ኢሳያሳ ቲንቢቴ 58:3 - Geeshsha Maxaafa

³ Istti shiiqidi, «Ne ekkonttaashin nu aazas xoomidonii? Ne wudu gonttaashin ays nuna kawushshidonii?» gaana. GODAY zaaridi isttas, «Gidikkoka intte xoomiza gallas intte wozina qofa mala ooththeeta; inttes ooththizaytappe bonqqeeta.

ጋሞ ማጻፋ

³ ኢስቲ ሺቂዲ፥ «ኔ ኤኮንታሺን ኑ ኣዛስ ጾሚዶኒ? ኔ ዉዱ ጎንታሺን ኣይስ ኑና ካዉሺዶኒ?» ጋና። ጎዳይ ዛሪዲ ኢስታስ፥ «ጊዲኮካ ኢንቴ ጾሚዛ ጋላስ ኢንቴ ዎዚና ቆፋ ማላ ኦታ፤ ኢንቴስ ኦዛይታፔ ቦንቄታ።

ኢሳያሳ ቲንቢቴ 58:3 Referans Kwoze

ሚልካሳ ቲንቢቴ 3:14

Qasseka intte, ‹Xoossas oosoy hada; iza azazota naagoynne medheteththa Goda sinththan muuzottiza asa mala de7oy nuna ay maaddidee?

ሌዌታ ማጻፋ 16:29

«Hayssafe kaallidi inttes imettiza wogata hayssafe guye yaana layththatan ubbaan laamettontta eqqi diza woga histtidi naagite; layththafe laappunththa aginay gelida tammanththo gallas Isra7eele dere asaynne istta garsan diza hara dere asay xooma xoomanaas bessees; he gallas ay oosoykka oosettofo.

ሌሚሶ ማጻፋ 28:9

Wogaa siyanaappe ba hayth wora zaariza asa woosay Xoossa harassees.

ናሂሚያ ማጻፋ 5:7

Tani ooththana bessizaaz ta wozinan qachchada dere kaaleththizayta, «Hekko intte intte ishata qohidi isttafe dich meeta» gaada keeha hanqettadis; he metoza birshanaas gaada asaa issi bolla shiishshada,

ሉቃሳ ሚሺራቾ 15:29

Gido attiin izikka zaaridi aawaas, ‹Hekko tani hayssa gakkanaas nees aylle mala ooththadis; ne azazoppe issinokka pacisabeekke; gido attiin tani ta laggetara ufayettana mala ne taas issi deysha laaqqaka immabeekka.

ኢሳያሳ ቲንቢቴ 47:6

Tani ta deraa hanqettadis; tani xinxxozakka tunisadis; tani istta ne kushen aaththa immadis. Neni gidikko isttas qadhettabeekka; cimmidayta bollaka keehi deexo qambara woththadasa.

ኢሳያሳ ቲንቢቴ 22:13

Gido attiin injjenne ufays, booranne dharsho shukay, asho muussinne woyne ushshi dees; «Nuni wonto hayqqana gishshas ane moossinne uyoos» gideta.

ዬ ማጻፋ 69:10

Ta xoomashe yeekkadis; hessankka ta qidhettadis.

ታይቦ ማጻፋ 23:4

Heen Xoossi izara gayttides; Balaameykka, «Tani laappun yarsho yarshizasohota giigsadis; yarsho yarshizasohota issaa issaa bolla issi issi korma booranne issi issi dharsho yarshadis» gides.

ሌዌታ ማጻፋ 23:27

«Laappunththo aginay gelidaappe guye tammanththa gallassay nagarappe maareteththa gallassa; he gallas ay kaththika moopite; GODAA goynnanaas shiiqite; Xoossas taman xuugettiza yarsho shiishshite.

ሌዌታ ማጻፋ 16:31

He gallassay xooma gallassinne shempo shempiza sambata gallas gido; hessika mernaa woga gido;

ኢዝራ ማጻፋ 8:21

Xoossi nu oge lo7eththana mala, nunanne nu nayta qasseka nuus dizaaz ubbaa naagana mala iza sinththan nunateththaa ziqqi ooththidi woossanaas Ahiwa shaafa achchan xooma awajjadis.

ኢሳያሳ ቲንቢቴ 22:12

He gallas GODAY Ubbaafe Wolqqama Xoossay intte yeekkana malanne waassana mala, intte hu7e binana buucana malanne maaqa may7ana mala xeygides.

ኢዮቤ ማጻፋ 34:9

‹Xoossa ufayssana giidi oosoy as aykkoka maaddenna› gees.