ያቆቤ ኪታ 1:5 - Geeshsha Maxaafa

⁵ Intte giddofe oonaska erateththi pacciko oonakka leqqontta ba kiyateththaara ubbaas immiza Xoossaa woosso; izaadeska imettana.

ጋሞ ማጻፋ

⁵ ኢንቴ ጊዶፌ ኦናስካ ኤራቴ ፓጪኮ ኦናካ ሌቆንታ ባ ኪያቴራ ኡባስ ኢሚዛ ጾሳ ዎሶ፤ ኢዛዴስካ ኢሜታና።

Gamo Geesha Maxxafa New Testamen

⁵ Inte garssafe oonasikka eratethi pacciko oonakka kadhontta ba kiiyatethara wurisos immiza Xoossa wosso; izadeskka imettana.

ያቆቤ ኪታ 1:5 Referans Kwoze

ዮሃኒሳ ሚሺራቾ 15:7

Intte tanan diikko ta qaalaykka inttenan diikko intte koyidayssa oychchiko demmana.

2ታሪኬ ማጻፋ 1:10

Tani ha deraa kaaleththana mala aadho erateththinne akeeka taas imma; histtontta aggiko hayssa gita deraa neyssa ooni ayssanaas dandayzee?» gides.

ያቆቤ ኪታ 3:17

Saloppe gidida erateththaya gidikko koyro geeshsha; guyeppeka saroteth dosizaaro, dandayzaaro, ero gizaaro, maaroteththinne lo7o ayfey kumidaaro; qasse wordo maaddonttaaronne ulon geney bayndaaro.

ዮሃኒሳ ሚሺራቾ 14:13

Aaway naaza gaason bonchchettana mala intte ta sunththan woossidayssa ta inttes wursa ooththana.

1ዮሃኒሳ ኪታ 3:22

Nuni azazota naagiza gishshassinne iza ufayssizaaz ooththiza gishshas nu iza woossizaaz wursi nu izappe ekkana.

ኬሳ ማጻፋ 31:3

Iza tani ta Ayanan; hiillateththan, akeekaninne ooso ubbaa ooththiza erateththan kunththadis.

ያቆቤ ኪታ 5:16

Hessa gishshas intteka intte garsan issoy issaara intte nagara paaxettite; paxana mala issoy issaas woossite; xillo asa woosay wolqqara dees; wolqqama oosokka ooththees.

ኬሳ ማጻፋ 31:6

«Hessa bollaka qasse iza maaddana mala, Daane zereth gidida Ahisaameke naa Eelaabe dooradis. Tani nena azazidayssa ubbaa istti ooththana mala, kushe hiillateth erizayta ubbaas erateth immadis.

ዮሃኒሳ ሚሺራቾ 4:10

Yesusikka izis, «Xoossa imotaynne nena, ‹Tana haaththe ushsha› gizaadey izi oonakkonne ne erizaakko ne iza woossanaas bessees. Izikka nees de7o haaththe immanakkoshin» gides.

1ታሪኬ ማጻፋ 22:12

GODAY nena Isra7eele bolla kawoththida wode GODAA ne Xoossaa wogaa neni naagana mala Xoossi nees aadho erateththinne akeeka immo.

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

Maatosa 11:20

Hessafe guye Yesusi izi malaatata ooththida katama asay maaroteththan gelontta aggida gishshas, «Kuraziinenne Betesayda! Inttena aayye ana! Intte bolla oosettida malatay Xiroose bollanne Sidoona bolla oosettidaakko istti maaqa may7idinne bidinththan uttidi beni maaroteththan gelanakkoshin.

2ቆሮንቶሴ ኣሳስ 2:16

Dhayanaytas nuni wodhiza xinqqo; attanaytas qasse hayqoppe de7oso efiza de7o sawo; histtiin hayssas bessizaadey oonee?

ማርቆሳ ሚሺራቾ 16:14

Hessafe guye tammanne issineti maadda bolla dishin Yesusi isttas qonccides. Izi hayqoppe dendiin iza be7ida asati isttas yootiin siyidi ammanontta aggida gishshas isttas ammanoy bayndayssanne istta wozina muumeteththa gishshas istta borides.

ዬ ማጻፋ 51:6

Hekko neni asa wozinappe tuma koyaasa; hessa gishshas ta giddo asateththaa ne aadho erateth tamaarsa.

ሌሚሶ ማጻፋ 8:17

Tana siiqizayta tani siiqays; minni koyzayti tana demmana.