ኢሳያሳ ቲንቢቴ 9:11 - Geeshsha Maxaafa

¹¹ Hessa gishshas GODAY Eraasoone morkketa minththana; istta morkketa istta bolla denththeththidi ehana.

ጋሞ ማጻፋ

¹¹ ሄሳ ጊሻስ ጎዳይ ኤራሶኔ ሞርኬታ ሚንና፤ ኢስታ ሞርኬታ ኢስታ ቦላ ዴንዲ ኤሃና።

ኢሳያሳ ቲንቢቴ 9:11 Referans Kwoze

ኢሳያሳ ቲንቢቴ 7:8

Gaasoykka Damasqoy Aaraame biittas hu7e; kawo Eraasooney Damasqos hu7e. Usuppun tamman ichchash layththa garsan Efreeme derey laalettana; simmidi dere gidana dandayenna.

2ካዎታ ማጻፋ 16:9

Asoore kawozikka Akaazey iza woossida woosa Ero gi ekkidi Damasqo xooni oykkides. Asaakka di7i ekkidi Qiire geetettizasoho efidessinne Eraasoonekka wodhides.

2ካዎታ ማጻፋ 15:29

Isra7eele kawo Faaquhey kawoti diza layththatan Asoore kawo Teligelitelifelisoorey yiidi Iyoone, Aabeeli-Beeti-Ma7ika, Yaanooke, Qaadeese, Haxoore, Gala7aade, Galilanne Niftaaleme deraakka issife gaththi oykkides. Asaakka di7i ekkidi Asoore dere efides.

ኢሳያሳ ቲንቢቴ 7:1

Ooziya naa Iyo7aatamey yelida Akaazey Yuhuda biittan kawotida wode Aaraame biitta kawo Eraasooninne Isra7eele biitta Kawo Eromeliyo naa Faaquhey Yerusalaame olanaas kezida; gido attiin xoonanaas dandaybeettenna.

ኢሳያሳ ቲንቢቴ 5:25

GODAA hanqoy iza deraa bolla eexxi ke7ides; izi ba kushe denththidi istta shocides. Zumati qaaxxida; hayqqida asaa ahay oge bolla pitti yeggida buura mala gidides; histti pe7iinkka iza hanqoy simmibeenna; iza kushey ha7ikka dendida mala dees.

ኢሳያሳ ቲንቢቴ 10:4

Qashettida asaara issife qasheteththafe shukettiza asaara issife shuketeththafe attiin haray inttes attanaasoy deenna. Hessi ubbay haniinkka GODAA hanqoy dochchibeenna; qaxxayanaas izi ba kushe denththi woththides.

ኢሳያሳ ቲንቢቴ 28:1

Efreemen diza maththottizaytas, otoreteththas, kallachcha gididaaris, cilila shoobba hu7en kippi ga uttida, izas bonchcho seelo gidida shulla ciishshays, woyne ushshay istta zereththas otoreteththas gidida katamays aayye ana!