ኢሳያሳ ቲንቢቴ 61:1 - Geeshsha Maxaafa

¹ Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ጋሞ ማጻፋ

¹ ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ኢሳያሳ ቲንቢቴ 61:1 Referans Kwoze

ሉቃሳ ሚሺራቾ 7:22

Yohannisi kiittiin izakko yidayta, «Biidi intte intte ayfera be7idayssanne siyidayssa Yohannisas yootite. Ayfe qooqeti xeelleettes; toho wobbeti suure hemetteettes; inchchirachcha hargizayti paxida; tulleti siyida; hayqqidayti hayqoppe dendida; manqotas Mishiraachcho qaalay yootettees.

ኢሳያሳ ቲንቢቴ 42:7

Ne qooqeta ayfe doy7ana; di7ettidayta qasho keeththafe birshana; dhuman uttidaytakka karchchallefe kessana.

Maatosa 11:5

Qooqeti xeelleettes; wobbeti hemetteettes; inchchirachcha hargizayti paxeettes; tulleti siyeettes; hayqqidayti hayqoppe paxi dendeettes; manqotas Mishiraachcho qaalay yooteettes.

ዬ ማጻፋ 147:3

Wozinay meqqidayta izi koolees; istta madunththaaka izi paththees.

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ሃዋሬታ ኦሶ 10:38

Xoossi Naazirete Yesusa Xillo Ayananinne wolqqan tiydes; izikka Xoossi izara diza gishshas ba gakkidason ubbaan lo7o ooththishe Xala7e godateththa giddon dizayta ubbaa paththides.

ኢሳያሳ ቲንቢቴ 57:15

Dhoqqu gidayssi, Ubbaa haarizayssi, izas sunththayka Geesh geetettidayssi, mernaas de7izayssi, «kawuyidayta ayana denththeththanaas, wozinay meqqidayta minththeththanaas, dhoqqu gida geeshshasohon ta de7ays; qasseka wozinay meqqidaytaranne ayanan ashke gididaytara tani de7ana.

ኢሳያሳ ቲንቢቴ 49:9

Neni di7ettidayta, ‹Haa kezite!› dhuman dizayta, ‹Poo7on kezite› gaana mala ta ooththadis. Istti ogey dizason dizason kath maana; aykkoy baynda zumbulla bolla heemettizaso demmana.

ዬ ማጻፋ 34:18

GODAY wozinay meqqidaytas matan dees; qasse hidota qanxxidaytakka ashshees.

ኢሳያሳ ቲንቢቴ 48:16

«Taakko haa shiiqidi hayssa siyite; tani koyroppe doommadakka geeman haasayabeekke; izi polettishin ta heen days» gees. Ha7ikka Ubbaa Haariza GODAYNNE iza Ayanay tana kiittida.

ሃዋሬታ ኦሶ 26:18

Ne istta ayfe doyana malanne dhumappe poo7on kessana mala qasseka Xala7es haarettizasoppe Xoossako ne zaarana mala ooththana; isttika tana ammanida gishshas ba nagarappe maarettana; qasse doorettidayta giddon istti xinxxo demmana› gides.

ዮሃኒሳ ሚሺራቾ 3:34

Xoossi kiittidaadey Xoossa qaala yootees. Xoossika izaades ba Ayana makki immenna.

Maatosa 3:16

Yesusi xammaqettidi haaththaafe kezida mala heerakka saloy doyettiin Xoossa Ayanay haraphphe misatidi iza bolla wodhdhishin be7ides.

ሆሴኤ ቲንቢቴ 6:1

Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

ዬ ማጻፋ 45:7

Neni xilloteth dosaasa; makkallateth ixxaasa. Hessa gishshas Xoossay, ne Xoossay ne laggetapekka aaththidi nena ufayssa zayten tiydes.

ዬ ማጻፋ 22:26

Hiyeesati miidi kallana. GODAA koyzayti iza galatana. Istti mernaas ufayettana.

ዬ ማጻፋ 102:20

Hessika qashettida asata waaso siyanaassinne hayqos pirdettida asata qashoppe birshanaassa.

ዬ ማጻፋ 51:17

Xoossas shiiqiza yarshoy ashke ayana; abeet Xoossawu! Meqqida wozina ne kadhakka.

ዬ ማጻፋ 2:6

Goday, «Tani ta geeshsha zuma Xiyoone bolla ta kawoza kawoththadis» gees.

ኢሳያሳ ቲንቢቴ 59:21

Qasseka GODAY, «Ta baggara taassinne isttas diza caaqo qaalay hayssa; intte bolla diza ta Ayanaynne tani intte doonan woththida ta qaalay hachchife doommidi mernaa gakkanaas, intte doonappe, intte nayta doonappenne intte zereththa doonappe shaakettenna» gees.

Ibirawe 1:9

Neni xilloteth dosadasa; makkallaka ixxaasa; hessa gishshas Xoossi ne Goday nena ne laggetappe bolla kessides; nena ufayssa zayte tiydes» gees.

2ቆሮንቶሴ ኣሳስ 7:6

Gido attiin muuzottidayta minththeththiza Goday Titoosa yuussan nuna minththeththides.

ዳኔላ ቲንቢቴ 9:24

«Makkallateththaa essanaas, nagara digganaas, qoho wursanaas, mernaa xilloteth ehanaas, ajjuutanne tinbite maatamen shocanaas, geesh gidida giddo qol7a tisttanaas ne deraa gishshassinne ne geeshsha katamay gishshas laappun tammu saaminttay awajettides.

ዬ ማጻፋ 69:32

Qohettidayti tana Xoossay ashshidayssa be7idi ufayetetto. Intteno Xoossako shiiqizayto intte wozinay minetto.

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ዬ ማጻፋ 25:9

Ashketa suure ogera kaaleththees; isttaka ba oge tamaarssees.

ዮሃኒሳ ሚሺራቾ 1:41

Indiraasi koyro ba isha Simoonaakko biidi, «Xoossi kiittida Kirstoosa nu demmidos!» gides.

ዬ ማጻፋ 149:4

GODAY ba asan ufayettees; ashketa ashshidi bonchchon puulasees.

ሃዋሬታ ኦሶ 4:27

«Tumappe Herdoosinne Phanxoosa Philaxoosi Isra7eeletaranne hara dere asaara hanno katamayn ne doora tiyda geeshsha naaza Yesusa bolla yo7o qachchanaas shiiqettida.

ኤርማሳ ቲንቢቴ 34:8

Kawo Sedeqiyaasi aylleteththa garsan dizayta la7a kessanaas Yerusalaamen diza asaa ubbaara caaqettidaappe guye GODAA qaalay Ermaasakko yides.

ኢሳያሳ ቲንቢቴ 52:9

Intteno Yerusalaamen qolettida sohotoo! Intte issi bolla ililisan yexxite; GODAY ba deraa minththeththides; Yerusalaame katamaakka wozzides.

2ቆሮንቶሴ ኣሳስ 3:17

Goday Ayana. Godaa Ayanay dizason aylleteththi deenna.

ኢሳያሳ ቲንቢቴ 29:19

Ashketi GODAAN, hiyeesati Isra7eele Geeshshan zaari zaari ufayettana.

ኢሳያሳ ቲንቢቴ 30:19

Intteno Yerusalaamen de7iza Xiyoone derezoo! Hayssafe sinththan intte yeekkeketa; intte izakko waassishin izi inttena waani maarennee? Intte waaso izi siyidi inttes eeson zaaro immana.

ኢሳያሳ ቲንቢቴ 30:26

GODAY meqqida ba deraa koolishin, madunththidayssa paththishin, aginay arshe mala poo7ana. Arshes issi gallassa poo7oykka laappun gallassa poo7o mala gidana.

ኢሳያሳ ቲንቢቴ 32:7

Wogay baynda asata hiillateththi iita; metotanchchata maganay suure gidikkoka hiyeesata wordora dhayssanaas iitateththan yuushshi qoppees.

ኢሳያሳ ቲንቢቴ 40:9

Nenoo mishiraachcho Xiyoones yootizaysso, dhoqqa zuma bolla keza; nenoo mishiraachcho Yerusalaames yootizaysso, ne cenggurssaa dhoqqu histta waassa; dhoqqu histta, babbofa; Yuhuda katamatas, «Hekko intte Xoossaa» gaada yoota.

ኢሳያሳ ቲንቢቴ 52:7

Zuma bolla eqqida tohoti, mishiraachcho ekki yiza tohoti, saroteth yootizayti, lo7o mishiraachcho yootizayti, atoteth awajjizayti, Xiyoonokka, «Ne Xoossay kawotides» giza tohoti ay mala lo7o!

ኢሳያሳ ቲንቢቴ 57:18

Tani iza ogeta be7adis; gidikkoka ta iza paththananne kaaleththana; izassinne iza gishshas yeekkiza geeshshata ta minththeththana.

ሚኪያሳ ቲንቢቴ 3:8

Ta qasse Yaaqoobes iza qohoza, Isra7eelesikka iza nagara yootanaas wolqqan, Xoossa ayanan, tuma pirdaninne minoteththan kumadis.

ኬሳ ማጻፋ 28:41

Neni ha may7ota ne isha Aaroonenne iza nayta mayzidaappe guye, istti qeeseteththan taas ooththana mala istta wogara zayte tiya; tiyada istti qeese gididi taas ooththana mala istta dummasa.

ኬሳ ማጻፋ 29:7

Tiyiza zaytekka ekkada iza hu7en tigada tiya.

ሌዌታ ማጻፋ 7:35

Hayssika GODAY Aaroonenne iza nayta qeese histti shuumida gallas GODAAS shiiqidi xuugettiza yarshofe qeeseta gisha gidana mala shaakkidaaza.

ዬ ማጻፋ 68:7

Abeet Xoossawu! Neni ne asa kaaleththida wode, neni isttara bazzo kanththida wode,

ኤርማሳ ቲንቢቴ 52:33

Iyo7aakiney qashoson dishe may7ida may7oza izappe qaari yeggides; hessafe biidi hayqqana gakkanaas ba diza wode ubbaan kawoza maaddafe mishe gam7ides.