ኢሳያሳ ቲንቢቴ 51:19 - Geeshsha Maxaafa

¹⁹ Be7a bashsha bolla bashshi ne bolla yides; histtiin nena oonee minththeththanay? isttika laaleteththinne dhays, koshanne mashsha.

ጋሞ ማጻፋ

¹⁹ ቤኣ ባሻ ቦላ ባሺ ኔ ቦላ ዪዴስ፤ ሂስቲን ኔና ኦኔ ሚንናይ? ኢስቲካ ላሌቴኔ ይስ፥ ኮሻኔ ማሻ።

ኢሳያሳ ቲንቢቴ 51:19 Referans Kwoze

ኣሞጼ ቲንቢቴ 7:2

Boolezikka biitta bolla diza cilila ubbaa pitti midayssa tani beyada, «Ubbaafe Wolqqama GODAWU! Ne dere qohoza maararkkii! Ne dere Isra7eeles wolqqay baynda gishshas izi hayssa wostti eqetti dandayanee?» ga woossadis.

ኢሳያሳ ቲንቢቴ 47:9

Ha nam7u yo7oti, am7eteththinne yeli dhonththi qofay baynda issi gallas ne bolla gakki wodhdhana; ne ay keena bitikkoka, ne ay keena muurennikokka istti ne bolla kumeththa wolqqara yaana.

2ቆሮንቶሴ ኣሳስ 7:13

Nuni minettidayssafe bollara Titoosi demmida ufayssaan daro ufayettidos; nuni ufayettidaykka intte wurikka Titoosa minththeththida gishshassinne iza wozina shempisida gishshassa.

ሂዚቄላ ቲንቢቴ 14:21

«Ubbaa Haariza GODAY: tani asaanne mehe wodhanaas Yerusalaame bolla ta oyddu pirdata, mashsha, kosha, wora do7atanne iita harge yeddiza wode izi ay keena aadho iita miish gidandee!

ኤርማሳ ዚላስ 1:12

«Godaa Xoossi ba wolqqama hanqoza nu bolla yeddida wode nu bolla gakkida meto mala metoy gakkida asi dizaa gidikko intteno ogera aadhdhi biza ubbato ane be7ite! Ha metoy inttes kawushsha misatizee?

ኤርማሳ ዚላስ 1:9

Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ኢሳያሳ ቲንቢቴ 61:2

Dosettida GODAA layth, nu Xoossay halo kessiza gallassa awajjana malanne yeekkizayta ubbaa minththeththana mala tana kiittides.

ኢሳያሳ ቲንቢቴ 22:4

Hessa gishshas tani, «Taappe haakkite; ane camo yeeho ta yeekkays; dhayda ta asaa gishshas tana minththeththana qoppofte» gadis.

ኢሳያሳ ቲንቢቴ 14:30

Putteesa manqoti duussaso demmana; metotanchchati woppu giidi ichchana. Gido attiin tani ne zare koshan wursana; qasse neeppe attidaytakka dippi histtana.

ኤራንቻታ ማጻፋ 4:1

Tani qasseka salo gufanththon diza qoho ubbaa be7adissinne akeekadis; qohettidayta afunth be7adis; istta minththeththiza asikka deenna; wolqqay istta qohiza asata kushen dees; istta minththeththiza asikka deenna.

ዬ ማጻፋ 69:20

Cashshi ta wozina madunththiin ta hidota qanxxadis. Taas qadhettiza as koyadis; gido attiin issi asikka deenna. Tana minththeththiza as koyadis; gido attiin issaadeka demmabeekke.

ኢዮቤ ማጻፋ 42:11

He wode Iyoobe ishati, iza michchetinne kase iza erizayti ubbay iza beyanaas yida. Izara issife izason kath mida; istti izas mishettizayssa qonccisidi Xoossi iza bolla gaththida metoza gishshas iza minththeththida. Issoy issoy birappenne worqqafe oosettida midiga izas imota immida.

ኢዮቤ ማጻፋ 2:11

Temaane dere as Elfaaze, Shuha dere as Belidaadinne Na7imaane dere as Zoofaare geetettiza heedzdzu laggeti Iyoobes deettes. Isttika Iyoobe bolla gakkida metoza siyida wode izas istti qadhettoyssa qonccisanaassinne iza minththeththanaas bantta dereppe xeygettidi issife Iyoobekko yida.

ኢሳያሳ ቲንቢቴ 8:21

Istti ceecishenne gafishe biitta bolla toylattana; istti keehi gafida wode hanqettana; pude xeellidi bantta kawaanne bantta Xoossaa qanggana.

ኢሳያሳ ቲንቢቴ 9:20

Ushachcha baggara tuxxana; gido attiin gafa teqqenna. Hadirsa baggara maana; gido attiin kallettenna. Issoy issoy ba yelida nayta maana.

ኢሳያሳ ቲንቢቴ 54:11

GODAY, «Hanne un7ettida katamayee! Gote carkon shocettidaaree! minettonttaaree! Be7a, tani nena bonchchettida shuchchatan alleqissa keexxana; semppere shuch nees yoch yeggana.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኤርማሳ ቲንቢቴ 15:5

«Hanne Yerusalaamee! Nees oonee qadhettanay? Nees mishettanay oonee? Ne lo7eteththa geli oychchanay oonee?» gees.

ኤርማሳ ቲንቢቴ 24:10

Tani isttassinne istta aawatas immida biittafe istti mulera dhayana gakkanaas, mashsha, koshanne iita harge istta bolla yeddana› gees» gides.

ናሆሜ ቲንቢቴ 3:7

Nena be7izayti neeppe baqatishe, ‹Nannawey laalettadus; izis yeekkanay oonee?› gaana. Nena minththeththanaade ta awappe demmanee?» gides.

ኤርማሳ ዚላስ 3:47

Nuni bashshaninne laaleteththan metoninne shiron kumdos» goos.

ሂዚቄላ ቲንቢቴ 14:15

«Tani wora do7ata deraa bolla kiittiin he do7ati deraa dhonth histtiin, isttafe dendoyssan heera asi aadhdhana dandayontta wora gidikko,