ኢሳያሳ ቲንቢቴ 59:10 - Geeshsha Maxaafa

¹⁰ Qooqe mala gimbeza bolla gandigardos. Nu hemetay ayfey baynda asa mala tattafeteth gidides; arshey wullishin haniza seeta gallas dhuphettidos. Qasse mino asata giddon nuni hayqqida asa mala gididos.

ጋሞ ማጻፋ

¹⁰ ቆቄ ማላ ጊምቤዛ ቦላ ጋንዲጋርዶስ። ኑ ሄሜታይ ኣይፌይ ባይንዳ ኣሳ ማላ ታታፌቴ ጊዲዴስ፤ ኣርሼይ ዉሊሺን ሃኒዛ ሴታ ጋላስ ጴቲዶስ። ቃሴ ሚኖ ኣሳታ ጊዶን ኑኒ ሃይቂዳ ኣሳ ማላ ጊዲዶስ።

ኢሳያሳ ቲንቢቴ 59:10 Referans Kwoze

ዛሬ ማጻፋ 28:29

Gallassa seetan neni qooqey tattafettiza mala tattafettana; ne ooththiza ubbay nees giigontta ixxana; neni ne de7o ubbaan un7etashenne bonqqettashe daana; nena maaddiza asekka demmaka.

ኢዮቤ ማጻፋ 5:14

Gallassay isttas dhuma gidees; buro seeta gallassan omars dhuma giddon diza mala istti tattafettana.

ኤርማሳ ዚላስ 3:6

Hayqqidi gam7ida asa mala tani dhuman daana mala ooththides.

1ዮሃኒሳ ኪታ 2:11

Gido attiin ba ishaa ixxizaadey gidikko dhuma giddon dees; dhuman simerettees; dhumay iza qooqisida gishshas izi awa bizaakkonne ba bizaso erenna.

ዮሃኒሳ ሚሺራቾ 12:40

«Istti ba ayfen be7idi, ba wozinan yuushshi qoppidi, simmontta malanne izi istta paththontta mala Xoossi istta ayfe qooqisides; istta wozinakka muumisides» gi xaafida gishshassa.

ዮሃኒሳ ሚሺራቾ 12:35

Yesusi isttas, «Ha7i guuththa wodes inttenara poo7oy dees; gadey dhumontta poo7ora hemettite; qammara hemettizaadey izi awa bizaakko erenna.

ኣሞጼ ቲንቢቴ 8:9

Ubbaafe Wolqqama GODAY, «He wode tani gallassa seetan awa arshe wulsana; gallassa seetan gade dhumisana.

ኤርማሳ ዚላስ 4:14

Qooqe asa mala istti oge bolla gadigadana; istti suuththan tunida gishshas istta may7o bochchanaas xalizaadey deenna.

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ኢሳያሳ ቲንቢቴ 8:15

Isttafe daroti dhuphettana; kundidikka meqqana; woximaden geli oykettana» gides.

ሌሚሶ ማጻፋ 4:19

Gido attiin nagaranchchata ogey sakkanna dhuma mala; istti aazan dhuphettanaakkoka erettenna.

ኢሳያሳ ቲንቢቴ 8:14

Izi geeshshasoho gidana; gido attiin izi Yuhuda biittaa asaassinne Isra7eele keeththaa asaas dhuphiza shuchchinne kundisiza zaalla gidana; Yerusalaamen diza asaas izi gitenne woximade gidana.

ኢሳያሳ ቲንቢቴ 28:13

Hessa gishshas GODAA qaalay istti biidi guye kundana mala, madunxana malanne woximaden oykettana mala, di7ettana mala azazo bolla azazo, azazo bolla azazo, woga bolla woga, woga bolla woga gididi, haan guuththara, heen guuththara hanana.

ሂዚቄላ ቲንቢቴ 21:15

Wozina ubbay taahana mala, kundizayti darana mala, tani istta pengeta ubbaan popol7u giza mashsha woththadis. Aayye ana, popol7u gaana mala qucettides; siifanaaska koohoppe shodettides.

ሚኪያሳ ቲንቢቴ 3:6

Hessa gishshas istta bolla qammay beettontta, dhumay erontta gakki wodhdhana; nabeta bolla arshey gelananne gallassay isttas qammana.