ኢሳያሳ ቲንቢቴ 66:1 - Geeshsha Maxaafa

¹ GODAY, «Saloy taas araata; sa7aykka taas yedhdhizaso; histtiin intte taas keexxana keeththinne ta shemppana soy awayssee?

ጋሞ ማጻፋ

¹ ጎዳይ፥ «ሳሎይ ታስ ኣራታ፤ ሳኣይካ ታስ ዬዛሶ፤ ሂስቲን ኢንቴ ታስ ኬጻና ኬኔ ታ ሼምፓና ሶይ ኣዋይሴ?

ኢሳያሳ ቲንቢቴ 66:1 Referans Kwoze

ሃዋሬታ ኦሶ 17:24

Hayssa alamezanne iza giddonkka dizayssa ubbaa medhdhida Xoossi izi salonne sa7a Godaa; hessa gishshas izi asa kushen keexettida keeththan deenna.

1ካዎታ ማጻፋ 8:27

«Tumappe Xoossi sa7a bolla de7i erizee? Be7a saloy, salotappe bollan diza saloykka nena oykkana dandayenna; histtiin hayssi ta keexxida Xoossa Keeththay nees ay gidanee!

ዬ ማጻፋ 132:7

Nuni, «Ane izi dizaso boos; iza tohoy yedhdhizason gufannidi izas goynnoos.

ዬ ማጻፋ 11:4

GODAY ba geeshsha Keeththan dees; salon ba araatan uttidi asaa be7ees; iza ayfeti asaa pilggi xeelleettes.

2ታሪኬ ማጻፋ 6:18

«Gido attiin Xoossay tumappe asara issife ha sa7an de7anee? Be7a, saloti, salotappe bollan de7iza salotikka nena oykkanaas dandayettenna. Histtiin hayssi tani keexxida Xoossa Keeththay nees ay keena guuxxandeeshaa!

1ታሪኬ ማጻፋ 28:2

Histtiin kawo Dawiti dendi eqqidi, «Ta ishanttoo, ta asatoo, siyite! Nu GODAA Taabotay uttizasonne nu Xoossaa tohoy shempizaso Xoossa keeth keexxanaas ta wozinan qoppada halchcho kessadis; keexxanaas koshshiza miishshatakka giigsadis.

ዬ ማጻፋ 99:9

GODAA nu Xoossaa dhoqqu dhoqqu histtite; iza geeshsha zuma bollan izas goynnite; ays giikko GODAA nu Xoossay geeshsha Xoossa.

Maatosa 24:2

Izikka isttas, «Hayssa ubbaa xeelleetii? Ta inttes tumu gays; hayssi intte be7iza issoy issaa bolla diza shuchchay laalettontta issi shuchchika hayssaththo deenna» gides.

ሚልካሳ ቲንቢቴ 1:11

Awa arshey kezizasoppe doommidi arshey wullizaso gakkanaas ta sunththay dere ubbaa giddon bonchchettana; beettooson ubbaan ta sunththas exaaneynne geeshsha yarsho asay shiishshana; ta sunththi asa ubbaa achchan bonchchettana.

Maatosa 12:6

Gidikkoka ta inttes gizay Xoossa Keeththafe aadhdhizaadey haan dees.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኤርማሳ ቲንቢቴ 23:24

Tani be7ontta mala geemason qotetti attana asi dizee? Salonne sa7a kumiday tana gidikkinaa!» gees GODAY.

2ታሪኬ ማጻፋ 2:5

«Nu Xoossay hara xoossata ubbaafe gita gidida gishshas tani keexxanaas giigettiza Xoossa Keeththayka gita.

ኢሳያሳ ቲንቢቴ 60:13

Ta Keeththay dizaso alleqissanaas, Libaanoose bonchchoy guuganththi, xiiddaynne barseneetey neekko yaana; ta tohoy eqqizasoza ta bonchchana.