ኢሳያሳ ቲንቢቴ 59:12 - Geeshsha Maxaafa

¹² Gaasoykka nu qohoy ne sinththan darides; nu nagaraykka nu bolla markkattides. Nu mooroy nuuppe shaakettibeenna; nu makkallateththaaka nuni eroos.

ጋሞ ማጻፋ

¹² ጋሶይካ ኑ ቆሆይ ኔ ሲንን ዳሪዴስ፤ ኑ ናጋራይካ ኑ ቦላ ማርካቲዴስ። ኑ ሞሮይ ኑፔ ሻኬቲቤና፤ ኑ ማካላቴካ ኑኒ ኤሮስ።

ኢሳያሳ ቲንቢቴ 59:12 Referans Kwoze

ኢዝራ ማጻፋ 9:6

«Ta Xoossawu! Nu nagaray nuuppe daro gididayssaninne nu mooroy salo gakkidayssa gishshas tani neekko pude dhoqqu gaada xeellanawu babbayssinne yeellatays.

ሆሴኤ ቲንቢቴ 5:5

Isra7eele asaa otoroy istta bolla simmi markkattees. Istti bantta nagaran dhuphettana. Yuhudaykka isttara issife dhuphetti kundana.

ሆሴኤ ቲንቢቴ 4:2

Haan dizay qanggeth, wordo, shemppo wodho, laymateththinne caaqqida qaala muusi xalla dees. Geneynne shemppo wodhoy dari dari bees.

ሂዚቄላ ቲንቢቴ 5:6

Gido attiin iza ba iita ooson, ba yuushon diza biittatappenne kawoteththatappe gede iitada ta wogaa bollanne maaraa bolla makkalladus; addaka iza ta wogaa kadhadus; ta maaraakka kaallabeekku» gees.

ኤርማሳ ቲንቢቴ 14:7

Asay, «Abeet GODAWU! ne sinththafe baqata darssidos; ne sunththaa gishshas nuus issi miish ooththa; nuni neeppe daroti guye simmidos; ne bollan nagara ooththidos.

ኢሳያሳ ቲንቢቴ 1:4

Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ሆሴኤ ቲንቢቴ 7:10

Isra7eele asaa otoreteththi istta bolla markkattees; hessi wuri haniinkka istti GODAA bantta Xoossako simmibeettenna; izakka koyibeettenna.

ሂዚቄላ ቲንቢቴ 7:23

« ‹Suure pirday dhayiin biittay suuththa gukon kumida gishshas, katamayakka makkalla ooson kumida gishshas neni sansalata giigsa.

ኤርማሳ ቲንቢቴ 3:2

«Ane dhoqqu gaada aykkoy baynda zumbullata xeella; neni laymas ichchonttasoy hessan dizee? Bonqqana bazzon uttida panga mala oge doonan uttada ne laggeththota naagadasa; histtada neni laymateththaninne iitateththan biittayo tunisadasa.

ኢሳያሳ ቲንቢቴ 3:9

Istta ayfesoy istta bolla markkattees; istti Sodoome asaa mala bantta nagaraa qottontta qonccen haasayeettes; istti bantta bolla iita miish ehiza gishshas isttas aayye ana!

ናሂሚያ ማጻፋ 9:33

Ne nuna qaxxayana gaada ne ooththidayssi wuri likke; nuni nagara ooththikokka neni ne ammaneteththan minna eqqadasa.

ኢዝራ ማጻፋ 9:13

«Hayssi nu bolla gakkida metoy nu ooththida iita oosoppenne mooroppe dendidayssanna; gidikkoka neni nu Xoossay nuna qaxxayday nu qaxxayettanaas bessizayssafe guuththa; hessafekka bollara nu hayqoppe attidi shemppora paxa daana mala ooththadasa.

ታይቦ ማጻፋ 32:23

«Intte intte gida qaalaa naagontta aggiko intte GODAA qoheeta; intte nagara gishshas qixaatey intte bolla gakkanayssa erite.

ዬ ማጻፋ 51:3

Tani ta mooroza erays; ta nagaraykka ubbato ta sinththana.

ኢሳያሳ ቲንቢቴ 58:1

GODAY, «Ne qaalaa dhoqqu histta waassa; aykkoka ashshofa. Ne cenggurssa zaye mala sissa. Ta deraas istta makkallateththa, Yaaqoobe keeththa asaasikka istta nagaraa yoota.

ኢምባቆ ቲንቢቴ 1:4

Hessa gishshas wogay leppides; tuma pirday deenna; tuma pirday geellattana mala iitati xillota un7eththeettes.

ኢሳያሳ ቲንቢቴ 64:4

Beniisofe doommidi hidota ooththi naagizaytas gakkiza malaata ooththiday neeppe attiin hara Xoos be7ida ayfeynne siyida hayththi mulekka deenna.

ሂዚቄላ ቲንቢቴ 7:16

Isttafe kessi ekki attizayti shoobba giddofe gooddiin hirgishe piradhdhi biidi zumbulla bolla gugumiza haraphpheta mala bantta nagara gaason zilalishe zuma bolla daana.