ኢሳያሳ ቲንቢቴ 50:11 - Geeshsha Maxaafa

¹¹ Ha7i gidikko intte tama eeththidi, laciza intte xomppe xomppe oykkida ubbati intte poo7on biite; intte oyththida xomppe poo7on simerettite; Intte ta kusheppe ekkanayssi hayssa; intte iita meton kundana.

ጋሞ ማጻፋ

¹¹ ሃኢ ጊዲኮ ኢንቴ ታማ ኤዲ፥ ላጪዛ ኢንቴ ጾምፔ ጾምፔ ኦይኪዳ ኡባቲ ኢንቴ ፖኦን ቢቴ፤ ኢንቴ ኦይዳ ጾምፔ ፖኦን ሲሜሬቲቴ፤ ኢንቴ ታ ኩሼፔ ኤካናይሲ ሃይሳ፤ ኢንቴ ኢታ ሜቶን ኩንዳና።

ኢሳያሳ ቲንቢቴ 50:11 Referans Kwoze

ኦሮሜ ኣሳስ 10:3

Xoossi as xillisiza oge erontta aggidi ba xilloteththa oge kaallida attiin Xoossa xilloteththa oge kaallibeettenna.

ዮሃኒሳ ሚሺራቾ 8:24

Intte ta oonakko eridi ammanontta aggiko intte intte nagaran hayqqana gishshas ta intte intte nagaran hayqqana giday hessa gishshassa» gides.

ዮናሳ ቲንቢቴ 2:8

Hada eeqata kaallizayti wuri nenan GODAAN ammanettanayssa aggida.

ዮሃኒሳ ኣጁታ 19:20

Gido attiin he do7azi oykettides; kase izara daro malaata ooththida wordo nabezikka izara oykettides; izi he do7aza malatay istta bolla dizaytanne he do7aza mislezas goynnidaytanne gita malaatata ooththi ooththidi istta baleththishe gam7ides; heyti nam7ati diine geetettiza eexxiza tama abban hayqqontta paxa dishe yegettida.

ዮሃኒሳ ሚሺራቾ 9:39

Yesusikka, «Qooqeti xeellana malanne xeellizayti qooqana mala pirdanaas ta hayssa ha alame yadis» gides.

ሂዚቄላ ቲንቢቴ 20:39

Isra7eele asatoo! Ubbaa Haariza GODAY inttena, «Intte ha7i tani yootizayssa siyontta ixxiko biidi ubbayka intte eeqa xoossaas goynnite! Gido attiin intte hayssafe guye zaaridi intte yarshoninne intte eeqa xoossatan ta geeshsha sunththaa tunisekketa.

ኢሳያሳ ቲንቢቴ 8:22

Hessafe guye istti duge biitta xeellana; istti xeellanayssika waaye, dhumanne dhippi gida babisiza miish xalla; istti girdi gida dhuman yegettana.

ዮሃኒሳ ኣጁታ 20:15

Iza sunththi de7o maxaafan xaafettonttaadey wurikka tama abbaan yegettides.

ያቆቤ ኪታ 3:6

Inxarsika ba baggara tama mala; qasse nu asateththaa giddon diza iita alame. Asateththaa wursa tunisawussinne asateththaa bolla tama gujjawus; baaska gaanname taman xuugettana.

Maatosa 22:13

Kawoykka ba ashkarata, ‹Hayssa addeza tohonne kushe shiishshi qachchidi heen karen diza dhumaan kessi olite; heen yeehonne achcha garccech gidana.›

Maatosa 8:12

Salo Kawoteththi isttas gidana bessiza asati heen kare dhuman yegettana. Heenkka yeehonne achcha garccech gidana» gides.

ኢሳያሳ ቲንቢቴ 55:2

Go7ontta kaththas ays intte miish dhaysseetii? inttena kalssontta miishshas ay ekkanaas intte wolqqa wurseetii? Siyite; ta gidaaz siyite; lo7o gididaaz miite; lo7o quman inttena ufayssite.

ሌሚሶ ማጻፋ 26:18

Gooyiza asi tamaa xiifa oliza mala woykko wondafe dukkiza mala;

ዬ ማጻፋ 32:10

Iitatas tuggay daro; gido attiin GODAAN ammanettizayta maaroteththi dooddees.

ዬ ማጻፋ 16:4

Wordo xoossata kaallizayti bantta bolla meto darseettes. Gido attiin tani eeqa xoossatas shukkike; isttas sunththaaka xeygikke.

ኢሳያሳ ቲንቢቴ 9:18

Deraa iitateththi kindichchonne agunth xuuggiza tama mala; dhippi gida woray xuugettishin keziza cuwa tuussa mala sitti giidi pude kezees.

ኣሞጼ ቲንቢቴ 4:9

«Intte kaththa melissiza harge ta kiittadis; intte intte atakiltenne woyne miththata, balasenne wogara miththata ubbaa booley mides; gido attiin intte haa taakko simmibeekketa» gees.

ኣሞጼ ቲንቢቴ 4:10

«Ta kase Gibxe biitta bolla yeddida iita hargeza mala harge intte bolla yeddadis; intte naateththa nayta mashshan hayqqana mala ooththadis; intte paratakka di7ettana mala ta ooththadis; intte dizason hayqqida asa aha xinqqoy intte siidhe tuccides; intte gidikko haa taakko simmibeekketa.

ኢምባቆ ቲንቢቴ 2:13

Asa oosoy ubbay taman xuugettana mala dereykka mela daaburana mala GODAY Ubbaafe Wolqqama Xoossay ubbaa woththibeennee?

ኤርማሳ ቲንቢቴ 17:4

Ne mooro gaason ta nees immida xinxxozappe ne mela attana; nena tani ne erontta biittan ne morkketas ayllesana. Gaasoykka mernaas tama mala eexxiza ta hanqoza ne denththeththadasa» gees.