ኢሳያሳ ቲንቢቴ 52:7 - Geeshsha Maxaafa

⁷ Zuma bolla eqqida tohoti, mishiraachcho ekki yiza tohoti, saroteth yootizayti, lo7o mishiraachcho yootizayti, atoteth awajjizayti, Xiyoonokka, «Ne Xoossay kawotides» giza tohoti ay mala lo7o!

ጋሞ ማጻፋ

⁷ ዙማ ቦላ ኤቂዳ ቶሆቲ፥ ሚሺራቾ ኤኪ ዪዛ ቶሆቲ፥ ሳሮቴ ዮቲዛይቲ፥ ሎኦ ሚሺራቾ ዮቲዛይቲ፥ ኣቶቴ ኣዋጂዛይቲ፥ ጺዮኖካ፥ «ኔ ጾሳይ ካዎቲዴስ» ጊዛ ቶሆቲ ኣይ ማላ ሎኦ!

ኢሳያሳ ቲንቢቴ 52:7 Referans Kwoze

ናሆሜ ቲንቢቴ 1:15

Hekko mishiraachcho yootizayssi, saroteth awajjizayssi zumaa bollara yuussan dees. Yuhuda ne ba7aaleta bonchcha; ne adinettidayssa gaththa; hayssafe guye iitati ne dere worajjettenna; istti mulera dhayana.

ማርቆሳ ሚሺራቾ 16:15

Isttaskka, «Alame ubbaso biite, Mishiraachcho qaala medheteth ubbaas sabbakite.

ኤፌሶኔ ኣሳስ 6:15

saroteththa Mishiraachcho qaalaa tohon caamma mala aaththidi giigetti eqqite.

ኢሳያሳ ቲንቢቴ 40:9

Nenoo mishiraachcho Xiyoones yootizaysso, dhoqqa zuma bolla keza; nenoo mishiraachcho Yerusalaames yootizaysso, ne cenggurssaa dhoqqu histta waassa; dhoqqu histta, babbofa; Yuhuda katamatas, «Hekko intte Xoossaa» gaada yoota.

ዬ ማጻፋ 93:1

GODAY kawotides! Teemanne wolqqa may7ides; alamey qaaxxontta mala minththi essides; oonikka izo qaaththenna.

Maatosa 28:18

Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.

ኢሳያሳ ቲንቢቴ 24:23

Ubbaafe Wolqqama GODAY Xiyoone zumaninne Yerusalaamen cimata sinththan bonchchon kawotana; he wode aginay shaaphettana; awa ayfeykka yeellatana.

ዬ ማጻፋ 68:11

Goday qaala yeddides; he kiitaa daro maccassati deraas awajjida.

ሉቃሳ ሚሺራቾ 2:10

Kiitanchchay istta, «Babbofte! Tani asa ubbaas gidiza gita ufayssa mishiraachcho ekka yadis.

ማርቆሳ ሚሺራቾ 13:10

Koyrottidi Mishiraachcho qaalay dere ubbaas sabbakettana bessees.

ዮሃኒሳ ኣጁታ 14:6

Hessafe guye biitta bolla diza dumma dumma qaalan haasayza dumma dumma deretas, zarkketas, qommotas, ubbaas yootanaas mernaa Mishiraachcho qaala oykkida hara issi kiitanchchay salo bolla piradhdhishin ta beyadis.

ዛካራሳ ቲንቢቴ 9:9

Hanne Xiyoone nayee keeha ufayetta. Hanne Yerusalaame nayee ufayssan ilila; xillonne ashshiza ne kawoy ashke gididi hareyonne harey gutte toggidi neekko yees.

ሉቃሳ ሚሺራቾ 24:47

Yerusalaameppe doommidi ubba deres nagarappe simoynne maaroteththi iza sunththan yootettana.

Siiqo Saba 2:8

Be7ite! Ta siiqoza cenggurssi zumata bollara pirishe, zumbullata bollara xongettishe yizayssi siyettees.

ዬ ማጻፋ 99:1

GODAY kawotides! Hessa gishshas asay kokkoro! kirubeta giddon kawoteththa araatan uttides; hessas biittayka qaaxxo.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ሚኪያሳ ቲንቢቴ 4:7

Gundatappe attidaytanne qohettidayta ta istta mino dere kessana; he gallassayfe doommidi mernaa gakkanaas GODAY Xiyoone zuman istta bolla kawotana.

ኢሳያሳ ቲንቢቴ 33:22

GODAY nuus pirdiza daanna; GODAY nuus woga immizaade; GODAY nuus kawo; nuna ashshanaykka iza.

ዬ ማጻፋ 96:10

Kawoteththata giddon, «GODAY kawotides! Sa7ay minni eqqides; mulekka qaaxxenna; izi as ubbaas issi gina pirdana» giite.

Maatosa 25:34

He wode kawoy ushachcha baggara dizayta, ‹Inttenoo! Ta Aaway inttena anjjidayti haa yiite! Alamey medhettoosoppe inttes giigettida kawoteththaa laattite! gaana.

ዬ ማጻፋ 59:13

Ne hanqon istta dhayssa; istta mulera dippi histta; he wode Xoossi Yaaqoobe zereththa ayssizaadenne sa7a gaxa gakkanaas diza deraa haarizaade gididayssa asi ubbay erana.

ዬ ማጻፋ 97:1

GODAY kawotides; sa7an de7iza asay ufayetto; abba giddon de7iza haruroti ufayetetto.

ኢሳያሳ ቲንቢቴ 41:27

Koyrottada, ‹Hekko tani be7adis› gaada Xiyoones awajjiday tana; Yerusalaames mishiraachcho yootizaade immadis.

ኢሳያሳ ቲንቢቴ 42:11

Bazzoynne katamati bantta cenggurssaa dhoqqu histtetto; Qeedaarey de7iza gutay ufayetto; Seela dere asati ufayssan yexetto; zuma xeerankka ililetto.

ዬ ማጻፋ 98:2

GODAY ba ashshizayssa erisides; izi ba xilloteththaka kawoteththas qonccisides.

ዬ ማጻፋ 98:3

Izi Isra7eeleta siiqizayssanne isttas ammanettizayssa hassa7ides; sa7a gaxa gakkanaas diza asay ubbay nu Xoossay ashshizayssa be7ides.

ናሆሜ ቲንቢቴ 2:1

Hanne Nannawe! Nena qohanay ne bolla yides; ne miixa naaga; ne oge xomosa; minththa gixxa; ne wolqqa ubbaa minththa.