ኢሳያሳ ቲንቢቴ 65:7 - Geeshsha Maxaafa

⁷ Intte nagara halonne intte aawata nagara halo ta kessana. Istti zumata bolla xuugettiza yarsho shiishshida gishshas, zumbullata bolla tana cayida gishshas, istti makkida miishshan isttas zaari makettana; istti kase ooththida ooso kushe zaari ekkana» gees.

ጋሞ ማጻፋ

⁷ ኢንቴ ናጋራ ሃሎኔ ኢንቴ ኣዋታ ናጋራ ሃሎ ታ ኬሳና። ኢስቲ ዙማታ ቦላ ጹጌቲዛ ያርሾ ሺሺዳ ጊሻስ፥ ዙምቡላታ ቦላ ታና ጫዪዳ ጊሻስ፥ ኢስቲ ማኪዳ ሚሻን ኢስታስ ዛሪ ማኬታና፤ ኢስቲ ካሴ ኦዳ ኦሶ ኩሼ ዛሪ ኤካና» ጌስ።

ኢሳያሳ ቲንቢቴ 65:7 Referans Kwoze

ኢሳያሳ ቲንቢቴ 57:7

Ne hiixa dhoqqu gida adussa zumbulla hu7en hiixxadasa; heen ne yarsho shiishshana kezadasa.

ኬሳ ማጻፋ 20:5

Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.

ኤርማሳ ቲንቢቴ 13:25

Intte tana dogida gishshassinne wordo xoossatan ammanettida gishshas intte saamaynne intte qaaday hayssa.

1ታሶሎንቄ ኣሳስ 2:16

Hessika Ayzaabeti siyidi attana qaala nu isttas yootontta mala digganaassa; hessa mala ooson ba nagara ubba wode ba bolla wurseth gakkanaas gujji gujji beettes; Xoossa hanqoyka istta bolla wodhdhides.

ዳኔላ ቲንቢቴ 9:8

Abeet GODAWU! Nuni wurikka nena qohida gishshas nu kawota, nuna ayssizaytanne kase nu aawatanne nuna yeellay gakkides.

ሂዚቄላ ቲንቢቴ 18:6

«zumbullata bolla eeqa xoossatas yarshettidayssa izi meenna; Isra7eele biittankka diza eeqa xoossatakko xeellenna; ba laggeza machcheyra laymatenna; maccassa wogay yishin maccassara aqenna.

ኤርማሳ ቲንቢቴ 5:29

Histtiin tani hayta ha yoota gishshas, istta qaxxayanaas bessennee? Hessa mala kawoteththa bolla ta halo kessanaas bessennee?» gees.

ኤርማሳ ቲንቢቴ 5:9

Tumuppe tani ha yo7ota gishshas istta qaxxayanaas bessennee? Tani ta hu7era hessa mala kawoteththa bolla halo kessana bessennee?» gees.

ኢሳያሳ ቲንቢቴ 65:6

«Be7ite, ta sinththan xaafetti uttides; ta co7u giikke; gido attiin iza ooso ooso mala ta izas immana; istta hano mala ta isttas ciggana.

ኢሳያሳ ቲንቢቴ 22:14

GODAY Ubbaafe Wolqqama Xoossay hayssafe kaallizayssa taas qonccisides; izakka ta hayththan siyadis; «Hayssi ha nagarazi intte hayqqana gakkanaas wursiin wurenna.»

2ካዎታ ማጻፋ 16:4

Hessaththoka zumbullata bollan goynnizasotan, poggonota hu7eninne haggay daayida miththata garsan yarsho yarshidessinne exaane cuwasides.

2ካዎታ ማጻፋ 15:35

Gido attiin zumbullata bollan goynnizasohoti kichchibeettenna; asay heen yarsho shiishonne exaane cuwaseth aggibeenna. Iyo7aatamey GODAA Keeththas pude bagga pengeza zaari giigsides.

2ካዎታ ማጻፋ 14:4

Zumbullata bolla diza goynnizasoti kichchibeettenna; asay zumbullata bolla yarsho shiishonne Exaane cuwaseth essibeenna.

2ካዎታ ማጻፋ 12:3

Gido attiin zumbullata bollan goynnizasohota dhayssibeenna; derezikka he sohotan yarsho shiishonne exaane cuwaseth gujji gujji bides.

1ካዎታ ማጻፋ 22:43

Iyoosaafixey ba aawaa Aasa oge ubbaa kaallides; izi he ogeppe sher7i gibeenna; GODAA sinththan suure miish ooththides. Gidikkoka dhoqqasohon diza eeqas goynnizasohota dhayssibeenna; asay he sohotan yarsho shiishonne exaane cuwaseth aggibeenna.

ታይቦ ማጻፋ 32:14

Intteno nagaranchcha yeletatoo! GODAY Isra7eele dere bolla gujji hanqettana mala ha7ikka intte intte aawataththo ooththeeta.

ሌዌታ ማጻፋ 26:39

Intte morkketa deren hayqqontta attidayti qasse intte nagaraninne kase intte aawata nagara geedon heen gilqi attana.

ሉቃሳ ሚሺራቾ 6:38

Immite! Intteska imettana; inttes intte makkida miishshan simmidi makettana; harappeka naaqqi baqettidi yigetti kumidi wora gukkanaashe lo7o makkiza miishshan makettidi inttes imettana» gides.

ኢሳያሳ ቲንቢቴ 3:11

Iitatas aayye ana! Istta bolla iita miishshi yaana; ays giikko istti bantta ooso mala ekkana.

ኢሳያሳ ቲንቢቴ 10:12

GODAY Xiyoone zuma bollanne Yerusalaame bolla ba ooththana ooso ubbaa polidaappe guye, «Asoore kawo iza wozina otoreteththaa gishshassinne izi kadhe ayfen xeelliza gishshas ta iza qaxxayana» gees.

ኢሳያሳ ቲንቢቴ 13:11

GODAY, «Tani alame izi iitateththaa gishshas qaxxayana; iitatakka istta nagara gishshas qaxxayana. Tani otoranchchata otoreteth shaarana; menxe iitata otoreteth ta kawushshana.

ኢሳያሳ ቲንቢቴ 26:21

Biittaa bollan diza asaa istta nagaraa gishshas qaxxayanaas, GODAY ba de7izasoppe kezidi yees. Biittayka ba bollan gukkida suuththaa qonccisana; hayqqidaytakka hayssafe guye qottuku.

ኢሳያሳ ቲንቢቴ 28:21

GODAY Paraaxime zuman ooththida mala, ba ooso, ba imaththa ooso, hessika ba ooraththa ooso ooththanaas dendana. Qasse Geba7oone zullen ooththida malakka ooththana.

ኢሳያሳ ቲንቢቴ 29:14

Hessa gishshas tani ha asaa bolla malalisiza miishsha bolla malalisiza miish ooththashe zaara zaara istta malalissana; aadho eranchchata erateththi dhayana; akeekanchchata akeekaykka pentti baana» gides.

ኢሳያሳ ቲንቢቴ 30:13

hayssi ha nagarazi phalqetti kundananne qoppontta dishin kundiza gita gimbe mala isttas gidana.

ኢሳያሳ ቲንቢቴ 30:14

Meqerettoyssa giddofe tama bonqqo kaashiza kon7ay, haaththe duuqqiza kon7ay dhayanaashe gakkanaas, aykkoyka attontta tiifettiza mana miishsha mala tiifettana» gees.

ኢሳያሳ ቲንቢቴ 57:12

Tani ne xilloteththinne ne ooso qonccisana; isttika nena go7ettenna.

ኢሳያሳ ቲንቢቴ 59:18

Istta ooso mala hanqo ba baalgaaratas, pirda ba morkketas izi qanxxana. Haruro biittatas istta ooso ooso mala immana.

ኢሳያሳ ቲንቢቴ 66:4

Hessa gishshas meto ta istta bolla gaththana; istti yayyida miishshika ta istta bolla ehana; gaasoykka ta xeygiza wode istti koyibeettenna; ta yootishin istti ezgibeettenna; ta sinththan iita miish ooththida; tana iitiza miish doorida» gees.

ኤርማሳ ቲንቢቴ 13:27

Intte zumbullata bollanne demban ooththida harassiza ooso tani be7adis; intte laymateththanne intte ziita hanota ta be7adis; Yerusalaame nees aayye ana! Neni ayde gakkanaas ne tunateththaafe geeyontta daanee?» gees.

ሆሴኤ ቲንቢቴ 2:13

Ba7aale geetettiza eeqa xoossas exaane cuwasanaassinne lo7o geexe woththada iza ba laggeththota kaallada tana aggida gishshas ta izo qaxxayana.

ሆሴኤ ቲንቢቴ 11:2

Gido attiin ta istta xeygida keena istti taappe gede haakki haakki bida. Ba7aales yarsho shiishshida; iza misletasikka exaane cuwasida.

1ካዎታ ማጻፋ 22:44

Iyoosaafixey Isra7eele kawora sigan de7ides.

2ታሪኬ ማጻፋ 21:11

Iyoraamey qasse Yuhudan zumbullata bolla goynnizasohota giigsidi Yerusalaamen diza asay laymatana mala ooththides; Yuhuda asaakka baleththides.

ኤርማሳ ቲንቢቴ 16:18

Istti ta biittaa aha mala gidida harassiza eeqa xoossatan tunisida gishshassinne ta xinxxoka yeellachchiza miishshatan kunththida gishshas tani istti ooththida qohoza gishshassinne nagara gishshas nam7u kushe qaxxayana» gees.