ኢሳያሳ ቲንቢቴ 58:11 - Geeshsha Maxaafa

¹¹ GODAY nena ubbatoo kaaleththana; away xuuggida biittan ne amo izi kunththana; ne meqeththatakka izi minththana. Neni haath alada atakiltesohonne mulekka to7ontta pultto mala gidana.

ጋሞ ማጻፋ

¹¹ ጎዳይ ኔና ኡባቶ ካሌና፤ ኣዋይ ጹጊዳ ቢታን ኔ ኣሞ ኢዚ ኩንና፤ ኔ ሜቄታካ ኢዚ ሚንና። ኔኒ ሃ ኣላዳ ኣታኪልቴሶሆኔ ሙሌካ ቶኦንታ ፑልቶ ማላ ጊዳና።

ኢሳያሳ ቲንቢቴ 58:11 Referans Kwoze

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ኤርማሳ ቲንቢቴ 31:12

Istti yiidi Xiyoone zuma bolla ufayssa mazamure yexxana; istti GODAA kiyateth gidida kaththan, woyne ushshan, zayten, deyshaninne dorsa laaqqatan, wofanotaninne ussatan ufayettana; istti haaththi paccontta atakilte soho mala gidana; hayssafe guye istti muuzottettenna.

ዬ ማጻፋ 32:8

GODAY, «Tani nena tamaarsana; neni baanaas bessiza ogekka nena erisana; tani nena zorananne naagana.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ዮሃኒሳ ሚሺራቾ 16:13

Tuma Ayanay yiidi inttena tumay dizaso kaaleththana; gaasoykka izi siyidayssa yootana attiin baappe gidontta gishshas izi sinththafe hanana yo7ota inttes yootana.

ዬ ማጻፋ 25:9

Ashketa suure ogera kaaleththees; isttaka ba oge tamaarssees.

Siiqo Saba 4:15

Neni atakilte ushshiza pultto haaththa mala; de7o haaththi keziza olla mala; Libaanoose zuma garsafe goggiza shaafa haaththa mala» gides.

ሌሚሶ ማጻፋ 11:25

Kiya asi durettana; haratas immizay baas woppa demmees.

ሌሚሶ ማጻፋ 3:8

Hessi ne bollaa payya woththana; ne meqeththatakka xalisana.

ሂዚቄላ ቲንቢቴ 36:35

Istti hayssi asi bayndasozi Edene Gannate misatides; dhayda, laalettidanne bulattida katamati asa duussasonne gimbettidaso gidida gaana.

ዬ ማጻፋ 92:14

Istti ceeggidikka ayfana; istti ubba wode cililida malanne minnida mala daana.

ሆሴኤ ቲንቢቴ 13:5

Bazzo biittan kaththinne haaththi bayndason nena ishalsa woththadis.

ኤርማሳ ቲንቢቴ 17:8

Izi haaththa lanqen tokettidi, ba xapho duge haaththan yeddida miththa mala. Awa seelaskka yayyenna; iza hayththay cililida mala daana; away darida layththika babbenna; ayfe imoppeka paccenna.

ሌሚሶ ማጻፋ 28:25

Yiiqey asi oosh denththees; gido attiin GODAAN ammanettizay anjjettees.

ዬ ማጻፋ 73:24

Ne zoren tana kaaleththadasa; hessafe guye neni tana bonchchos efana.

ዬ ማጻፋ 48:14

Intte, «Meri mernaas ha Xoossay nu Xoossa; nu hayqqana gakkanaas izi nuna kaaleththana» giidi yootite.

ዬ ማጻፋ 37:19

Iita woden suure asati yeellatettenna; kosha layth istti kalli maana.

ዬ ማጻፋ 33:19

Izi hessan istta hayqoppe ashshees; kosha wodekka istta shemppora paxa woththees.

ዬ ማጻፋ 107:9

Ays giikko izi saamettidayta ushshi alisees; gafidaytakka lo7o miishshan kalssees.

ኢዮቤ ማጻፋ 5:20

Kosha layththan izi nena shemppora paxa woththana; ola layththankka izi nena hayqoppe ashshana.

1ታሶሎንቄ ኣሳስ 3:11

Ha7ikka nu intteko baana mala nu Aaway Xoossi Godaa Yesus Kirstoosi ogeza izi nuus suuriso.

ኢሳያሳ ቲንቢቴ 61:11

Biittay caarech caarissiza mala, atakiltesohoy puute puutisiza mala, Ubbaa Haariza GODAY kawoteththata ubbaa sinththan xilloteththinne galata caarissana.

ሌሚሶ ማጻፋ 13:4

Azallay keehi amottees shin aykkoka demmenna; minni ooththizayta amoy gidikko kumana.

ኢሳያሳ ቲንቢቴ 33:16

Hessaadey dhoqqasohon daana; zuma miixay izas shiiqi attizaso gidana; izas qumay imettana; haaththika izas paccenna.

ዮሃኒሳ ሚሺራቾ 7:38

Geeshsha Maxaafay gida mala tana ammanizaadefe de7o haaththa pulttoy pulttana» gides.

ኢሳያሳ ቲንቢቴ 27:3

Tani GODAY iza naagays; tani ubbaa gallas haath ushshays; omarsinne gallas iza naagays; hessa gishshas ooninne iza qohenna.

ኢሳያሳ ቲንቢቴ 41:17

Hiyeesatinne metotanchchati haath koyana; gido attiin aykkoka demmettenna; haaththa saamon isttas poorandey melides; Gido attiin tani GODAY isttas zaaro immana; tani Isra7eele Xoossay istta yegga aggike.

ኢሳያሳ ቲንቢቴ 57:18

Tani iza ogeta be7adis; gidikkoka ta iza paththananne kaaleththana; izassinne iza gishshas yeekkiza geeshshata ta minththeththana.

ኢሳያሳ ቲንቢቴ 66:14

Intte hessa be7iza wode intte wozinay ufayettana; intte meqeththaykka maata mala cililana; qasse GODAA kushey iza aylleta bolla dizayssi erettana; iza hanqoy gidikko iza morkketa bolla qonccana.

ዛሬ ማጻፋ 15:4

Hach ta inttena azaziza azazota ubbaan GODAA intte Xoossaas intte azazettizayta gidikko GODAA intte Xoossi inttena keehi anjjana gishshas izi inttes xinxxo histti immiza biittayn intte garsan manqoy deenna.

ዬ ማጻፋ 1:3

Hessaadey goggiza haaththa achchan tokettidi, hayththika qokkontta woden woden ayfe ayfiza miththa mala; izi ooththiza ubbay izas hanees.

ዬ ማጻፋ 84:7

Istti wolqqa bolla wolqqa gujji gujji baana; Istti Xoossa sinththan Xiyoonen beettana.

ኢሳያሳ ቲንቢቴ 44:4

Istti demban cilila maata mala, shaafa doonan diza miththa mala mokkana› gees.