ኢሳያሳ ቲንቢቴ 58:7 - Geeshsha Maxaafa

⁷ Qasseka ne qumaappe gafidaades shaakkanaas, toylattida manqoza neso gelththanaas, kallottida be7ada mayzanaas, nees asho dabbozas ne sinththi ne tukkontta mala gidennee?

ጋሞ ማጻፋ

⁷ ቃሴካ ኔ ቁማፔ ጋፊዳዴስ ሻካናስ፥ ቶይላቲዳ ማንቆዛ ኔሶ ጌልናስ፥ ካሎቲዳ ቤኣዳ ማይዛናስ፥ ኔስ ኣሾ ዳቦዛስ ኔ ሲን ኔ ቱኮንታ ማላ ጊዴኔ?

ኢሳያሳ ቲንቢቴ 58:7 Referans Kwoze

ሉቃሳ ሚሺራቾ 3:11

Yohannisikka asaas, «Nam7u may7oy dizay issi may7oy baynda asas immo; qasseka qumay dizaykka bayndaades shaakki immo» gides.

ሂዚቄላ ቲንቢቴ 18:7

Oonakka un7eththenna; gido attiin oyso ekkida miishshaakka tal7e ekkidaades zaarees; gafidaades ba kath, kallottidaades ba may7o immees attiin wolqqara baas bonqqi ekkenna.

ሌሚሶ ማጻፋ 28:27

Hiyeesas immiza asas paccenna; gido attiin istti be7ishe be7onttaththo hanizaade qanggeththi gakkana.

ሌሚሶ ማጻፋ 25:21

Ne morkkey gafikko miza; saamettiko ushsha.

ሂዚቄላ ቲንቢቴ 18:16

as un7eththontta aggiko, tal7e immanaas oyso oychchontta aggiko, wolqqara bonqqi ekkontta aggiko, gido attiin ba kath gafidaades, ba may7o kallottidaades immiko,

ኢሳያሳ ቲንቢቴ 58:10

gafidaades ne qadhettiko, qohettidayti kallana mala ne histtiko nees poo7oy dhuma giddon poo7ana; nees dhumidayssika seeta gallassa mala gidana.

ሌሚሶ ማጻፋ 22:9

Kiya asi anjjettees; ba qumappeka hiyeesas immees.

ሉቃሳ ሚሺራቾ 11:41

Yo7on gidikko giddon dizayssa muxuwaata immite; he wode wurikka inttes geesh gidana.

1ጺምቶሳስ 5:10

Nayta dichoninne imaththa mokon, ammanizayta toho meechchan, metotidayta maadoninne lo7o ooso ubbaan bana aaththa immada lo7o oosonkka keeha erettidaaro gidanaas bessees.

ዳኔላ ቲንቢቴ 4:27

Hessa gishshas kawoo! Tani ta baggara nena zorizayssa siya; neni nagara ooso agga; suure ooso ubba wode ooththa; ne iita ooso aggada qohettizaytas qadhetta; hessaththo ne ooththiko ne saron duussa layththay aduqqontta aggenna» gides.

Pilmoonas 1:7

Ta ishazoo! Ne hanon Xoossa asaa wozinay ooraxida gishshas ne siiqoy ta wozina keehi minththides.

ኦሮሜ ኣሳስ 12:13

Ammanishe waayettizaytas inttes dizayssafe shaakki immite; imath mokkite.

ሃዋሬታ ኦሶ 16:34

Qasho keeththaa naagizayssika istta ba keeththe efidi isttas kath aaththides; baso asaa ubbaara Xoossaa ammanida gishshas addezi daro ufayides.

ዬ ማጻፋ 112:9

Izi hiyeesatas kiyateththan immees; qasse iza xilloteththay mernaas dees; iza kacey bonchchon dhoqqu dhoqqu gaana.

ኢዮቤ ማጻፋ 22:7

Gafidinne saamettidi daaburdayta kaththinne haath diggadasa.

ሉቃሳ ሚሺራቾ 19:8

Gido attiin Zekkiyoosi eqqidi, «Godoo! Tani taas diza miishshe ubbaafe bagga shaakkada manqotas immana; tani oonappeka wordora bonqqa ekkidaazi diikko oyddu kushe gujjada izaades immana» gides.

ናሂሚያ ማጻፋ 5:5

Nu zereththinne Ayhuda zereththi issino; nu naytassinne istta naytas aykko dummateththika baawa; gido attiin nu yelida nayta dosay baynda aylleteththas aaththi immidos; qasse nu macca naytappe issi issinoti aylle gidida; nu gadeynne woyne atakiltey nuuppe ekettida gishshas nuus wolqqay bayndayta gididos» giidi bantta misha qanggida.

2ታሪኬ ማጻፋ 28:15

Hessafe guye sunththay hayssafe qommon xaafettida asati dendi eqqidi di7ettida asata ekkidi istta giddon kallo dizayta di7i ekkida may7ofe istta mayzida; istti he asatas may7onne caamma immida; qasse istta mizidanne ushshida; istta madunththaaka zayte tiyda; istta giddofe daaburdayta hare togisidi istta ishanttako zamba katama geetetta xeygettiza Iyarkko katama efidi guye Samaariya simmida.

ሜቴ ማጻፋ 19:2

«Ta godatoo! Intte aylle taso haa yerketi; intte toho meecetti aqidi wonto maaladora dendidi intte bizaso beeta» gides. Isttika, «Akkay bookko; nuni hayssa katamaa dubbushan aqana» gida.

ሃዋሬታ ኦሶ 16:15

Izanne iziso asaykka xammaqettidaappe guye, «Tani Xoos ammanidayssa intte tumu eridaa gidikko haa taso yiidi guuththa wode diishshite» gaada istta minththa woossadus.

ሜቴ ማጻፋ 19:14

Hessa gishshas Looxey ba macca nayta ekkanaas giigsidaytakko biidi isttas, «GODAY ha katamaa dhayssana giza gishshas Eleli dendidi hayssafe kezi kichchite» gides; gido attiin iza macca nayta giigsidayti izi qidhe gees gi qoppida.

ዳናታ ማጻፋ 9:2

«Ane Seekeeme katamaan diza asaa ubbaa, ‹Geedoone nayti laappun tammati ubbay inttena haarikko lo7oyee? Woykko issi asi haarikko lo7oo?› giidi oychchite. Tani inttes asho dabbo gididayssa dogopite» gides.

ዛሬ ማጻፋ 22:1

Isra7eele asaa booray woykko dorsi dhaydi wora bishin intte demmiko co7u gi aadhdhofte; iza godaas laagga efa imma.

ሌሚሶ ማጻፋ 24:11

Hayqos laagetti bizayta ashsha; shukettanaas gooshetti bizayta ashsha.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ሌሚሶ ማጻፋ 11:17

Kiya asi bana go7ees; menxe iita asi gidikko ba bolla meto ehees.