ያቆቤ ኪታ 1:12 - Geeshsha Maxaafa

¹² Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

ጋሞ ማጻፋ

¹² ፓጬን ሚኒ ኤቂዳዴይ ኢዚ ኣንጄቲዳዴ፤ ጋሶይካ ኢዚ ፓጬራ ኤቄቲሺን ጾሲ ባና ዶሲዛይታስ ኢሚዳ ሂዶታ ዴኦ ኣኪሊሌ ኢዚ ኤካና።

Gamo Geesha Maxxafa New Testamen

¹² Paccen miinni eqidadey izi anjjetidade. Gaasoyka izi paccera eqitishin Xoossi bena dosizaytas immida ufaysa deyo zawude izi ekkana.

ያቆቤ ኪታ 1:12 Referans Kwoze

1ጴጽሮሳ ኪታ 5:10

Intte guuththa wodes waayettidayssafe guye inttena Kirstoosa baggara mernaa bonchchos xeygida kiyateth ubbaas Goday izi barkka inttena gakkida waayezappe ashshana, maaddananne minththeththana qasseka dazgisana.

ዮሃኒሳ ኣጁታ 2:10

Buro sinththafe ne bolla gakkana metos babbofa; intte paacettana mala inttefe issi issi asata daabulosi qasho keeth gelththana. Tammu gallas gakkanaas intte waaye beyanashin ne hayqqana gakkanaas ammanettidaade gida; tani nees mernaa de7o akilile histta immana.

ያቆቤ ኪታ 5:11

Dandayan genccida asata nu istta, «Istti anjjettidayta» gi qoodizayssa intte ereeta. Iyoobi waani dandaydaakko intte iza gishshas siyideta. Goday iza wurseththan ay ooththidaakko intte beyideta; Goday asas keehi mishettizaadenne maarizaade.

ኦሮሜ ኣሳስ 8:28

Xoossi bana dosizaytassinne iza shene mala xeygettidaytas ubbaas ooththiza miish ubbaaka lo7os ooththizayssa nu eroos.

Maatosa 10:22

Ta gishshas asi wurikka inttena ixxana. Gido attiin wurseth gakkanaas minni eqqiday izi attana.

1ቆሮንቶሴ ኣሳስ 9:25

Gaadden woxxi aadhdhanaas giigettizaadey oonikka hano ubbaan barkka bana naagees. Heytantti aadhdhananne dhayana akilile ekkanaas daabureettes shin nu qasse mernaas dhayontta akilile demmanaas daaburoos.

1ጴጽሮሳ ኪታ 3:14

Intte lo7o ooththida gishshas waaye be7ikkoka intte anjjo ekkana; asay intte bolla iita ooththanaas mandettizayssas babboftenne daro qoppofte.

2ጺምቶሳስ 4:8

Sinththafe taas akililey giigi uttides; hessika xilloteththa; hessaka tumu pirdiza Goday he gallas taas immana; hessika taas xalla gidontta iza yuussaa laamotizaytas ubbaasikka immana.

ያቆቤ ኪታ 2:5

Ta siiqo ishatoo! Ane siyite; istti ammanon dureta gidana mala Xoossi bana dosizaytas hidota isttas immida kawoteththaa istti laattana mala hayssa ha alamezan diza manqota dooribeennee?

1ጴጽሮሳ ኪታ 5:4

Intte hessaththo ooththiko hankko waanna heemmizayssi qoncciza wode intte moorettontta bonchcho akilile ekkana.

1ቆሮንቶሴ ኣሳስ 2:9

Gido attiin Geeshsha Maxaafan, «Asa ayfey be7onttaaz, asa hayththi siyonttaaz, asa wozinaykka qopponttaaz Xoossi ba dosizaytas giigsides» gees.

ዛሬ ማጻፋ 8:2

GODAA intte Xoossay inttes immida azazota intte naagizaakkonne naagonttaakko intte wozinan diza qofa eranaas, inttena paaccanaassinne inttena ashkesanaas oyddu tammu layth kumeth meto giddora aaththidi izi inttena wostti wostti kaaleththidaakko ane yuushshi qopite.

ሌሚሶ ማጻፋ 17:3

Worqqaynne biray taman paacettizayssa mala GODAY asaa wozina pilggi xeellees.

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.

ዮሃኒሳ ኣጁታ 3:21

Tani xoonada ta Aawara iza algan uttidayssaththo xoonidaadey tanara issife ta algan uttana mala ooththana.

1ጴጽሮሳ ኪታ 4:13

Hessafe bollara Kirstoosa bonchchoy qoncciza wode intte keehi ufayettana mala intte izara iza waayeza ekkizayta gidida mala ufayettite.

1ቆሮንቶሴ ኣሳስ 8:3

Xoos siiqizaadey gidikko izi Xoossa achchan erettidaade.

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ዛሬ ማጻፋ 13:3

GODAA intte Xoossay intte iza kumeththa wozinappenne kumeththa shemppofe dosizaakko eranaas koyidi he kaayizayssa yeddida gishshas izi gizayssa mulekka siyopite.

Ibirawe 10:32

Inttes issito poo7oy poo7idaappe guye meto wode daro baaxen intte kase minni eqqida beni wodeza yuushshi qopite.

ዬ ማጻፋ 119:71

Tani qaxxayettidayssi taas lo7o gidides; ne woga taamarana mala tana maaddides.

ዛሬ ማጻፋ 7:9

Hessa gishshas GODAA intte Xoossay mulera ammanettida Xoossaa gididayssa intte yuushshi qopite; izi ba caaqqida qaalaa naagees; iza dosizaytassinne iza azazo polizaytas ubbaas shii yeleta gakkanaas izi ba mernaa siiqo bessana.

Ibirawe 6:15

Abrahaameykka gencci naagidaappe kaallidi izas imettida hidota demmides.

Maatosa 25:34

He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana.

ዬ ማጻፋ 119:67

Ta qaxxayettanaappe kase ne wogappe kare kezadis; ha7i tani ne qaalas azazettana.

ናሂሚያ ማጻፋ 1:5

«Salo GODAWU! Nena dosizaytaranne ne azazo naagizaytara mernaas neni ne caaqo qaala naagiza gitanne yashissiza Xoossa.

Ibirawe 11:17

Xoossi Abrahaamey ba naaza Yisaaqa shukkana mala paacciin Abrahaamey Yisaaqa yarshanaas ammanon shiishshides; Xoossi izas immana gidayssa izikka ba naa issineza shukkanaas giigettides.

ዬ ማጻፋ 119:75

Abeet GODAWU! Ne pirday xillo gididayssanne neni tana qaxxayday ammaneteththan gididayssa tani erays.

1ዮሃኒሳ ኪታ 4:19

Izi kasetidi nuna siiqida gishshas nunikka iza siiqoos.

ኢሳያሳ ቲንቢቴ 64:4

Beniisofe doommidi hidota ooththi naagizaytas gakkiza malaata ooththiday neeppe attiin hara Xoos be7ida ayfeynne siyida hayththi mulekka deenna.

ዬ ማጻፋ 5:11

Gido attiin nenan zemppida ubbati ufayetetto; istti mernaas ufayssan yexxetto. Ne sunththa siiqiza ubbati ufayetetto; isttika nenan naagettetto.

ኬሳ ማጻፋ 20:6

Qasse tani tana siiqizaytassinne ta azazo naagizaytas daro shii yeleteth gakkanaas tani ta siiqo bessiza Xoossa.

Ibirawe 12:5

Intte Xoossa nayta gidi uttidi qaalay gizayssa balideta; «Ta naazoo Xoossa seera kawushshan xeellofa; nena izi seeriza wode hidota qanxxofa.

ኢዮቤ ማጻፋ 5:17

«Xoossi seeriza asi anjjettidayssa; hessa gishshas Ubbaa Dandayza Xoossa seera leqqofa.

ዬ ማጻፋ 94:12

Abeet GODAWU! Neni seerizaadeynne neni ne wogappe tamaarsiza asi anjjettidaade.

ሜቴ ማጻፋ 22:1

Hessafe guye Xoossi Abrahaame paaccides; Xoossi, «Abrahaamee!» gi xeygiin Abrahaamey, «Yee!» gi koyides.

ኢዮቤ ማጻፋ 2:10

Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.

ዬ ማጻፋ 11:5

GODAY xillotanne nagaranchchata pilggi xeellees. Gido attiin geellateththinne makkallateth siiqizayta izi keehippe ixxees.

ሉቃሳ ሚሺራቾ 6:22

asay ta gishshas inttena ixxishin ba giddofe shaakkishin, borishininne inttena iita sunththara xeygishin intte anjjettidayta;

ኦሮሜ ኣሳስ 5:4

Dandayay paacen minoteth immees; paacen minoteththi hidota immees.

2ጺምቶሳስ 2:15

Tumu Xoossaa qaala yootizaade, yeellachchontta oosanchchanne asi ne gishshas lo7o markkattizaade gidada nenateththaa wursa Xoossa sinth shiishshanaas minna.

1ጴጽሮሳ ኪታ 4:14

Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite.