ኢሳያሳ ቲንቢቴ 57:2 - Geeshsha Maxaafa

² Suureteththan bizayti saron gelana; hayqqidikka ba hiiththan saron shemppana.

ጋሞ ማጻፋ

² ሱሬቴን ቢዛይቲ ሳሮን ጌላና፤ ሃይቂዲካ ባ ሂን ሳሮን ሼምፓና።

ኢሳያሳ ቲንቢቴ 57:2 Referans Kwoze

ዮሃኒሳ ኣጁታ 14:13

Tani saloppe hizgiza qaala siyadis; «Hayssafe guye Godaa Yesusayta gididi hayqqanayti istti anjjettidayta.» Xillo Ayanaykka, «Ee, istti ba daabursafe shempana mala istta oosoy istta kaallana» gees.

2ቆሮንቶሴ ኣሳስ 5:1

Nuni izan biittaa bolla diza dunkaaney laalettikokka asa kushen gidontta Xoossa kushen oosettida mernaa keeththi nuus salon dizayssa nu eroos.

ሉቃሳ ሚሺራቾ 2:29

«Godoo! Ne caaqqida qaalaa mala ha7i tani ne aylley ne ashshizayssa ta ayfera be7ida gishshas hi7a tana saron ekka; asa ubbaa sinththan ne giigsida atoteththaa ha7i tani ta ayfera beyadis.

ኢዮቤ ማጻፋ 3:17

Heen iitata waayisoy attana; daabursiza ooson de7idayti shempana.

2ቆሮንቶሴ ኣሳስ 5:8

Nuni ashoppe shaakettidi Godaara duus dooranayssa ta sidhontta yootays.

ሉቃሳ ሚሺራቾ 7:50

Yesusikka maccassayo, «Nena ne ammanoy ashshides; saron ba!» gides.

Maatosa 25:21

Iza godaykka, ‹Lo7o ooththadasa; nenoo lo7o ammanettida ashkarazoo! Neni guuththa miishshan ammanettida as gidida gishshas ta nena daro miishsha bolla shuumana; gede ne godaa ufayssaso gela› gides.

ኤራንቻታ ማጻፋ 12:7

biittay duge biittan simmontta dishin, shemppoy immida Xoossako simmontta dishin, nena Medhdhida Xoossako simma.

2ታሪኬ ማጻፋ 16:14

Aasi baas Dawite kataman shuch woocidi giigsida duufon woththida. Histtidi dumma dumma shittoynne sawoy de7iza arsa bolla iza ahaa woththida. Iza bonchchos daro mith dooridi tama eeththishe keehi yeekkida.

ሉቃሳ ሚሺራቾ 16:22

«He manqo addezi hayqqiin Salo Kiitanchchati Abrahaame ki7o ekki bida; qasse dure addezikka hayqqidi moogettides.

ሂዚቄላ ቲንቢቴ 32:25

Izi duufo yuushon diza kumeththa olanchchatara shukettidayta giddon hiixay izis giigettides. Istti ubbay ammanonttaytanne mashshan siifettidayta; istta shiroy shemppora paxa dizayta biittan worekettida gishshas duge duufon gelizaytara issi bolla yeella may7ana; shukettidayta giddon istti ichchana.

ፒሊጲሲዮሴ ኣሳስ 1:23

Ha nam7u hanotan metotettadis; ta baada Kirstoosara daanaas laamotays; hessi hara ubbaafe keehi lo7o.

ኢሳያሳ ቲንቢቴ 26:7

Xillota ogey moole. Nenoo Suurezoo, neni xillota oge moolisaasa.

ኢሳያሳ ቲንቢቴ 14:18

Kawoteththata kawoti ubbay bonchchon dhiskida; ba duufon duufon shempida.

ሜቴ ማጻፋ 17:1

Abraame layththi uddufun tammanne uddufun gidishin GODAY izas qonccidi, «Tani Ubbaa Dandayza Xoossa; ne ta sinththan suure hemetta.

ዬ ማጻፋ 37:37

Ane lo7o as akeeka; suure as be7a; saro asas wurseththi lo7o gidana.

ዳኔላ ቲንቢቴ 12:13

«Daaneela! Neni wurseth gakkanaas ba; hessafe guye ne shempana; wurseththa gallas nees giigida xinxxo ne laattana» gides.

ኤርማሳ ቲንቢቴ 6:16

GODAY, «Daggala oge bolla eqqi xeellite; beni ogeyo oychchite; Lo7o ogey awaarii? Izira biite; intte intte shemppos shemppo demmana; intte gidikko, ‹Nu izira bookko!› gideta.