ኢሳያሳ ቲንቢቴ 53:6 - Geeshsha Maxaafa

⁶ Nuni ubbay dorsa mala toylatti dhaydos; nuni issoy issoy nu oge bidos; GODAY nu ubbaa qoho iza bolla woththides.

ጋሞ ማጻፋ

⁶ ኑኒ ኡባይ ዶርሳ ማላ ቶይላቲ ይዶስ፤ ኑኒ ኢሶይ ኢሶይ ኑ ኦጌ ቢዶስ፤ ጎዳይ ኑ ኡባ ቆሆ ኢዛ ቦላ ዎዴስ።

ኢሳያሳ ቲንቢቴ 53:6 Referans Kwoze

1ጴጽሮሳ ኪታ 2:25

Intte dhayda dorsata mala toylattideta; ha7i gidikko intte shemppo heemmizayssakonne naagizayssako simmideta.

1ጴጽሮሳ ኪታ 3:18

Kirstoosikka nuna Xoossaako shiishshanaas izi ba hu7es Xillokoshin hankko Xillo gidontta nu nagara gishshas nam7anththettontta mala issito waayettidi hayqqides. Izi ashon hayqqides; Ayanan gidikko paxides.

ዬ ማጻፋ 119:176

Dhayda dorsa mala tani toylattadis; gido attiin tani ne woga balabeekke; hessa gishshas tana ne aylleza koya.

ኦሮሜ ኣሳስ 4:25

Izi nu nagara gishshas hayqqanaas aadhdhi imettides; izi nuna xillisanaas hayqoppe dendides.

ኢሳያሳ ቲንቢቴ 55:7

Iita asi ba oge, qohizaykka ba qofa aggo; GODAAKKO simmo. Izikka iza maarana; iza maaroteththay daro gidida gishshas izi nu Xoossako simmo.

ኢሳያሳ ቲንቢቴ 53:10

«Iza liiqeththinne waayezi GODAA shene gidides; GODAY iza shemppo nagara yarsho ooththikoka izi ba zereththaa be7ana; GODAA sheney iza kushen polettana.

ኢሳያሳ ቲንቢቴ 56:11

Istti ganjama kana mala; miidi kalli erettenna. Istti akeekay baynda heenththanchchata; istti ubbay bantta oge oge beettes; issoy issoy ba go7a xalla xeellees.

ዬ ማጻፋ 69:4

Tana mela coo ixxizayti ta hu7e binanappe daro. Wordora tana morkkizaytinne tana dhayssanawu koyzayti darida. Ta kaysa ekkontta miish tana qanxxa gida.

ሂዚቄላ ቲንቢቴ 3:18

Tani nagaranchchaza, ‹Adda neni hayqqana› giza wode neni iza seerontta aggiko woykko izi ba iita hanoppe simmana malanne ba shemppo ashshana mala ne yootontta aggiko he nagaranchchay ba nagaran hayqqana; nenakka iza suuththaa gishshas ta oychchana.

ኢሳያሳ ቲንቢቴ 6:7

Tamaa bonqqozan ta doonaa bochchidi, «Be7a; hayssi tamaa bonqqozi ne doonaa bochchides; ne mooroy neeppe kichchides; ne nagaraykka qucetti kichchides» gides.

ኢሳያሳ ቲንቢቴ 40:2

Yerusalaameskka shugo qaalara yootite; izis awajjite; iza aylleteththan ooththiza wodey wurides; izi nagara waagay cigettides; iza ba nagara ubbaa gishshas GODAAPPE nam7u kushe qixaate ekkadus» gees.

ኢሳያሳ ቲንቢቴ 53:5

Gido attiin izi nu mooro gishshas cadettides; nu qoho gishshas liiqides; iza bolla wodhdhida qixaatey nuus saro ehides; iza madunththan nu paxidos.

ኢሳያሳ ቲንቢቴ 53:7

«Izi un7ettidessinne waayettides; gido attiin doonakka pogibeenna. Dorsa laaqqa mala shukettanaas laagettides; ba iske qanxxizayta sinththan co7u giza dorsa mala izi doonakka phoqqibeenna.

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ኢሳያሳ ቲንቢቴ 53:12

Hessa gishshas iza gakkiza gisha gita asata gishara issife histtana; di7i ehidayssa wolqqamatara izi issife gishettana; izi ba shemppo hayqos aaththi immidi, iita ooththizaytara issife qoodettida gishshas, darota nagara tookkides; qohidayta gishshas gaannatides» gaana.

ኢሳያሳ ቲንቢቴ 55:8

GODAY, «Ta qofay intte qofa mala, intte ogeykka ta oge mala gidenna.

ኤርማሳ ቲንቢቴ 50:6

«Ta derey dhayda dorsa mala gidides; istta heenththanchchati istta baleththidi wora kaaleththida; zumata bollanne zumbullata bolla toylattida; ba aqizasokka dogida.

ዳኔላ ቲንቢቴ 9:5

Nuni gidikko nagara ooththidos; nena qohidos; iita miish ooththidos; makkallidos; ne azazotappenne ne wogappe kare kezidos.

ሜቴ ማጻፋ 22:6

Abrahaamey yarsho miththaa denththidi naaza Yisaaqa toossidi baas tamanne shuka mashsha oykkides; istti nam7ay issife bishin,

ዳናታ ማጻፋ 21:25

He wode Isra7eele biittan kawoy baawa; asi ubbay baas lo7o misati beettoyssa coo ooththees.

ኢሳያሳ ቲንቢቴ 66:3

«Gido attiin taas boora yarshizaadey as wodhizaade mala, dorsa laaqqa yarshizaadey kana cuulli wodhiza asa mala; kaththa yarsho shiishshizaadey, guddunththa suuth shiishshizaade mala; qofsos exaane taas cu7asizaadey, eeqa xoos goynniza asa mala; istti bantta oge doorida; istta shemppoyakka istta tunateththan ufayettawus.