ኢሳያሳ ቲንቢቴ 55:5 - Geeshsha Maxaafa

⁵ Be7a, neni erontta kawoteththata xeygana; nena erontta kawoteththati neekko eeson yaana. Gaasoykka GODAA ne Xoossay Isra7eele Geeshshay ba bonchchon nena dhoqqu dhoqqu histtides» gees.

ጋሞ ማጻፋ

⁵ ቤኣ፥ ኔኒ ኤሮንታ ካዎቴታ ጼይጋና፤ ኔና ኤሮንታ ካዎቴቲ ኔኮ ኤሶን ያና። ጋሶይካ ጎዳ ኔ ጾሳይ ኢስራኤሌ ጌሻይ ባ ቦንቾን ኔና ቁ ቁ ሂስቲዴስ» ጌስ።

ኢሳያሳ ቲንቢቴ 55:5 Referans Kwoze

ኢሳያሳ ቲንቢቴ 60:9

Tumukka haruroti tanan hidota ooththeettes; izi nena ba bonchcho mayzida gishshas, GODAA ne Xoossa bonchchos, Isra7eele Geeshshaas haakoppe ne attuma nayta, istta biraaranne worqqaara gaththi ehanaas Tarseese markabeti sinththati kezana.

ኢሳያሳ ቲንቢቴ 60:5

He wode ne be7ananne phoollana; ne wozinay ufayssan kumana; abban diza aqotay neekko yaana; kawoteththata dureteththi nees gidana.

ዛካራሳ ቲንቢቴ 2:11

He gallas daro kawoteththati GODAAKKO shiiqidi iza dere gidana; izikka ne giddon de7ana; Ubbaafe Wolqqama GODAY tana neekko kiittidayssa nekka erana.

ኦሮሜ ኣሳስ 15:20

Hara asi kase ooththidason ta gelontta mala gaada kase Kirstoosa sunththi xeygetti eronttason Mishiraachcho qaalaa sabbakanayssi taas amo.

ሃዋሬታ ኦሶ 5:31

Izikka Isra7eele naytas nagarappe simmidi maarettana mala Xoossi iza ubbaafe bollanne ashshizaade histtidi ba ushachchan dhoqqu dhoqqu histtides.

ሃዋሬታ ኦሶ 3:13

Nu aawantta Abrahaamentta, Yisaaqantta, Yaaqoobentta Xoossi ba naaza Yesusa bonchchides. Intte qasse iza hayqos aaththi immideta; Philaxoosi iza birshana koyiinkka intte, ‹Koyokko› gideta.

ኢሳያሳ ቲንቢቴ 56:8

Laalettida Isra7eele shiishshiza, Ubbaa Haariza GODAY, «Shiiqidayta bolla gujja, tani haratakka zaara shiishshana» gees.

ኢሳያሳ ቲንቢቴ 55:4

Be7ite, tani iza deraas markka, kaaleththizaadenne ola gadawa ooththadis.

ኢሳያሳ ቲንቢቴ 45:23

Gulbatey ubbay ta sinththan gulbatana; inxars ubbayka tanan caaqqana; Tani tarkka ta hu7en caaqqadis; guye simmontta qaalay ta doonappe xilloteththan kezides.

ዬ ማጻፋ 18:43

Makkalla asappe tana ashshadasa; ne tana kawoteththata ayssizaade histta shuumadasa; ta erontta derey taas haarettides.

ሜቴ ማጻፋ 49:10

Dere haarizaadey yaana gakkanaashe, kawoteththaa algay Yuhudappe, halaqateththa guufey iza keeththafe shaakettenna. Qasse dere asay izas azazettana.

ዮሃኒሳ ሚሺራቾ 17:1

Yesusi hessa gidaappe guye pude salo dhoqqu gi xeellidi, «Ta Aawawu! Hekko ha7i saatey gakkides; ne nay nena bonchchana mala neni ne naaza bonchcha.

ሆሴኤ ቲንቢቴ 1:10

Gidikkoka Isra7eele asay qooday baynda abban shaamintta mala darana. Ha7i Xoossi, «Intte ta dere deekketa» geetettidasohon, «Intte de7o Xoossa nayta» geetetti xeygettana wodey yaana.

ኢሳያሳ ቲንቢቴ 52:15

Hessa gishshas izi daro kawoteththata malalisana; iza gaason kawoteththati bantta doona oykkana; isttas yootettonttayssa istti be7ana; istti siyi erontta miish akeekana» gees.

ኢሳያሳ ቲንቢቴ 49:6

«Neni taas oosanchcha gideththi, Yaaqoobe qommota ne zaaranayssinne ta naagida Isra7eele zaarada ne ehanayssi hessi nena deexxenna; qasseka ta atoteththaa biitta gaxa ne gaththana mala, tani nena kawoteththatas poo7o histtana» gees.

1ጴጽሮሳ ኪታ 1:11

Kase isttan diza Kirstoosa Ayanay Xoossafe tiyettidayssa bolla gakkana waayezanne he waayezappe guye izi demmana bonchchoza gishshas kase baas woththides; istti qasse hessi wurikka ayde waani hananaakko yuushshi qoppida.

Ibirawe 5:5

Hessaththoka Kirstoosi qeeseta halaqa gidana bonchcho barkka baas ekkibeenna; gido attiin, «Ne ta naakko; ta nees hach Aawaa gidadis» gida Xoossaafe ekkides.

ኤፌሶኔ ኣሳስ 3:5

He xuuraykka ha7i ammaniza Hawaaretassinne nabetas qonccida mala kase beni aadhdhida wode diza asataskka qonccibeenna.

ሉቃሳ ሚሺራቾ 24:26

Xoossafe kiitettidayssi ha metoza ekkanaassinne gede ba bonchchoso gelanaas bessennee?» gides.

ኤፌሶኔ ኣሳስ 2:11

Hessa gishshas intte kase intte yeleteththan Ayzaabeti intte asateththa bolla asa kushe ooso gaason, «Nuni qaxxarettidos» giza asati inttena, «Qaxxarettonttayta» gizaytoo! Intte hessa ane wozinan woththite.

2ሳሜላ ማጻፋ 22:44

«Ta derey qoppida daafaappe tana ashshadasa; kawoteththatas tana hu7e histtadasa. Ta erontta asay taas haarettides.

ኢሳያሳ ቲንቢቴ 45:14

GODAY, «Gibxe dureteththinne Tophphiya zal7ey, qasse geesan adus gidida Saaba asatikka neekko yaana; neyta gidana. Istti nena kaallana; sansalatan qashetti neekko yiidi nees goynnana; isttas, ‹Tumappe GODAY nenara dees; izappe attiin hara Xoossi deenna› giidi woossana» gees.

ኢሳያሳ ቲንቢቴ 45:22

«Intteno biittaa gaxan de7iza ubbatoo! taakko simmidi attite. Tani Xoossa; taappe attiin haray deenna.

ኢሳያሳ ቲንቢቴ 49:12

Hekko istti haaho dereppe yaana; issi issineti pudehappe, baggayti arshey wulliza baggafe, hankko attidayti Sinimeppe yaana» gees.

ኤርማሳ ቲንቢቴ 30:19

Isttafe galata mazamureynne ilili1sa cenggurssi siyettana; Tani istta darssana; istta qoodaykka paccenna; tani istta bonchchettida dere ooththana; istti kadhettidayta gidettenna.

ሂዚቄላ ቲንቢቴ 39:7

« ‹Ta geeshsha sunththay ta deraa Isra7eelen erettana mala ta ooththana; hayssafe guyen ta geeshsha sunththay kadhettana malanne kawuyana mala ta koykke; hessan kawoteththati tani GODAY Isra7eele Geeshsha gididayssa erana.