ኢሳያሳ ቲንቢቴ 9:4 - Geeshsha Maxaafa

⁴ Kase neni Midiyaame biitta xoonida mala istta deexxiza qambara, istta hashe bolla wodhida durqqanne istta waayisi haarida guufe menththadasa.

ጋሞ ማጻፋ

⁴ ካሴ ኔኒ ሚዲያሜ ቢታ ጾኒዳ ማላ ኢስታ ዴጺዛ ቃምባራ፥ ኢስታ ሃሼ ቦላ ዎዳ ዱርቃኔ ኢስታ ዋዪሲ ሃሪዳ ጉፌ ሜንዳሳ።

ኢሳያሳ ቲንቢቴ 9:4 Referans Kwoze

ኢሳያሳ ቲንቢቴ 14:25

Tani Asoore ta biitta bolla liiqisana; tani iza ta zuma bolla yedhdhana; iza qambaray ta dereza bollafe dendana; iza toohoykka istta hasheppe kichchana» gi caaqqides.

ኤርማሳ ቲንቢቴ 30:8

GODAY Ubbaafe Wolqqama Xoossay, «He gallas tani istta morgefe qambara menththana; istti qashettida sansalatakka duuththana; hayssafe guyen allagay istta haarenna.

ናሆሜ ቲንቢቴ 1:13

Ha7ikka ta istta qambara ne morgefe menththa diggana; ne izan qashettida sansalatakka duuththa yeggana» gees.

ኢሳያሳ ቲንቢቴ 54:14

Neni xilloteththan minna eqqana; gene ogera aysoy neeppe haakkana. Nena babisiza miishshi deenna; shiroteththi neeppe haakkana; ne matakka shiiqenna.

ኢሳያሳ ቲንቢቴ 49:26

Nena un7eththizayti banttarkka ba asho maana; woyne ushshan maththottiza mala banttarkka ba suuththan maththottana; hessafe guye asa zereth ubbay, tani GODAA, nena Ashshizayssa, nena wozzizayssanne Yaaqoobe Wolqqama gididayssa hessan erana» gees.

ሌዌታ ማጻፋ 26:13

Intte aylleteththan haarettontta mala Gibxe biittafe inttena kessiday tani GODAA intte Xoossaa; tani intte aylleteththa qambara menththada intte dhoqqu giidi baana mala ooththadis.

ሜቴ ማጻፋ 27:40

Neni ne giththa mashshan aqana; neni ne ishaas haarettana; gido attiin neni izara eqettiko iza qambara ne morgefe diggana» gides.

ኢሳያሳ ቲንቢቴ 10:5

GODAY, «Ta hanqos guufe, ta ehiza bashshas xam7a gidida Asoore biitta asaas aayye ana!

ዬ ማጻፋ 125:3

Xilloti iitateth tamaarontta mala iitati haarishe xillota biittan gam7ettenna.

ኢሳያሳ ቲንቢቴ 51:13

Nena medhdhidayssa, salota tolidayssa, sa7as yoch yeggidayssa ne baladasa; nena dhayssanaas giigettida menxe iitaza gaasoppe dendidayssan ubbaa gallas shiron daasa; histtiin he menxe iitaza hanqoy ha7i awan dizee?

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ዬ ማጻፋ 81:6

«Intte hasheppe tooho woththadis; intte kushe deexo gooshoppe shempisadis.

ኢሳያሳ ቲንቢቴ 9:5

Olanchchata caammay ubbay, suuththan moorettida may7o ubbayka taman dunne gidi eexxana.

ኢሳያሳ ቲንቢቴ 16:4

Mo7aabeppe goodettidayti inttekon takketto; istta dhayssizaytappe istti qotetti attizasoho gidite» gees. Un7eththizayssas wurseththi yaana; bashshi attana; otoranchchay biitta bollafe dhayana.

ኢሳያሳ ቲንቢቴ 52:2

Hanne Yerusalaame, denda; gudullaa pitta; ne araatan utta. Di7ettida Xiyoone nayee, ne qoodhen qashettida sansalata kessa yegga.

ኤርማሳ ቲንቢቴ 48:17

Iza yuushon diza ubbay iza gitateth erizayti ubbay izas yeekkite; intte, ‹Mino iza cikkay, bonchchettida xanbaroy waani meqqidee?› giite.

ኢሳያሳ ቲንቢቴ 10:16

Hessa gishshas GODAY, Ubbaafe Wolqqama GODAY, modhdhida iza olanchchata bolla gilqisiza harge yeddana; iza bonchchozappe garsara laciza tama yeddana.