ኢሳያሳ ቲንቢቴ 55:13 - Geeshsha Maxaafa

¹³ Agunththa gishshas xiidday, kindichcho gishshas barsineete geetettiza miththi mokkana; hessika GODAA hassa7issiza miishshi dhayontta mala mernaas malata gidana» gees.

ጋሞ ማጻፋ

¹³ ኣጉን ጊሻስ ጺዳይ፥ ኪንዲቾ ጊሻስ ባርሲኔቴ ጌቴቲዛ ሚ ሞካና፤ ሄሲካ ጎዳ ሃሳኢሲዛ ሚሺ ዮንታ ማላ ሜርናስ ማላታ ጊዳና» ጌስ።

ኢሳያሳ ቲንቢቴ 55:13 Referans Kwoze

ኢሳያሳ ቲንቢቴ 41:19

Bazzo biittan ziga, odoro, barseneetenne, wogara mith moyzana; aykkoy baynda bazzon xiidda, guunththanne oonth tokkana.

ኤርማሳ ቲንቢቴ 33:9

Hessafe guye hanna ha katamaya ta izis ooththida lo7o miish ubbaa siyiza kawoteththata ubbaa sinththan sabas, ufayssas, galatasinne bonchchos gidana; ta izis immiza daro dureteththaafenne saroteththafe dendidayssan asay izis yashshan kokkorana» gees.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

ኢሳያሳ ቲንቢቴ 60:13

Ta Keeththay dizaso alleqissanaas, Libaanoose bonchchoy guuganththi, xiiddaynne barseneetey neekko yaana; ta tohoy eqqizasoza ta bonchchana.

ኦሮሜ ኣሳስ 6:19

Hayssa tani asa qaalan inttes qonccen yootizay intte yeleteththan daaburanchcha gidida gishshassa. Intte kase wode intte asateththaa aylleteththasinne kaseppe aadhdhi iitana mala ooththi immida mala ha7i qasse geeshshateththaako efiza xilloteththas aylle histti haarisite.

1ጴጽሮሳ ኪታ 4:11

Tamaarsizaadey Xoossa qaala tamaarsiza mala tamaarso; haggazizaadey Xoossi izas immiza wolqqan haggazo; hessa malan Xoossi Yesus Kirstoosa baggara haniza ubbaan galatettana; bonchchoynne godateththi mernaappe mernaa gakkanaas izas gido. Amiin!

ኤርማሳ ቲንቢቴ 50:5

Istti Xiyoone efiza oge oychchana; bantta sinth hee zaarana; yiidi mulera dogettontta mernaa caaqo qaalan GODAARA oykettana.

ዮሃኒሳ ሚሺራቾ 15:8

Daro ayfe intte ayfishin ta Aaway bonchchettees; intte tana kaallizayta gididayssi hessan erettana.

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

ኤርማሳ ቲንቢቴ 13:11

Danccoy asa xeessa baqqi oykkiza mala Yuhuda asay ubbaynne Isra7eele asay ubbay taakko shiphphi gaana malanne ta sunththas galatanne bonchcho immana mala ta ooththiin istti ta gizaaz siyibeettenna» gees.

ኢሳያሳ ቲንቢቴ 63:12

Bonchchettida wolqqama qese, Muses ushachcha kushe bolla woththides; baas mernaas sunth kessanaas, haaththata istta sinththan shaakkides.

ኢሳያሳ ቲንቢቴ 60:21

Ne asay ubbay xillo gidana; biittayokka mernaas laattana; istti ta bonchcho qonccisanaas tani tokkida puutetanne ta kushe oosota.

ኢሳያሳ ቲንቢቴ 54:10

Zumati qaaxxiko, zumbullati ba dizasoppe kichchikokka, nees diza ta siiqoy qaaxxenna; nenara ta caaqqida saroteththa qaalay laalettenna» gees nena maariza GODAY.

ኢሳያሳ ቲንቢቴ 43:21

Tani taas giigsida derey ta galataa awajjana mala ta hayssa ooththana.

ሚኪያሳ ቲንቢቴ 7:4

Istta garsafe lo7o geetettidaadey agunththa mala keehi lo7o geetettizaadey qasse kindichcho mala inttena naagizaytas wodey gakkides; Xoossa pirda gallassay gakkides; asay shirotana wodey gakkides;

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ዬ ማጻፋ 96:12

Goshsha gadeynne iza bolla diza ubbay ufayetto! Woran diza mith ubbay iza sinththan ufayssan yexxana.

ኢሳያሳ ቲንቢቴ 7:11

«GODAY ne Xoossa nees bolla saloppe, woykko sa7appe, gars ciimmafe issi malata immana mala oychcha» gides.

ኢሳያሳ ቲንቢቴ 7:19

Istti ubbayka yiidi bazzo shoobban, shuchcha gongolon, agunththa tushaninne haaththa ollatan gawu7ana.

ኢሳያሳ ቲንቢቴ 7:24

Biitta ubbaan kindichchoynne agunththi kumida gishshas asay hee biza wode wondafenne yiish oykki baana.

ኢሳያሳ ቲንቢቴ 19:20

Hessi Ubbaafe Wolqqama GODAAS Gibxe biittan malatanne markka gidana; istti banttana un7eththizaytappe dendidayssan GODAAKKO waassiza wode izi istta ashshizaadenne maaddizaade kiittidi istta ashshana.

ኢሳያሳ ቲንቢቴ 32:13

Ta deraa biittaa gishshas, agunththinne kindichchoy mokkida biittaa gishshas, homboceththan isttan guppiza keeththata ubbaa gishshas, homboceththan izin guppiza katamays yeekkite.

ኢሳያሳ ቲንቢቴ 35:1

Bazzoynne mela biittay ufayettana; aykkoy baynda bazzoy ufayettana; ciishsha malakka ciiyana.

ኢሳያሳ ቲንቢቴ 35:2

Izi daro ufayettananne miiccana; Libaanoose bonchchoy izas imettana; Qarmeloosenne Lasharoone teema izi may7ana; nu GODAA bonchchonne Xoossaa gitateththaa istti be7ana.

ኢሳያሳ ቲንቢቴ 56:5

ta Keeththaninne ta gimbeta giddon attuma naytappenne macca naytappe aadhdhiza hassa7issiza miishshinne sunth isttas immana; mernaas dhayontta sunth ta isttas immana.

ኢሳያሳ ቲንቢቴ 63:14

Duge zulle wodhdhiza mehe wude mala, GODAA Ayanay isttas shemppo immides; izi deraa hessaththo kaaleththiday, ne sunththaa bonchchisanaassa.

ሂዚቄላ ቲንቢቴ 28:24

« ‹Hayssafe guye Isra7eele asaa un7eththiza kindichchoynne caddiza agunth gidida shooroti istta yuushon deettenna; hessan tani Ubbaa Haariza GODAA gididayssa istti erana› gees» gides.

ዛካራሳ ቲንቢቴ 1:8

Omarsa wode ajjuutan zo7o para toggida issaade be7adis; he izikka shoobba giddon barsineete miththata garsan eqqides; qasse iza guyera daama, zo7onne booththa parati deettes.

ኢሳያሳ ቲንቢቴ 60:17

Xarqimala sohon worqqa, birata sohon bira ehana; miththa sohon xarqimala, shuchcha sohon birata ehana; saroteth nena ayssizaade, xilloteththika nees halaqa histtana.