ኢሳያሳ ቲንቢቴ 56:2 - Geeshsha Maxaafa

² Sambata tunisontta bonchchizay, iita oosoppe ba kushe shiishshizaynne naagizay, haytantta polizay anjjettidaade» gees.

ጋሞ ማጻፋ

² ሳምባታ ቱኒሶንታ ቦንቺዛይ፥ ኢታ ኦሶፔ ባ ኩሼ ሺሺዛይኔ ናጊዛይ፥ ሃይታንታ ፖሊዛይ ኣንጄቲዳዴ» ጌስ።

ኢሳያሳ ቲንቢቴ 56:2 Referans Kwoze

ኢሳያሳ ቲንቢቴ 58:13

Qasseka, «Ne tohoti sambata shaarontta mala ne shempisikko dummatida ta gallassaan ne wozina qofa ooththontta aggiko, sambata gallassaa ufays, GODAAS dummatida gallassa neni bonchcho gallas ga xeygikko, ne shene mala ne ooththizayssafenne hada yo7oppe ne naagettiko,

ሂዚቄላ ቲንቢቴ 20:12

Qasse istta geeshshiday tana GODAA gididayssa istti he wode erana mala taassinne isttas giddon malata gidana mala ta Sambata isttas immadis.

ዬ ማጻፋ 112:1

GODAY galatetto! GODAAS yayyiza asi, iza azazotakka polanaas ufayettiza asi anjjettidayssa.

ሉቃሳ ሚሺራቾ 11:28

Gido attiin izi, «Anjjettidayti Xoossa qaala siyidi azazettizayta» gides.

ሂዚቄላ ቲንቢቴ 20:20

Taassinne inttes giddon malata gidana mala ta Sambata inttes dumma gallas histtite; GODAY tani intte Xoos gididayssa intte he wode erana› gadis.

ኬሳ ማጻፋ 20:10

Gido attiin laappunththa gallassay GODAA ne Xoossaas Sambata. He gallas aykko oosokka ooththofa; neni woykko ne attuma nay, woykko ne macca nay, woykko ne attuma aylley, woykko ne macca aylley, woykko ne miizay, woykko ne deren diidi nees ooththiza hara dere as gidiin he gallassan ay oosokka ooththofte.

ዮሃኒሳ ሚሺራቾ 13:17

Intte hayssa eridi ooson peyshshiko intte anjjettidayta.

ዬ ማጻፋ 106:3

Pirday geellattontta mala naagizaytinne ubba wode xillo ooththizayti anjjettidayta.

ሌሚሶ ማጻፋ 16:17

Suureta ogey iitatappe haakon dees; ba hemeta naagiza asi ba shemppo naagees.

ሌሚሶ ማጻፋ 16:6

Siiqoninne ammaneteththan nagaray atto geetettees; GODAAS yashshateththan asi iitappe haakkees.

ሌሚሶ ማጻፋ 14:16

Aadho eranchchay GODAAS yayyeessinne saatti tanggees; iitappeka haakkees; eeyay gidikko wuday baynda bichcharees.

ሌሚሶ ማጻፋ 4:27

Ushach hadirsi gooppa; ne toho iitappe naaga.

ሌሚሶ ማጻፋ 4:13

Ta timirte lo7eththa oykka; izo yeddofa; iza nees de7o gidida gishshas izo naaga.

ዬ ማጻፋ 119:101

Tani ne qaalas azazettanaas koyza gishshas ta toho iita oge ubbaafe naagadis.

ሌዌታ ማጻፋ 19:30

Ta Sambata gallassata naagite; ta keeththaa bonchchite; tani GODAA.

ኬሳ ማጻፋ 20:8

«Sambata gallassa hara gallassatappe dummasada naaga.

ዮሃኒሳ ኣጁታ 22:14

He de7o miththa ayfe maanaassinne he katamayo izi pengera gelanaas bessizayti ba may7o meeccidayti anjjettidayta.

ሉቃሳ ሚሺራቾ 12:43

Goday simmishin hessaththo ooththishe beettizaadey izi anjjettidaade.

ኢሳያሳ ቲንቢቴ 56:6

GODAAS haggazanaas, bana GODAARA gaththi waaxida bete asata GODAA sunth siiqizaytanne izas goynnizayta, sambata tunisontta bonchchiza ubbatanne caaqo qaala naagizayta,

ዬ ማጻፋ 128:1

GODAAS yayyizaytinne iza ogen hemettizayti ubbay anjjettidayta.

ዬ ማጻፋ 37:27

Iitappe haakka; lo7o miish ooththa. Histtiko ne adussa layth de7ana.

ዬ ማጻፋ 34:14

Iitappe shaaketta; lo7o miish ooththa; saroteth koyada kaalla.

ናሂሚያ ማጻፋ 13:17

Hessa gishshas tani Ayhuda kaaleththizayta hanqettada «Hayssa intte ooththiza iita oosoza ubbaa be7ite! Hekko intte Sambata tunisishe deeta;

ኦሮሜ ኣሳስ 12:9

Intte siiqoteththi qoodheppe qommon gidoppo; iita gididayssa wursika ixxite. Lo7o gididayssara issife oykettite.

ኢሳያሳ ቲንቢቴ 56:4

GODAY, «Ta Sambatata bonchchiza gundulatas, tana ufayssiza miish doorizaytas, ta caaqo qaala naagizaytas,

ኤራንቻታ ማጻፋ 7:18

Issaa oykkidi hankkoyssaka yeddontta agoy lo7o; Xoossas yayyiza asi shikkalateth ixxees.