ኢሳያሳ ቲንቢቴ 5:26 - Geeshsha Maxaafa

²⁶ GODAY haakon de7iza kawoteththatas malaata dhoqqan essees; sa7a gaxan de7iza morkketaska wayqees; isttika eeson bichcharishe puttu gaana.

ጋሞ ማጻፋ

²⁶ ጎዳይ ሃኮን ዴኢዛ ካዎቴታስ ማላታ ቃን ኤሴስ፤ ሳኣ ጋጻን ዴኢዛ ሞርኬታስካ ዋይቄስ፤ ኢስቲካ ኤሶን ቢቻሪሼ ፑቱ ጋና።

ኢሳያሳ ቲንቢቴ 5:26 Referans Kwoze

ዛካራሳ ቲንቢቴ 10:8

Tani istta wayqeththan xeygada issi bolla shiishshana; tumappe ta istta wozzana; kase mala ta istta darsana.

ኢሳያሳ ቲንቢቴ 7:18

He wode GODAY haako biittan diza Gibxe shaafappe udunxxeta, Asoore biittafe maththata wayqeththan xeygana.

ኢሳያሳ ቲንቢቴ 18:3

Intteno sa7a bolla diza as ubbatoo! zumata bolla malatay kaqettishin intte be7ana; zayey punettishin intte siyana.

ዛሬ ማጻፋ 28:49

GODAY ne istta qaala erontta kawoteth haako dereppe ne bolla ehana; isttika golle kafo mala ne bolla wodhdhana.

ኢሳያሳ ቲንቢቴ 11:12

Kawoteththatas malaata essana; dhoqqu ooththidi denththana; Isra7eeleppe goodetti bidayta zaari ehana; laalettida Yuhuda asaa oyddu bagga biitta gaxappe izi shiishshana.

ሚልካሳ ቲንቢቴ 1:11

Awa arshey kezizasoppe doommidi arshey wullizaso gakkanaas ta sunththay dere ubbaa giddon bonchchettana; beettooson ubbaan ta sunththas exaaneynne geeshsha yarsho asay shiishshana; ta sunththi asa ubbaa achchan bonchchettana.

ኢምባቆ ቲንቢቴ 1:8

Istta paray maaheppeka pilata; omarsa kana suytetappeka menxe iita; istta toga asaykka too pilatanne haahoppe yizayta. Baqqi ekkidi eleliza golle kafo mala piradhdheettes.

ኢዩኤሌ ቲንቢቴ 2:7

Ola qarata mala gede sinththe beettes; olanchchata mala dirsa bollara guppi aadhdhana; wurikka sitti giidi gede sinththe baana; ba biza ogeppe hara oge beettenna.

ኤርማሳ ዚላስ 4:19

Nuna gooddizayti salora paalliza gollefe aadhdhi eesoteettes; istti nuna zuma bollara gooddida; bazzon nuna zuggi naagida.

ኤርማሳ ቲንቢቴ 51:27

«Biitta ubbaa bolla bandira denththite; kawoteththata giddon zaye punnite; kawoteththata izi bolla olas giigsite; Araraate, Minaanenne Ashkenaaze kawota olas izi bolla xeygi shiishshite; ola gadawa izi bolla shuumite; boole wude mala parata izi bolla yeddite.

ኤርማሳ ቲንቢቴ 5:15

GODAY inttena, «Intteno Isra7eele asatoo! Tani intte bolla haaho biittafe issi kawoteth ehana. Izi wolqqamanne beniisofe diza kawoteththa. Iza qaalay inttes erettenna; iza haasayay inttes gelenna.

ኤርማሳ ቲንቢቴ 4:13

Be7ite! Morkkey shaara mala biitta kumides; iza para-gaaretikka gote carko mala yeettes; iza paratikka golle kafota mala eesoteettes; aayye ana nu dhayana goos!

ኢሳያሳ ቲንቢቴ 39:3

Hessafe guye nabe Isayaasi kawo Hizqiyaasakko yiidi, «Ha asati nena ay gidoo? Istti neekko awappe yidoo?» gi oychchides. Hizqiyaasikka zaaridi izas, «Ha asati taakko haako biittafe Baabilooneppe yida» gides.

ኢሳያሳ ቲንቢቴ 30:16

Qasseka, ‹Chii! Nuni paran utti baqatana› gideta; hessa gishshas intte baqatana. Zaaridikka intte, ‹Nuni pilata paran kessi ekki baana› gideta; hessa gishshas inttena yedeththizayti pilatata gidana.

ኢሳያሳ ቲንቢቴ 13:5

GODAYNNE izi ba hanqo polisanaas go7ettiza miishshati biitta ubbaa dhayssanaas haaho biittafe salota gaxappe yida.

ኢሳያሳ ቲንቢቴ 13:2

aykkoy baynda mela diza zumbulla bolla malata essite; intte qaala dhoqqu histti waassite; istta shuumeta pengera gelana mala malata bessite.

ዬ ማጻፋ 72:8

Abbafe biidi abba gakkanaas, Efiraaxise Shaafaappe sa7a gaxa gakkanaas izi haarana.

ዬ ማጻፋ 60:4

Nees yayyizayti bantta morkketa wondafeppe attana mala malata immadasa.

ኢሳያሳ ቲንቢቴ 10:3

Inttena xomosiza wode intte awa gelandetii? Haakoppe bashshi yiza wode ay hanandetii? Maado demmanaas oonakko baqatandetii? Intte aqota awan qottandetii?

ኢሳያሳ ቲንቢቴ 13:3

Ta xoonon ufayettizayta ta geeshshata azazadis; ta hanqo istti polana mala ta olanchchata xeygadis.

ኢሳያሳ ቲንቢቴ 13:4

Daro derey wocamiza mala zumata bolla wocamiza wocamaa siyite! Kawoteththata giddon metottida derey gugumiza gugunththaa siyite! Ubbaafe Wolqqama GODAY olanchchata olas salfisides.

ኢሳያሳ ቲንቢቴ 31:9

Mino miixay shiro gaason kundana; ola gadawatikka ola bandira be7idi dagaman kumana» gees tamay Xiyoonen, tama coocey Yerusalaamen diza GODAY.

ሂዚቄላ ቲንቢቴ 38:17

«Ubbaa Haariza GODAY, ‹Ta beni wode ta aylle Isra7eele nabeta baggara iza gishshas yootida he bitaney nena gidikkii? Istti he wode tani nena istta bolla ehanayssa daro layththatan tinbite yootida› gees.