ኢሳያሳ ቲንቢቴ 60:21 - Geeshsha Maxaafa

²¹ Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ጋሞ ማጻፋ

²¹ ኔ ኣሳይ ኡባይ ጺሎ ጊዳና፤ ቢታዮካ ሜርናስ ላታና፤ ኢስቲ ታ ቦንቾ ቆንጪሳናስ ታኒ ቶኪዳ ፑቴታኔ ታ ኩሼ ኦሶታ።

ኢሳያሳ ቲንቢቴ 60:21 Referans Kwoze

Maatosa 15:13

Izi isttas, «Ta Aawaa saloyssi tokkontta miththi wurikka dhoqallettana.

ዬ ማጻፋ 37:22

GODAAN anjjettidayti biitta laattana; gido attiin izi qanggidayti coo dhayana.

ዬ ማጻፋ 37:11

Gido attiin ashketi biitta laattana; istti gita saroteththan ufayetti daana.

ኢሳያሳ ቲንቢቴ 29:23

Bantta giddon ta kushe ooso gidida bantta nayta be7ishe ta sunththaa geeshshateththan naagana; istti Yaaqoobe Geeshshaza geeshshateth erana; Isra7eele Xoossaa sinththan yashshateththan eqqana.

ዮሃኒሳ ሚሺራቾ 15:2

Ta bolla dishe ayfe immontta hagga ubbaa ta Aaway qanxxi diggana; ayfiza haggaa gujji ayfana mala qirxi geeshshana.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ዬ ማጻፋ 92:13

Istti GODAA keeththan tokettida; istti Xoossa Keeththa zago gakkanaas daayana.

ዮሃኒሳ ኣጁታ 21:27

Harassiza miishshi mulekka gede izin gelenna; tunateth ooththizaytinne wordo haasayzayti mulekka hee izikko gelettenna; hee izin gelanayta sunththi kase he dorsaza de7o maxaafan xaafettidayta xalla.

ኤፌሶኔ ኣሳስ 2:10

Hessika Xoossi kase koyro giigsi woththida lo7o ooso nuni ooththana mala Yesus Kirstoosa baggara nuni nam7anththo medhettidaytanne Xoossa medheteththata.

Maatosa 5:5

Ashketi anjjettidayta; ays giikko istti biitta laattana.

ኢሳያሳ ቲንቢቴ 62:4

Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ኢሳያሳ ቲንቢቴ 61:7

Ta derey yeellatidayssa qoodhe nam7u kushe ekkana; kawuyidayssa qoodhe bantta xinxxon ufayettana; bantta biittaas nam7u kushe laattana; mernaa ufayssi isttas gidana.

ኢሳያሳ ቲንቢቴ 57:13

Neni maado demmanaas waassiza wode, ane ne shiishshida eeqa xoossati nena ashshetto! istta ubbaaka carkoy ekki efana; guuththa peenoy istta laalli dhayssana; gido attiin tana baas baqataso ooththida asi biittayo laattana; ta geeshsha zumayo baas miish ooththana» gees.

ኢሳያሳ ቲንቢቴ 52:1

Hanne Xiyoone denda; denda; wolqqa may7a; geeshsha katamaye Yerusalaamee! Ne bonchcho may7o may7a; hayssafe guye qaxxarettonttaynne tunay ne giddo gelenna.

ኢሳያሳ ቲንቢቴ 51:2

Intte aawa Abrahaamekko, inttena yelida Saarakko xeellite. Izi barkka dishin tani iza xeygadis; tani iza anjjadissinne darssadis.

ኢሳያሳ ቲንቢቴ 45:11

«Isra7eele Geeshshay, iza medhdhida GODAY sinththafe hanana hanota gishshas, ‹Ta nayta gishshas tana oychcheetii? Ta kushe oosota gishshas azazeetii?

ኢሳያሳ ቲንቢቴ 43:21

Tani taas giigsida derey ta galataa awajjana mala ta hayssa ooththana.

ኢሳያሳ ቲንቢቴ 43:7

ta sunththan xeygettida ubbaa, ta bonchchos ta medhdhidayta, tani giigsidayssanne ta ooththidayssa hammite» gaana.

ዮሃኒሳ ኣጁታ 21:7

Xoonidaadey hayssa laattana; tanikka izaades Xoos gidana; izikka taas naa gidana.

ዮሃኒሳ ኣጁታ 5:10

Ne istta nu Godaa Xoossaas kawotanne qeeseta histtadasa; isttika biitta bolla kawotana.»

2ጴጽሮሳ ኪታ 3:13

Gido attiin nuni izi nuus immida hidotaa mala xilloteththa oosoy oosettizaso ooraththa salonne ooraththa biitta naagoos.

2ታሶሎንቄ ኣሳስ 1:10

Istti qaxxayettanay izi geeshshata achchan bonchchettanaassinne ammanizayti wuri izan malalettana mala izi yiza gallassan hanana; intteka he ammaniza asaara daana; gaasoykka nu inttes markkattidayssa intte ammanida gishshassa.

ኤፌሶኔ ኣሳስ 2:7

Hessika hayssafe guye yaana wodezan Yesus Kirstoosi nuus ba kiyateththan qonccisida zaway baynda ba kiyateththa dureteththaa nuna bessanaassa.

ኤፌሶኔ ኣሳስ 1:12

Nuni kasetidi Kirstoosa baggara ekkana giidi ufayssan naagizayti Xoossa bonchcho galatan qonccisanaassa.

ኤፌሶኔ ኣሳስ 1:6

Hessika ba dosizaade baggara coo mela nuus imettida bonchcho kiyateththi galatettana malassa.

ኢሳያሳ ቲንቢቴ 49:3

Izi tana, «Isra7eele ne ta aylle, tani ta bonchcho nenan qonccisana» gides.

ኢሳያሳ ቲንቢቴ 44:23

GODAY hayssa ooththida gishshas Salotoo yexxite; ciimma biittatoo ufayssan ililite. Intteno zumatoo, intteno woratoo, miththatoo ubbay ililite; gaasoykka GODAY Yaaqoobe wozzides; ba bonchcho Isra7eele bolla qonccisides.

ኢሳያሳ ቲንቢቴ 19:25

Ubbaafe Wolqqama GODAY isttas, «Ta dere Gibxey, ta kushey medhdhida Asoorey, ta xinxxo Isra7eeley anjjettidayta gidetto» gi anjjana.

ኢሳያሳ ቲንቢቴ 24:16

Biittaa gaxaappe, «Xillozas bonchchoy gido» giza mazamure nu siyidos; «Tani gidikko gilqada meqeth attadis; Tana aayye ana! Kaddizayti kaddeettes; aaththi immizayti aaththi immeettes» gadis.

ኢሳያሳ ቲንቢቴ 26:2

Ba ammano naagida, xillo kawoteththati gelana mala pengeta doyte.

ኢሳያሳ ቲንቢቴ 45:8

Intteno salotoo, bollafe xilloteth bukisite; shaaratikka duge xokisite; biittay doyetto; atoteththi mokko. Xilloteththika izara issife dicco. Tani GODAY hessa medhdhadis.

ኢሳያሳ ቲንቢቴ 45:24

«Istti ta gishshas haasayshe, ‹Xilloteththinne wolqqay GODAAN xalla dees› gaana» gees. Iza bolla hanqon dendidayti ubbay izakko yiidi yeellatana.

ኢሳያሳ ቲንቢቴ 45:25

Gido attiin Isra7eele zereth ubbay GODAAN xillana; bonchchoka demmana.

ኢሳያሳ ቲንቢቴ 61:11

Biittay caarech caarissiza mala, atakiltesohoy puute puutisiza mala, Ubbaa Haariza GODAY kawoteththata ubbaa sinththan xilloteththinne galata caarissana.

ኢሳያሳ ቲንቢቴ 64:8

Gidikkoka abeet GODAWU, neni nuus aawa; nuni urqqata; neni nuna medhdhidayssa; nuni ubbayka ne kushen medhettidayta.

ኢሳያሳ ቲንቢቴ 65:9

Tani Yaaqoobe zereththatappenne Yuhuda zereththafe ta zumata laattanayta ta ehana; doorettida ta derey istta laattana; ta ashkaratikka heen daana.

ሂዚቄላ ቲንቢቴ 34:29

Hessafe guye istti koshattontta mala, kawoteththata cashshe tookkontta mala ayfe imon erettida aradda biitta ta isttas immana.

ሂዚቄላ ቲንቢቴ 47:7

Tani simmada he gakkiza wode, shaafaza doonan ha baggaranne he baggara keehi daro miththi dizayssa beyadis.

ኣሞጼ ቲንቢቴ 9:15

Ta dere Isra7eele asaa tani kase istta biittan zaarada tokkana; tani isttas immida biittafe istti nam7anththo dhoqalletti dhayettenna» gees GODAY salo Xoossay.

2ሳሜላ ማጻፋ 7:10

Izas buzo duussasoy daana mala hayssafe qaaxxontta mala ta dere Isra7eeles soho immananne minththana. Hayssafe kase hanida mala hayssafe guye iita derey istta un7eththenna.

ዬ ማጻፋ 37:18

GODAY Suure asatau ubbaa gallas naagees; istta laataykka mernaas isttas gidana.

ዬ ማጻፋ 37:29

Xilloti biittayo laattana; izin mernaas de7ana.

ኢሳያሳ ቲንቢቴ 54:17

Nena qohanaas oosettida miishshi ooththenna. Nena mootiza inxars ubbaa ne laththana; hessa gishshas GODAA aylleta xinxxoy hayssa; istti taappe demmana anjjoy hessa» gees.

ኤርማሳ ቲንቢቴ 24:6

Tani lo7o ayfen istta xeellana; qasse tani istta zaarada ha biitta ehana. Ta istta giigsana attiin laallike; ta istta tokkana attiin shoddike.

ኤርማሳ ቲንቢቴ 32:41

Ta isttas lo7o ooththada ufayettana; qasse tani ta kumeththa wozinappenne ta kumeththa shemppofe tumappe ha biittay bolla istta tokkana» gees.

ሂዚቄላ ቲንቢቴ 11:17

«Hessa gishshas neni, ‹Ubbaa Haariza GODAY: kawoteththata giddofenne intte laalettida biittatappe tani inttena shiishsha zaarana; Isra7eele biittaaka tani zaarada inttes immana› gees.

ሂዚቄላ ቲንቢቴ 37:25

Tani ta aylle Yaaqoobes immidanne intte aawati de7ida biittan istti daana. Heen isttas, istta naytinne istta nayta nayti mernaas daana; ta aylle Dawiti istta bolla mernaas kawo gidana.

ኣብዲዩ ቲንቢቴ 1:17

«Xiyoone zuman metoppe attanay daana; he zumayakka geesh gidana; Yaaqoobe derey bonqqettida ba haaro zaari ekkana.

ሶፎናሳ ቲንቢቴ 3:13

Isra7eeleppe casha attidayti nagara oosettenna. Wordo haasayettenna; Istta doonankka gene haasayay deenna. Hessa gishshas istti miidi saron de7ana; istta babisana miishshika deenna.