ኢሳያሳ ቲንቢቴ 54:7 - Geeshsha Maxaafa

⁷ «Guuththa wode tani nena aggadis; gido attiin gita qadhetan ta nena zaara shiishshana.

ጋሞ ማጻፋ

⁷ «ጉ ዎዴ ታኒ ኔና ኣጋዲስ፤ ጊዶ ኣቲን ጊታ ቃታን ታ ኔና ዛራ ሺሻና።

ኢሳያሳ ቲንቢቴ 54:7 Referans Kwoze

ዬ ማጻፋ 30:5

Iza hanqoy guuththa wodessa, gido attiin iza kiyateththi de7o layth ubbaassa; omars yeekkishe aqikkoka maalado zaway baynda ufays gidees.

2ጴጽሮሳ ኪታ 3:8

Ta siiqotoo! Intte gidikko Godaa achchan issi gallassi shii layththa mala; qasseka shii layththi issi gallassa mala gididayssa hessa he hanoza balopite.

ሚኪያሳ ቲንቢቴ 4:6

GODAY, «Tani he gallas gundidayta shiishshana; bete bidaytanne muuzottana mala ta aaththa immidayta ubbaa issiso shiishshana.

ኢሳያሳ ቲንቢቴ 26:20

Ta derezoo! Ba ne keeth gela; ne penge ne bolla gorda; iza hanqoy aadhdhana gakkanaas guuththa wodes qotetaashsha.

ኢሳያሳ ቲንቢቴ 60:4

«Dhoqqu gaada ne yuusho xeella; istti ubbay issife shiiqidi neekko yaana; ne attuma nayti haahoppe, ne macca naytikka idimon neekko yaana.

ዛሬ ማጻፋ 30:3

GODAA intte Xoossay inttes qadhettananne inttefe di7ettida intte miishshaa inttes zaarana; intte kase laaletti diza dereppe zaari ehidi qasseka duresana.

ኢሳያሳ ቲንቢቴ 66:18

«Tani istta oosonne istta qofa eriza gishshas, kawoteththata ubbaanne dumma dumma qaalan haasayza ubbata issife shiishshanaas yaana; isttika yiidi ta bonchcho be7ana.

2ቆሮንቶሴ ኣሳስ 4:17

Hessas ha7i guuththa wodes nuna gakkiza waayey izara giiganaas dandayontta mernaas gidiza bonchchon nuna gaththana.

Maatosa 23:37

«Hanne Yerusalaamee! Nabeta wodhizaaree! Neekko kiitettidayta shuchchara caddizaaree! Hanne Yerusalaame, kutto aaya ba ciyeta ba qefe giddo shiishshiza mala ta ne nayta shiishshanaas aappun wode koyadinaashin ne gidikko koyabeekka.

ኢሳያሳ ቲንቢቴ 56:8

Laalettida Isra7eele shiishshiza, Ubbaa Haariza GODAY, «Shiiqidayta bolla gujja, tani haratakka zaara shiishshana» gees.

ሂዚቄላ ቲንቢቴ 36:24

« ‹Tani inttena kawoteththata giddofe kessana; dere ubbaafe ta shiishshana. Histtada inttena intte biitta zaara ehana.

ኢሳያሳ ቲንቢቴ 60:10

«Allagati ne gimbe gimbana; istta kawoti nees haggazana; ta hanqon ta nena shocidaa gidikkoka, ta qadheta siiqo nena bessana.

ኢሳያሳ ቲንቢቴ 40:11

Izi ba wude heenththanchcha mala heemmees; ba laaqqatakka ba qesen tookkees; ba ki7onkka idimmees; dhanththizaytakka loddara kaaleththees.

ኢሳያሳ ቲንቢቴ 27:12

He gallas Efiraaxise shaafappe haaththi baynda Gibxe Shaafa gakkanaas GODAY ba kaththaa bukkana; intteno Isra7eele asatoo, intte issoy issoy shiiqana.

ዬ ማጻፋ 106:47

Abeet GODAWU Nu Xoossawu! Nuna ashsha. Nuni ne geeshsha sunththa galatana mala kawoteththata giddofe nuna shiishsha.

ኤፌሶኔ ኣሳስ 1:10

Buroppe wode wurseththan hananaas diza iza qofay salo bollanne biitta bolla dizaytas ubbaas hu7e gidida Yesus Kirstoosappe ubbaa gars aaththanaassa.

ኢሳያሳ ቲንቢቴ 49:18

Ane dhoqqu gaada ne yuusho xeella; ne nayti ubbay issife shiiqidi neekko yaana. Tani GODAY ta de7on caaqqays; neni istta ubbaa alleqo mala may7ana; ne istta mishira may7o mala may7ana» gees.

ኢሳያሳ ቲንቢቴ 11:11

He wode GODAY nam7anththo ba kushe miccidi attida asaa Asooreppe, pudeha Gibxeppe, dugeha Gibxeppe, Tophphiyappe, Elaameppe, Sana7ooreppe, Hamaateppenne abba gaxan diza deretappe shiishshana.

ያቆቤ ኪታ 4:6

Gido attiin izi ba kiyateth nuus gujji immees; Maxaafaykka, «Xoossi otoranchchatara eqettees; ashketas gidikko ba kiyateth immees» giday hessassa.

ኢሳያሳ ቲንቢቴ 11:12

Kawoteththatas malaata essana; dhoqqu ooththidi denththana; Isra7eeleppe goodetti bidayta zaari ehana; laalettida Yuhuda asaa oyddu bagga biitta gaxappe izi shiishshana.

ኢሳያሳ ቲንቢቴ 12:1

He wode neni, «Abeet GODAWU, kase ne ta bolla hanqettadasa; ha7i gidikko neni ne hanqozappe simmada tana minththeththida gishshas ta nena sabbays.

ኢሳያሳ ቲንቢቴ 14:1

GODAY Yaaqoobes nam7anththo qadhettana; Isra7eelekka zaareththidi doorana. Istta istta biittan woththana; imaththati yiidi Yaaqoobeso asaara walakettana.

ኢሳያሳ ቲንቢቴ 27:8

Olaninne di7on ne izo qaxxayadasa; arshey mokkiza bagga carkoy carkiza mala wolqqama gote carkon ne izo gooddadasa.

ኢሳያሳ ቲንቢቴ 49:13

Salotoo intte, ilili giite; biittayee neni ufayetta. Intteno Zumatoo ufayssan yexxite; gaasoykka GODAY ba deraa minththeththees; metotanchchatas qadhettees.

ኢሳያሳ ቲንቢቴ 49:21

Neni ne wozinan, ‹Hayta taas yeliday oonee? Tani ceecizaadenne maynne; tani goodettidaadenne ixettidaade gida dishin haytantta dichchiday oonee? Tani tarkka attadis shin histtiin haytanti awappe yidoo?› gaasa» gees.

ኢሳያሳ ቲንቢቴ 50:1

GODAY, «Tani intte aayo anjja yeddida waraqatay awan dizee? woykko ta inttena ay tal7a ekkidaades bayzadinaa? Be7ite intte intte nagara gishshas bayzettideta; intte mooro gishshas intte aaya anjjetta badus.

ኢሳያሳ ቲንቢቴ 62:4

Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ኢሳያሳ ቲንቢቴ 63:7

GODAA kiyateththi, GODAY nuus ooththida ooso ubbaa gishshas, izi galatettiza oosoza gishshas, iza siiqozanne iza kiyateththa keena, Isra7eele keeththas izi ooththidayssa, ee izi ooththida lo7o oosota gishshas ta yootana.

ኤርማሳ ቲንቢቴ 51:5

Istta biittaya Isra7eele Geeshsha sinththan mooron kumidaa gidikkoka Isra7eelenne Yuhuda Ubbaafe Wolqqama GODAY istta Xoossay istta yeggi aggibeenna.

ኤርማሳ ዚላስ 3:31

GODAY ase mernaaskka yeggi aggenna.

ዬ ማጻፋ 30:6

Tani woppan diza wode, «Tani mulekka kokkorikke» gadis.

ዬ ማጻፋ 107:3

arshey mokkizasoppenne wullizasoppe, pudehappenne dugehappe dere ubbaafe izi shiishshidayti hizgi haasayetto.

ኤርማሳ ዚላስ 3:32

Izi asa bolla meto ehikkoka ba mernaa siiqon simmi qadhettees;