sa7a gaxappe pude denththees. Izi irara dada yeddees; carkoka ba minjjasoppe kessees.

ኢሳያሳ ቲንቢቴ 49:8

GODAY, «Tani doorida wode ne oyshaa zaarana; atoteththa gallas tani nena maaddana; deraas caaqo qaala gidana mala, biittayokka ne zaara essana mala, kase biitta yeggi dhaydaytas istta xinxxo ne zaara immana mala, ta nena maaddana; ta nees ooththana.

ኢሳያሳ ቲንቢቴ 48:13

Biittaas yoch yeggiday ta kushe; salota micciday ta ushachcha kushe. Ta istta xeygiza wode istti ubbayka issi bolla eqqeettes.

ኢሳያሳ ቲንቢቴ 45:18

Salota medhdhiday izi GODAA; biitta giigsidi medhdhiday, sa7as yoch yeggiday, iza asa duussaso gidana mala attiin coo mela woththanaas medhdhontta GODAY, Tani GODAA; taappe haray deenna.

ኢሳያሳ ቲንቢቴ 45:12

Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ኢሳያሳ ቲንቢቴ 44:24

Nena aayi ulon medhdhidi wozzida GODAY, «Ubbaa medhdhada salota tarkka piddisiday, sa7akka micciday tana GODAA.

ኢሳያሳ ቲንቢቴ 42:5

Salota medhdhiday, istta miccidaykka, sa7anne izin diza ubbaa giigsiday, ba deres peeno izin de7iza asatas shemppo immiza GODAA Xoossay,

ዬ ማጻፋ 104:24

Abeet GODAWU! Ne oosoy ay keena daroo! Ne aadho erateththan neni istta ubbaa medhdhadasa; ne medhdhida medhetati biitta kumida.

ዬ ማጻፋ 33:6

Saloti GODAA qaalan medhettida. Iza doonappe keziza peenon salon diza medheteththati medhettida.

ሌሚሶ ማጻፋ 30:4

Salo pude ke7idi duge wodhdhiday oonee? Carko ba kushen oykkiday, haath ba afalan yiiciday sa7a gaxa iza soon soon woththiday oonee? Ane erikko iza sunth taas yoota; Iza naaza sunththi oona geetettizee?

ዬ ማጻፋ 119:90

Ne ammaneteththay yeletappe yeleta gakkanaas dees; neni sa7as yochcha yeggadasa; izikka minnidi dees.

ዬ ማጻፋ 78:69

Hessan izi Xoossa Keeththaa salo kessi dhoqqan keexxides; sa7a mala mernaas essides.

ኢዮቤ ማጻፋ 26:7

Xoossi pudeha baggara diza saloza carko bolla miccides; biittaaka aykkoy bayndason kuulloti daana mala ooththides.

ዬ ማጻፋ 104:2

Neni afala mala poo7o quma7adasa; salotakka dunkaane mala toladasa.

ዬ ማጻፋ 93:1

GODAY kawotides! Teemanne wolqqa may7ides; alamey qaaxxontta mala minththi essides; oonikka izo qaaththenna.

ሜቴ ማጻፋ 2:5

sa7a bollan maatay, miththi, ay miishshika mokkibeenna; ays giikko GODAY ira bukisibeenna; qasse biitta ooththiza asikka medhettibeenna.

ኢዮቤ ማጻፋ 37:18

Xoossi salo seerida mastoote mala micciko, neni iza matan uttada maaddanawu dandayay?

ኢሳያሳ ቲንቢቴ 37:16

«Abeet GODAWU, Ubbaafe Wolqqama Xoossawu, kirubetappe giddon uttiza Isra7eele Xoossawu, sa7aa kawoteththata ubbaa bolla ne xalla Xoossaa. Salonne sa7a neni medhdhadasa.

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ኤርማሳ ቲንቢቴ 27:5

Ta gita wolqqaninne micettida ta kushen sa7anne sa7a bolla diza asinne mehe medhdhadis. Istta ta dosidaades immana.

1ታሪኬ ማጻፋ 16:26

Ayzaabeta xoossati ubbay eeqa xoossata; GODAY gidikko salota medhdhida Xoossa.

ዬ ማጻፋ 65:7

Neni abba giirissanne dambala gunththa sirphi ooththaasa; qasse derey dendiza denththa irxxisaasa.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.