ኢሳያሳ ቲንቢቴ 63:8 - Geeshsha Maxaafa

⁸ GODAYKKA, «Tumukka; istti ta dereta; istti taas wordotontta attuma nayta» gides. Hessa gishshas izi istta Ashshizaade gidides.

ጋሞ ማጻፋ

⁸ ጎዳይካ፥ «ቱሙካ፤ ኢስቲ ታ ዴሬታ፤ ኢስቲ ታስ ዎርዶቶንታ ኣቱማ ናይታ» ጊዴስ። ሄሳ ጊሻስ ኢዚ ኢስታ ኣሺዛዴ ጊዲዴስ።

ኢሳያሳ ቲንቢቴ 63:8 Referans Kwoze

ሜቴ ማጻፋ 17:7

Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ኬሳ ማጻፋ 6:7

Tani inttena ta dere histtana; tani intte Xoossaa gidana. He wode ta inttena Gibxe asaa aylleteththafe kessida intte GODAA Mernaa Xoossaa gididayssa intte erana.

ዩሁዳ ኪታ 1:25

izi xalla nuus Xoossanne dhale gidida Godaa Yesus Kirstoosa baggara benippe doommidi ha7i gakkanaassinne mernaaskka bonchchoynne gitateththi, wolqqaynne godateththi izas gido. Amiin.

1ዮሃኒሳ ኪታ 4:14

Aaway ba naaza hayssa ha alame asaa ashshanaas yeddidayssa nu be7idossinne iza gishshas markkattoos.

ቆላሲያሴ ኣሳስ 3:9

Kase ceega asateth iza oosora gaththi inttefe qaari yeggida gishshas intte intte garsan issoy issaara wordo haasayopite.

ኤፌሶኔ ኣሳስ 4:25

Nu wurikka issi asho gidida gishshas wordoteth diggidi nuni nu garsan issoy issaara ane tumaa haasayoos.

ኦሮሜ ኣሳስ 11:28

Inttes Ayzaabetas Mishiraachcho qaalay gakkana mala Isra7eele nayti Xoossan ixettida as gidida; gidikkoka kase dooroza mala gidikko ba aawata baggara istti dosettidayta.

ዮሃኒሳ ሚሺራቾ 1:47

Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.

ሶፎናሳ ቲንቢቴ 3:7

Ta he katamayo, Tumappe neni taas yayyana; ta seerishin ne ekkana gadis shin; hessa gishshas izi duussasoy dhayenna; izi bolla qixaatey gakkenna. Gido attiin ta derey iita ooson, kaseppe gede minni minni bides» gees.

ሆሴኤ ቲንቢቴ 13:4

GODAY, «Nena Gibxeppe kessiday tana GODAA ne Xoossa; nees taappe attiin hara Xoossi deenna; nena ashshiday taappe attiin hara xoos gidenna.

ኤርማሳ ቲንቢቴ 14:8

Abeet Isra7eele hidotawu! Meto wode ashshizayssoo! neni biittan imaththa mala, issi omars aqidi biza oge asa mala ays hanay?

ኢሳያሳ ቲንቢቴ 57:11

«Neni taas wordotiday, oonas yayyadaa? Oonas hirgadaa? Ne tana qoppontta aggiday, hayssaka ne wozinan qum7ontta aggiday, taas ne yayyontta ixxiday, tani co7u gida gishshas gidennee?

ኢሳያሳ ቲንቢቴ 51:4

«Ta baggatoo ta gizayssa siyite; ta derezoo ta gizaa ezga; wogay taappe kezana; ta pirday kawoteththatas poo7o gidana.

ኢሳያሳ ቲንቢቴ 43:11

Tana; tani GODAA; Taappe attiin hara ashshizay deenna.

ኢሳያሳ ቲንቢቴ 43:3

Gaasoykka tani GODAA ne Xoossay, Isra7eele Geeshshay nees dhale; Ta ne gishshas Gibxe wozzo immana; Tophphiyanne Seeba ne gishshas aaththa immana.

ኢሳያሳ ቲንቢቴ 41:8

GODAY, «Gido attiin nenoo ta ashkara Isra7eele, ta doorida Yaaqoobe, ta laggeza Abrahaame zereththazoo,

ዬ ማጻፋ 106:21

Istti banttana ashshida Xoossa dogida; izi Gibxen gita ooso,

ዛሬ ማጻፋ 33:29

Isra7eele asawu! Intte ay mala anjjettida deree! GODAY ashshida intte malay oonee? Izi inttes gondallenne inttena maaddizayssa; izan intte xooniza giththa mashsha; intte morkketi intte sinththan gufannana; intteka istti goynnizasota laallana.

ኬሳ ማጻፋ 24:7

Hessafe guye Caaqo Qaala Maxaafaa ekkidi asaas dhoqqu histtidi nababiin asay, «GODAY yootidayssa ubbaa nuni ooththananne azazettana» gides.

ኬሳ ማጻፋ 3:7

Qasseka GODAY, «Tani Gibxe biittan ta asay waayiza waaye lo7eththa beyada, istti ba godatappe dendidayssan waassiza waaso siyadissinne istta waaye eradis.

ኬሳ ማጻፋ 14:30

GODAY he gallas Isra7eele asaa Gibxe asaa kusheppe hayssaththo ashshides. Qasse Isra7eele asay Gibxe asaa aha abba doonan be7ides.

ኢሳያሳ ቲንቢቴ 3:15

Ta deraa ays meton liiqisidetii? Manqota ays yeesseetii? Hayssa yootiday tana Goda, Ubbaafe Wolqqama GODAA Xoossaa» gees.

ኢሳያሳ ቲንቢቴ 19:20

Hessi Ubbaafe Wolqqama GODAAS Gibxe biittan malatanne markka gidana; istti banttana un7eththizaytappe dendidayssan GODAAKKO waassiza wode izi istta ashshizaadenne maaddizaade kiittidi istta ashshana.

ኢሳያሳ ቲንቢቴ 60:16

Neni kawoteththata maath uyana; kawota dhanththika dhammana. Hessafe guye tani GODAY nena Ashshizayssa, nena Wozzizayssanne Yaaqoobe Wolqqama gididayssa neni erana.

ኢሳያሳ ቲንቢቴ 64:9

Abeet GODAWU, keeha hanqettofa; nu nagaraakka mernaas qoppofa; nuus woosetta; nu ubbay ne dere gidida gishshas ne ayfeso nuukko haa zaara.

ዛሬ ማጻፋ 32:5

«Istti iza sinththan iita ooththida; istti bantta iitateththaafe dendidayssan hayssafe guye iza nayta gidettenna; istti bokkanne geella yeletata.

1ሳሜላ ማጻፋ 12:22

GODAY inttena ba dere histtanaas dosida ba gita sunththaa gishshas ba deraa aggenna.

ኢሳያሳ ቲንቢቴ 64:8

Gidikkoka abeet GODAWU, neni nuus aawa; nuni urqqata; neni nuna medhdhidayssa; nuni ubbayka ne kushen medhettidayta.