ዳናታ ማጻፋ 3:11 - Geeshsha Maxaafa

¹¹ Hessa gishshas Qenaaze naa Otin7eeley hayqqana gakkanaas biittay oyddu tammu layth kumeth woppa demmides.

ጋሞ ማጻፋ

¹¹ ሄሳ ጊሻስ ቄናዜ ና ኦቲንኤሌይ ሃይቃና ጋካናስ ቢታይ ኦይዱ ታሙ ላይ ኩሜ ዎፓ ዴሚዴስ።

ዳናታ ማጻፋ 3:11 Referans Kwoze

ዳናታ ማጻፋ 8:28

Hessa mala hanidi Midiyaame asay Isra7eele asaas haarettides; istti Isra7eele asaa bolla nam7anththo dendibeettenna. Geedooni shemppora paxa diza oyddu tammu layth kumeth biittay woppa demmides.

ዳናታ ማጻፋ 5:31

«Abeet GODAWU! Ne morkketi ubbay hessaththo hayqqetto! Gido attiin ne siiqoti maalado mokkiza arsheda phoolletto.» Hessafe guye biittay oyddu tammu layth woppa demmides.

ዳናታ ማጻፋ 3:30

He gallas Isra7eele asay Mo7aabe asaa oli xoonides; hessa gaason biittay osppun tammu layth gakkanaas woppa demmides.

ኢያሶ ማጻፋ 11:23

GODAY Muse azazida mala Iyaasoy biitta ubbaa oykkides; histtidi Isra7eele asaas istta qommon qommon shaakki immides; hessafe guye biittay olappe shempides.

ኣስቴሪ ማጻፋ 9:22

He gallassati Ayhudati bantta morkketappe attidi shemppo demmida gallassata; qasse he aginaykka istta kayoteththaynne hidota qanxxoy ufayssaninne kaassan laamettida agina; he gallassatan ufayettishe gibira, issoy issaas kaththa imota immishenne manqota maaddishe bonchchana mala isttas dabdaabbe xaafides.

1ታሪኬ ማጻፋ 4:13

Qanaazey Otin7eelenne Saraya geetettiza nam7u attuma nayta yelides; Otin7eeleykka Hataatenne Ma7onotaye geetettiza nam7u attuma nayta yelides.

ዳናታ ማጻፋ 3:9

Gido attiin Isra7eele asay GODAAS waassida wode GODAY istta ashshanaas ashshizaade kiittides; izikka Kaalebes kaalo isha Qenaaze naa Otin7eele geetettees.

ኢያሶ ማጻፋ 15:17

Hessa gishshas Kaalebe isha Qenaaze naa Otin7eeley he katamaa olidi oykkides; histtiin Kaalebey ba nayo izas machcho immides.

ዳናታ ማጻፋ 3:10

GODAA Ayanay iza bolla wodhdhiin izi Isra7eele dere ayssiza daanna gidides; izi olas kezida wode GODAY Masophexoomya biitta kawo Kushaan-Arishataye iza kushen aaththi immiin iza xoonides.

ዳናታ ማጻፋ 3:12

Isra7eele asay zaareththidikka GODAA sinththan iita miish ooththides; hessa gishshas GODAY Mo7aabe kawo Egilooney Isra7eele bolla wolqqamana mala ooththides.

ናሂሚያ ማጻፋ 9:28

«Gido attiin saro demmida wode qasseka simmi nagara ooththida; hessa gishshas ne istta morkketas aaththa immadasa; istta morkketikka istta haarida; gido attiin ne maaddana mala giidi neekko simmi woossida wode salon dashe istta woosaa siyadasa; neni ne qadheteththafe dendidayssan istta ubba wode maaddadasa.