ኢሳያሳ ቲንቢቴ 49:21 - Geeshsha Maxaafa

²¹ Neni ne wozinan, ‹Hayta taas yeliday oonee? Tani ceecizaadenne maynne; tani goodettidaadenne ixettidaade gida dishin haytantta dichchiday oonee? Tani tarkka attadis shin histtiin haytanti awappe yidoo?› gaasa» gees.

ጋሞ ማጻፋ

²¹ ኔኒ ኔ ዎዚናን፥ ‹ሃይታ ታስ ዬሊዳይ ኦኔ? ታኒ ጬጪዛዴኔ ማይኔ፤ ታኒ ጎዴቲዳዴኔ ኢጼቲዳዴ ጊዳ ዲሺን ሃይታንታ ዲቺዳይ ኦኔ? ታኒ ታርካ ኣታዲስ ሺን ሂስቲን ሃይታንቲ ኣዋፔ ዪዶ?› ጋሳ» ጌስ።

ኢሳያሳ ቲንቢቴ 49:21 Referans Kwoze

ጋላቲያ ኣሳስ 3:29

Intte Kirstoosayta gidikko intte Abrahaame zereththata; kase imettida hidota qaalaa mala intte laattanayta.

ኦሮሜ ኣሳስ 11:24

Intte bazzo wogara miththafe qanxxetti kase intte medheteththafe gidontta lo7o miththan intte gelana dandaykko koyroppe ba medheteththa haggata gididayti heyti kase iza bolla diza wogara miththaan simmi geloy isttas waani hanennee?

ኢሳያሳ ቲንቢቴ 64:10

Ne geeshsha katamati aykkoy baynda bazzo gidida; Xiyoonakka aykkoy baynda bazzo biitta gidadus; Yerusalaameykka yegetta attadus.

ኢሳያሳ ቲንቢቴ 62:4

Hayssafe guye neni, «Azinay yeggi aggidaaro» geetettaka. Qasse ne biittayakka, «Yegetta attidaaro» geetettuku. Gido attiin, «Ta ufayssi izinna» geetettana; ne biittayakka, «Azinay dizaaro» geetettana; GODAY nenan ufayettana; ne biittayakka azinara dizaaro gidana.

ኢሳያሳ ቲንቢቴ 60:15

«Hanne ixettada yegettidaaree, oonikka ne giddora kanththi bizaaro gidontta aggikokka tani nena mernaa ceeqossinne yeleta ubbaas ufays histtana.

ኢሳያሳ ቲንቢቴ 52:2

Hanne Yerusalaame, denda; gudullaa pitta; ne araatan utta. Di7ettida Xiyoone nayee, ne qoodhen qashettida sansalata kessa yegga.

ኢሳያሳ ቲንቢቴ 5:13

Histtiin ta Derey akeeka dhayda gishshas di7etti baana; istta shuumeti koshan hayqqana; istta dere asaykka haaththa saamon xuugetti hayqqana.

ኢሳያሳ ቲንቢቴ 3:26

Xiyoone pengeti kallo gaden wodhdha uttada yeekkiza maccassa mala yeekkananne zilalana.

ኢሳያሳ ቲንቢቴ 1:8

Xiyoone naya woyne miththa giddon diza gaabba mala, lelehe giddon diza qeeri keeththa malanne morkkey giddoththida katama mala gidadus.

ሉቃሳ ሚሺራቾ 21:24

Bagga asay mashshan hayqqana; ba dereppe hara dere di7ettana; Yerusalaameykka Xoos erontta dereta wodey polettana gakkanaas, Xoos erontta asatan yedhettidaaro gidana.

ኢሳያሳ ቲንቢቴ 27:10

Gimbettida katamaya kayzadus; bazzo biitta mala olettidaso gidadus; marati heen heemettidi heen ichchana; izi haggatakka poqqi maana.

ኢሳያሳ ቲንቢቴ 29:23

Bantta giddon ta kushe ooso gidida bantta nayta be7ishe ta sunththaa geeshshateththan naagana; istti Yaaqoobe Geeshshaza geeshshateth erana; Isra7eele Xoossaa sinththan yashshateththan eqqana.

ኢሳያሳ ቲንቢቴ 60:8

«Haraphphey ba aqizaso biza malanne shaara mala bizayti haytanti oonee?