ያቆቤ ኪታ 4:7 - Geeshsha Maxaafa

⁷ Hessa gishshas inttena Xoossas haarisite; Daabulosara eqettite; izi inttefe baqatana.

ጋሞ ማጻፋ

⁷ ሄሳ ጊሻስ ኢንቴና ጾሳስ ሃሪሲቴ፤ ዳቡሎሳራ ኤቄቲቴ፤ ኢዚ ኢንቴፌ ባቃታና።

Gamo Geesha Maxxafa New Testamen

⁷ Hessa gish intena Xoossas harisiite. Dabuloosara eqitite, izi intefe baqatana.

ያቆቤ ኪታ 4:7 Referans Kwoze

ኤፌሶኔ ኣሳስ 4:27

Xala7es soho immofte.

1ጴጽሮሳ ኪታ 5:6

Hessa gishshas Xoossi ba woden dhoqqu histtana mala mino Xoossaa kusheppe garsara inttena ziqqi histtite.

Ibirawe 12:9

Hessa ubbaafe bollara hayssa biitta bolla nuna hanqi dichchida asho aawati deettes; nunikka istta bonchchoos; histtiin de7on deyanaas nuus Ayana Aawaa gididayssas aazas hessafe aaththi azazettokonii?

ኦሮሜ ኣሳስ 10:3

Xoossi as xillisiza oge erontta aggidi ba xilloteththa oge kaallida attiin Xoossa xilloteththa oge kaallibeettenna.

ዬ ማጻፋ 66:3

Xoossas, «Ne oosoti ay keena malalisizoo! Ne wolqqay daro gidida gishshas ne morkketi yashshan ne sinththan kokkoreettes.

ኢዮቤ ማጻፋ 1:21

«Tani ta aayey uloppe kallo yelettadis; hayqqiza wodekka kallo baana; GODAY immides; GODAY ekkides; GODAA sunththi galatettidaaz gido» gides.

2ታሪኬ ማጻፋ 30:8

Intte GODAAS azazettiteppe attiin kase intte aawata mala wozina muume gidopite! Izi mernaas dummasida Keeththaa haa yiite. Keehi yashshiza iza hanqoy inttefe simmana mala GODAAS haggazite.

Maatosa 11:29

Ta qambara tookkite; taappeka tamaarte; tani ta wozinan aadanne ashke; intte shemppos intte shempo demmana.

ኤፌሶኔ ኣሳስ 5:21

Intte Kirstoosa bonchchos giidi yashshara issoy issaas azazettite.

1ጴጽሮሳ ኪታ 2:13

Intte Godaa Yesusa gishshas giidi dere ayssizaytas azazettite. Kawoy qasse ubbaafe bollara diza gishshas kawosikka azazettite.

2ሳሜላ ማጻፋ 15:26

Gido attiin izi, ‹Ta nenan ufayettabeekke› gizaa gidikko baas lo7o misati beettidayssa ta bolla ooththo; tani ekkanaas giigetta uttadis» gides.

ዳኔላ ቲንቢቴ 4:25

Neni ne derezappe shaakettada goodettana; nees duussasoyka wora do7atara gidana; laappun layththi polettana gakkanaas neni mehe mala maata maana; neni kenchchon musana; hessi wuri nena gakkanay Ubbaafe Dhoqqa Xoossay kawota ubbaa bolla izas godateththi dizayssanne izi kawoteththa wursika ba dosidaades immizayssa ne shaakka erana gakkanaassa.

ዬ ማጻፋ 68:30

Maqqa giddon diza do7ata neni seera. Booratanne marata wude misatiza kawota neni laalla; istti gulbatidi bantta bira nees giirana mala ooththa; olettanaas yeemottiza asata laalla.

1ሳሜላ ማጻፋ 3:18

Hessa gishshas Sameeli issi miishshika qottontta ubbaaka izas yootides; Eeleykka izas, «Izi GODAA gidida gishshas bana lo7ida mala ooththo» gides.

ኤርማሳ ቲንቢቴ 13:18

GODAY tana, «Kawozasinne iza aayo godatteys, ‹Intte bonchcho kallachchay intte hu7eppe wodhdhana gishshas, intte kawoteththa araataappe duge wodhdhite.

ኦሮሜ ኣሳስ 14:11

«Ta paxa days; gulbatey wurikka taas gulbatana. Inxarsi wuri Xoossas markkattana» geetetti kase Geeshsha Maxaafan xaafettides.

ሃዋሬታ ኦሶ 26:19

«Hessa gishshas kawo Agirphaa! Saloppe taas imettida ajjuutaas ta azazettadis.

ሃዋሬታ ኦሶ 9:6

Ne ha7i dendada gede katama gela; ne ooththanaas bessizaaz nees ta yootana» gides.

ዳኔላ ቲንቢቴ 4:32

Neni dereza garsafe goodettana; nees duussasoy wora do7atara gidana; laappun layththi kumana gakkanaas neni mehe mala maata maana; hessika hananay Ubbaafe Dhoqqa Xoossay kawota ubbaa bolla izas godateththi dizayssanne kawoteththi wursika izi ba dosidaades immizayssa ne shaakka erana gakkanaassa» giza qaalay yides.

ኤፌሶኔ ኣሳስ 6:13

Iita gallassay gakkishin intte morkke wolqqara eqettanaas dandayana mala Xoossa ola may7ota kumeth may7ite; intte ubbaaka polidaappe guye minni eqqanaas dandayeeta.