ኢሳያሳ ቲንቢቴ 65:2 - Geeshsha Maxaafa

² Makkallanchcha deretas, iita ogera bizaytas, bantta wozina amo kaallizaytas, ta kushe gallas kumeth miccadis.

ጋሞ ማጻፋ

² ማካላንቻ ዴሬታስ፥ ኢታ ኦጌራ ቢዛይታስ፥ ባንታ ዎዚና ኣሞ ካሊዛይታስ፥ ታ ኩሼ ጋላስ ኩሜ ሚጫዲስ።

ኢሳያሳ ቲንቢቴ 65:2 Referans Kwoze

ኦሮሜ ኣሳስ 10:21

Isra7eele gishshas qasse, «Taas azazettontta derekkonne taas eeno gontta derekko kumeththa gallas ta kushe miccadis» gees.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

ሌሚሶ ማጻፋ 1:24

Tani xeygida wode intte koyontta ixxideta; tani ta kusheza micciin oonikka wudu gibeenna.

ኢሳያሳ ቲንቢቴ 1:2

GODAY, «Salotoo siyite! biittayee nekka ezga siya! Tani nayta yelada dichcha gaththiin istti ta bolla makkallida.

ኦሮሜ ኣሳስ 2:5

Gido attiin neni ne wozina muumeteththaninne maaroteth koyontta ne wozina gaason Xoossaa tuma pirday qoncciza wode Xoossa hanqo gallassas ne bolla daro hanqo shiishshaasa.

Maatosa 15:19

Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees.

ኤርማሳ ቲንቢቴ 7:24

Istti gidikko ta gizaaz siyibeettenna; wozinan woththi siyanaaska koyibeettenna; istti bantta iita wozina qofaa minththi kaallida; istti sinththe buus aggidi guye guye bida.

ኤርማሳ ቲንቢቴ 5:23

Gido attiin ha deraas muumenne makkalla wozinay dees; Istti oge aggi wora bida.

ኤርማሳ ቲንቢቴ 3:17

He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna.

ኢሳያሳ ቲንቢቴ 66:18

«Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

ኢሳያሳ ቲንቢቴ 63:10

Istti gidikko makkallida; iza Geeshsha Ayanaakka mishisida hessa gishshas izi simmidi isttas morkke gidides; istta olides.

ዬ ማጻፋ 36:4

Izi ba hiixan dishe gene qoppishe aqees; bana lo7o gidontta oge kaaleththees; iita izi ixxenna.

ዛሬ ማጻፋ 29:19

Ha caaqo qaalaa siyidi ba wozinan, «Tani ta shene mala diikkoka taas saroy dees» giidi bana cimmiko hessa mala asi lo7ota bollanne iitata bolla bash ehana.

ሜቴ ማጻፋ 6:5

GODAY he wode biitta bollan diza asaa iitateththi daridayssanne istti ba wozinan qoppizayssi wuri ubba wodekka iita xalala gididayssa be7ides;

ሉቃሳ ሚሺራቾ 13:34

«Hanne Yerusalaame nabeta wodhizaaree! Neekko kiitettidayta shuchchara caddizaaree! Kuttoy ba ciyeta ba qefe gars shiishshiza mala ne nayta shiishshanaas aappun wode koyadinaashin ne gidikko akkay gadasa.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 1:23

Nena kaaleththizayti makkallanchchataranne kaysotara laggetida; istti ubbayka maganxo doseettes. Matta7ekka keehi koyeettes; yi7otas aadhdhi eqqettenna; am7eta magana siyettenna.

ሌሚሶ ማጻፋ 16:29

Gene asi ba shooroza cimmees; lo7o gidontta oge iza kaaleththees.

ዛሬ ማጻፋ 31:27

Isra7eele asay ay mala makkallanchchakonne wozina muumekko ta erays; tani shemppora paxa isttara dishin istti GODAA bolla makkallizayti tani hayqqidaappe guye keehi makkallanchchata gidana.

ዛሬ ማጻፋ 9:7

GODAA intte Xoossaa bazzon intte wostti hanqeththidaakko balopite; intte Gibxeppe kezida gallassafe doommidi hanno gakkanaas intte GODAA intte Xoossaa bolla makkallideta.

ታይቦ ማጻፋ 15:39

He macarata intte be7iza wode ubbaan ta azazota hassa7i ekkidi polite; histtiko intte intte ayfen be7idayssanne intte wozinan amottidayssa kaallidi taappe shaaketteketa.

ኢሳያሳ ቲንቢቴ 30:1

GODAY, «Makkallanchcha gidida naytas aayye ana! taappe gidontta qofa kaalleettes; ta Ayanappe gidontta caaqo caaqqeettes; nagara bolla nagara gujjeettes.

ኢሳያሳ ቲንቢቴ 30:9

Hayti GODAA azazo siyana koyonttayti, makkallanchcha derenne baleththiza nayta.

ኢሳያሳ ቲንቢቴ 55:8

GODAY, «Ta qofay intte qofa mala, intte ogeykka ta oge mala gidenna.

ኢሳያሳ ቲንቢቴ 66:3

«Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.

ዬ ማጻፋ 36:5

Abeet GODAWU! Ne mernaa siiqoy salo gakkees; ne tumateththayka bolla shaara mala dhoqqees.

ኢሳያሳ ቲንቢቴ 66:4

Hessa gishshas meto ta istta bolla gaththana; istti yayyida miishshika ta istta bolla ehana; gaasoykka ta xeygiza wode istti koyibeettenna; ta yootishin istti ezgibeettenna; ta sinththan iita miish ooththida; tana iitiza miish doorida» gees.

ኤርማሳ ቲንቢቴ 18:12

Gido attiin isttas, ‹Daaburoppa; nu halchchida ogera baana; nuni issoy issoy nu iita wozina qofa kaallana› geettes» gides.