ኢሳያሳ ቲንቢቴ 60:1 - Geeshsha Maxaafa

¹ GODAY, «Ne poo7oy yida gishshas dendada poo7isa; GODAA bonchchoy ne bolla poo7ides.

ጋሞ ማጻፋ

¹ ጎዳይ፥ «ኔ ፖኦይ ዪዳ ጊሻስ ዴንዳዳ ፖኢሳ፤ ጎዳ ቦንቾይ ኔ ቦላ ፖኢዴስ።

ኢሳያሳ ቲንቢቴ 60:1 Referans Kwoze

ኤፌሶኔ ኣሳስ 5:14

Gaasoykka ubbaa bessizay poo7o; hessa gishshas, «Nenoo, dhiskizaysso beegga! Hayqoppe denda! Kirstoosi nees poo7isana» geetettides.

ኤፌሶኔ ኣሳስ 5:8

Kase intte dhuma shin Godaan ha7i intte poo7o; intte poo7o nayta mala diite.

ዮሃኒሳ ሚሺራቾ 8:12

Qasse Yesusi, «Tani alames poo7o. Tana kaallizaadey wuri de7o poo7o demmana. Dhuman simerettenna» giidi isttas yootides.

ኢሳያሳ ቲንቢቴ 58:8

Ne hessaththo ooththiko ne poo7oy wontta xalqqe mala caarana; paxateththi nees eeson gakkana; xilloteththi neeppe sinththara baana; Xoossa bonchchoy nena garadana.

ዮሃኒሳ ሚሺራቾ 12:46

Tana ammanizay wuri dhuman dontta mala tani poo7o gidada hayssa ha alameza yadis.

Maatosa 5:16

Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.

ዮሃኒሳ ሚሺራቾ 1:9

As ubbaas poo7o immiza tumu poo7oy hayssa ha alamezan yuussan dees.

ዮሃኒሳ ኣጁታ 22:5

Hessafe guye qamay deenna; Godaa Xoossi isttas poo7iza gishshas tama poo7oy woykko arshe poo7oy isttas koshshenna; istti mernaappe mernaas kawotana.

1ጴጽሮሳ ኪታ 4:14

Intte Kirstoosa sunththaa gishshas cayettiko bonchcho Ayanay hessika Xoossa Ayanay intte bolla shempiza gishshas ufayettite.

ፒሊጲሲዮሴ ኣሳስ 2:15

Hessika intte iitanne geella asa giddon geeshshatanne wosoy baynda Xoossa nayta gididi alame bolla arshe mala dere ubbaas poo7anaassa.

ዮሃኒሳ ኣጁታ 21:23

Xoossa bonchchoy izis poo7iza gishshassinne Dorsazi izi poo7o gidida gishshas he katamays arshey woykko aginay poo7isanaas koshshenna.

ኢሳያሳ ቲንቢቴ 9:2

Dhuman de7iza derey wolqqama poo7o be7ides; hayqo kuwa garsan diza deretas poo7oy poo7ides.

ዮሃኒሳ ሚሺራቾ 3:19

Pirdayka hayssa mala, poo7oy ha alame yides shin asaas oosoy iita gidida gishshas asay poo7oppe keehi dhuma dosides.

ሉቃሳ ሚሺራቾ 2:32

Hayssika ubba deres geemettidayssa qonccisiza poo7o; ne dere Isra7eelesikka bonchcho» gides.

ዮሃኒሳ ኣጁታ 21:11

Izakka Xoossa bonchchon poo7isawus; izi poo7oza lo7eteththi qasse keehi bonchchettiza shuchcha malanne birille mala geeshshinne Iyasphide geetettiza inqqu mala.

ዬ ማጻፋ 87:3

Hanne Xoossa katamayee! Xoossay ne gishshas malalisiza miish,

ዬ ማጻፋ 102:16

GODAY Xiyoono zaari essiza wode izi ba gitateththa bessana.

ኢሳያሳ ቲንቢቴ 2:5

Intteno Yaaqoobe zaretoo! Haa yiite! Ane GODAA poo7on simerettoos.

ኢሳያሳ ቲንቢቴ 4:5

GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

ኢሳያሳ ቲንቢቴ 24:23

Ubbaafe Wolqqama GODAY Xiyoone zumaninne Yerusalaamen cimata sinththan bonchchon kawotana; he wode aginay shaaphettana; awa ayfeykka yeellatana.

ኢሳያሳ ቲንቢቴ 28:5

He gallas Ubbaafe Wolqqama GODAY ba asaappe casha attidaytas bonchcho kallachchanne puula akilile gidana.

ኢሳያሳ ቲንቢቴ 35:2

Izi daro ufayettananne miiccana; Libaanoose bonchchoy izas imettana; Qarmeloosenne Lasharoone teema izi may7ana; nu GODAA bonchchonne Xoossaa gitateththaa istti be7ana.

ኢሳያሳ ቲንቢቴ 42:6

«Tani GODAY nena xilloteththan xeygadis; ta ne kushe oykkana; ta nena naagana. Tani nena kawoteththaas caaqo qaala, ayzaabetaska poo7o histtana

ኢሳያሳ ቲንቢቴ 66:11

Minththeththiza izi dhanththaa intte dhammidi kallana; inttes gidanaashe gakkanaas intte uyana; keehippe daro gidida izi dureteththan intte ufayettana» gees GODAY.

ኢሳያሳ ቲንቢቴ 62:1

Izi xilloteththi maalado poo7o mala phoollanaashe gakkanaas, izi atoteththi xomppe mala poo7anaashe gakkanaas ta Xiyooni gishshas co7u giikke; Yerusalaame gishshassika sirphi giikke.

ኢሳያሳ ቲንቢቴ 62:2

Kawoteththati ne xilloteth, kawotikka ne bonchcho be7ana; GODAY ba doonan sunththida ooraththa sunththan ne xeygettana.

ሂዚቄላ ቲንቢቴ 43:4

GODAA bonchchoy arshe kessa xeelliza pengera Xoossa Keeththa giddo gelides.