ኢሳያሳ ቲንቢቴ 65:4 - Geeshsha Maxaafa

⁴ Duufo giddon uttizayti, geemasohon aqizayti, guddunththa asho mizayti, istti bantta otota tunida asho camba kunththizayta.

ጋሞ ማጻፋ

⁴ ዱፎ ጊዶን ኡቲዛይቲ፥ ጌማሶሆን ኣቂዛይቲ፥ ጉዱን ኣሾ ሚዛይቲ፥ ኢስቲ ባንታ ኦቶታ ቱኒዳ ኣሾ ጫምባ ኩንዛይታ።

ኢሳያሳ ቲንቢቴ 65:4 Referans Kwoze

ኢሳያሳ ቲንቢቴ 66:17

GODAY, «Atakiltey dizasoho biidi isttafe issaas goynnanaas bana geeshshizaytinne dummasizayti, guddunththa ashonne ecere asho, tunida miishshata miza ubbati ba pirda wurseththan issife ekkana» gees.

ሌዌታ ማጻፋ 11:7

Guddunththika moopite; iza qinccifilley phalqeth gidikkoka izi banchikontta gishshas inttes tuna gidi qoodetto.

ኢሳያሳ ቲንቢቴ 66:3

«Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ሉቃሳ ሚሺራቾ 8:27

Yesusi wogolozappe gaden wodhdhiin daydanththi iza bolla diza issaadey katamappe kezidi iza demmides; he addezi daro wode may7o may7ontta kallo dizaadenne keeththan aqontta duufo baas aqoso ooththida asa.

Maatosa 8:28

Izi abba pinnidi Gergesenoone geetettiza dere gakkida mala daydanththi oykkida nam7u as dayti ba diza duufoppe kezidi izara gaaggida. Asi he ogezara aadhdhanaas dandayetontta mala asas daro keehi meto gidi deettes.

ሂዚቄላ ቲንቢቴ 4:14

Histtiin tani zaarada, «Hay! Ubbaa Haariza GODAWU! Mulekka ta hessa malan tuna erikke; tani yelagateththafe doommada bawuta woykko do7ay wodhidayssa ma erikke; tunida ashoykka ta doonaakko shiiqi erenna» gadis.

ዛሬ ማጻፋ 18:11

Qasseka daggamizaadey (gojizay), woykko moytille xeygizaadey woykko iita ayanatara haasayzaadey, woykko hayqqida asata ayanara haasayzaadey intte giddon dooppo.

ዛሬ ማጻፋ 14:21

GODAA intte Xoossaas intte dummatida dere gidida gishshas bawuti hayqqida mehe asho moopite; hara dereppe yiidi intte giddon dizayti maana giikko diggofte; woykko hara dere asas bayzana dandayeeta. Deyshsha laaqqa iza aayey maaththan doyssofte.

ዛሬ ማጻፋ 14:8

Gudunththa qinccifilley phalqeth gidikkoka banchikontta gishshas izi hankko tunatara issife qoodettees; haytantta mala medosata moopitenne isttas ahakka bochchofte.

ዛሬ ማጻፋ 14:3

Tuna gididaaz ay miishsheka moopite.

ታይቦ ማጻፋ 19:11

«Hayqqida asa aha bochchida asi laappun gallas gakkanaas tuna gidi gam7o.

ኬሳ ማጻፋ 34:26

«Intte gaden bayra kaxxida kaththaafe koyro xeeraa GODAA intte Xoossaa keeth ehite. «Deyshsha laaqqa iza aayey maaththan doyssofte» gides.

ኬሳ ማጻፋ 23:19

Ne gaden bayra kaxxida kaththa ubbaafe lo7izayssa GODAA ne Xoossaa soo ekka ya. Deyshsha laaqqa iza aayey maaththan doyssofa.

ዛካራሳ ቲንቢቴ 9:7

Tani istta doonappe suuth, istta gacoppe montta mala digettida kath diggana; hankko attidayti ta dere gidana; Yuhuda biittan halaqatana; Aqaroone asaykka Yaabuse asa mala gidana.