ኢሳያሳ ቲንቢቴ 56:11 - Geeshsha Maxaafa

¹¹ Istti ganjama kana mala; miidi kalli erettenna. Istti akeekay baynda heenththanchchata; istti ubbay bantta oge oge beettes; issoy issoy ba go7a xalla xeellees.

ጋሞ ማጻፋ

¹¹ ኢስቲ ጋንጃማ ካና ማላ፤ ሚዲ ካሊ ኤሬቴና። ኢስቲ ኣኬካይ ባይንዳ ሄንንቻታ፤ ኢስቲ ኡባይ ባንታ ኦጌ ኦጌ ቤቴስ፤ ኢሶይ ኢሶይ ባ ጎኣ ጻላ ጼሌስ።

ኢሳያሳ ቲንቢቴ 56:11 Referans Kwoze

ሚኪያሳ ቲንቢቴ 3:11

Kaaleththizayti matta7es pirdeettes; qeeseti miishsha gishshas tamaarseettes; Nabetikka miishshe mida gishshas yooteettes. Hessa ubbaa ooththidikka, «Xoossi nu giddon dees gidennee? Ay iitaykka nu bolla gakkenna» gishe Xoossan ceeqeteettes.

ሂዚቄላ ቲንቢቴ 13:19

Kuuchche gidontta banggassinne bars gidontta kaththas giidi wordo siyiza ta deraas intte wordotishe hayqqana bessonttayssa wodhishe, daanaas bessonttayta ashshishe ta sunth dere sinththan kawushshideta› gees.

ዮሃኒሳ ኣጁታ 22:15

Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.

Titosas 1:7

Woosa keeththa cimay Xoossas ooththana hadara ekkidaade gidida mala iza bolla wosoy bayndaade gidanaas bessees; hessika ceeqettizaade, guuththa miishshan yiillotizaadenne maththottizaade, ushshanchchanne izas bessontta ogera go7a gididaaz gooddi ekki bizaade gidanaas bessenna.

ዮሃኒሳ ሚሺራቾ 8:43

Ta yootizayssa ays yuushshi qoppeketii? Gaasoykka intte ta qaala siyana koyontta gishshassa.

ኢሳያሳ ቲንቢቴ 57:17

Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.

ኢሳያሳ ቲንቢቴ 1:3

Booray ba godaa erees; harey iza goday izas giigsida zedhekka erees; Isra7eeley gidikko tana erenna; ta dereykka akeekenna» gides.

ዩሁዳ ኪታ 1:16

Heyti he asati ubba wode zuuzumettizaytanne ay miishshankka ufayetti eronttayta; istti ba iita amo kaallizayta; istta doonan otoreteththa qaalay kumides; baas ba go7a koyishe as aadasheettes.

ዩሁዳ ኪታ 1:11

Istti Qayeele ogen bida gishshas miishshas giidi Bala7aame mala balan kundida; qasse Qoorey eqettida mala isttika eqettidi dhayda gishshas isttas aayye ana!

2ጴጽሮሳ ኪታ 2:3

Heyti wordo astamaareti miishshas gaphigaphiza gishshas barkka medhdhi ekkida yo7o yooti yootidi inttes dizaaz baas bonqqi ekkeettes; beni beniisoppe pirday isttas giigetti uttides; addafe istta dhayoy naagees.

1ጴጽሮሳ ኪታ 5:2

Inttes hadara imettida Xoossaa wude naagite; iza wudeza wolqqara gidontta Xoossi koyza ogera dosan heemmite; miishshas yiiqeteththan gidontta haggazanaas wozinappe koshshan gido.

Titosas 1:11

Heytantta co7u histteth bessees; gaasoykka istti bessontta ogera baas go7a demmanaas bessontta timirte tamaarson keeththa asaa wursi mooron deettes.

1ጺምቶሳስ 3:8

Daaqonetikka hessaththo bonchchettidaytanne ba gida qaalaa laammi laammi yeggonttayta, daro woyne ushshas amottonttayta, ogey baynda go7a gooddonttayta gidanaas bessees.

1ጺምቶሳስ 3:3

maththottonttaade, oosh ooyettonttaade, qasse maarage as, asara palamettonttaade, miish gooddonttaade gidanaas bessees.

ፒሊጲሲዮሴ ኣሳስ 3:19

Istta wurseththi dhayo; istta uloy istta Xoossa; isttas kawushshateththay isttas bonchcho; istta wozinay shempiday ha biittaa duussanna.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

ሃዋሬታ ኦሶ 20:33

Ta oona biraakka worqqaka woykko may7o ammotabeekke.

ሃዋሬታ ኦሶ 20:29

Ta bidaappe guye Xoossa dorsatas mishettontta iita asati intte gars gelanayssa ta erays.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

ኤርማሳ ቲንቢቴ 22:17

Gido attiin ne ayfeynne ne wozinay shempiday haa hee shocechchon demmiza go7an, xillota suuth gusson, asaa un7eththoninne gene oosonna» gees.

ኤራንቻታ ማጻፋ 5:10

Bira siiqiza asas biray gidi erenna; dureteth koyza asi duretidikka kalli erenna; hessi ubbayka hada.

1ሳሜላ ማጻፋ 2:29

Ta aqiza keeththaan shiiqana mala ta azazida yarshozanne kaththaza ays kadhidetii? Neninne ne nayti ta dere Isra7eeley shiishshida yarsho ubbaafe muuruta muuruta doori miidi intte moollattideta; nekka taappe aaththada ne nayta ays bonchchadii?› gees.

ኬሳ ማጻፋ 23:3

Manqo asi pirdaso shiiqikko iza manqoteth be7ada maadda pirdofa.

ፒሊጲሲዮሴ ኣሳስ 3:2

Heyta kana mala huskkattizaytappe, iita ooththizaytappenne asas meqeth menththiza asatappe naagettite.

ኢሳያሳ ቲንቢቴ 28:7

Hayti woyne ushshu uyidi yiicoteettes; maththosiza ushshan gandigareettes. Qeesetinne nabeti maththosiza ushshan gandigarda; woyne ushsha gaason yo7oy isttafe balettides; maththosiza ushshan gandigarda; ajjuutaa likkera be7ettenna; pirda pirdishe dhuphetteettes.

ኤርማሳ ቲንቢቴ 6:13

Qasseka GODAY, «Guuththayka gitaykka ubbay ba go7as yiiqetees. Nabetinne qeeseti ubbay as baleththeettes.

ኤርማሳ ቲንቢቴ 8:10

Hessa gishshas tani istta machcheta hara azinatas, istta biittatakka allagatas immana; guuththayka gitaykka ubbay bantta go7as yiiqeteettes. Nabetinne qeesetikka ubbay as baleththeettes.

ሆሴኤ ቲንቢቴ 4:8

Ta dereza nagaray isttas muussas kiyides; hessa gishshas derey nagara ooththizayssa keehi dosida.

ታይቦ ማጻፋ 22:7

Histtiin Mo7aabe cimatinne Midiyaame cimati qanggisanaas ekki bida miishsha Balaames immidi Baalaaqe kiitaa yootida.

ዳናታ ማጻፋ 18:20

Histtiin qeesezi ufayettidi eefude, terafime, miththafe masettida mislenne seerisi medhdhida eeqa xoossaa ekkidi derezara issife bides.