ኢሳያሳ ቲንቢቴ 49:2 - Geeshsha Maxaafa

² Ta inxarsaa giththa mashsha mala qarasides; ba kushe kuwan tana genththides; izi tana hoxe yiishsha mala ooththides; histtidi ba kooho giddon tana qottides.

ጋሞ ማጻፋ

² ታ ኢንጻርሳ ጊ ማሻ ማላ ቃራሲዴስ፤ ባ ኩሼ ኩዋን ታና ጌንዴስ፤ ኢዚ ታና ሆጼ ዪሻ ማላ ኦዴስ፤ ሂስቲዲ ባ ኮሆ ጊዶን ታና ቆቲዴስ።

ኢሳያሳ ቲንቢቴ 49:2 Referans Kwoze

Ibirawe 4:12

Xoossa qaalay paxa dizayssanne ooththiza qaala; nam7u bagga qara mashshafekka aadhdhi qara; shempponne ayana, shayanne koldzeka shaakkana gakkanaas caddees; wozina qofaanne amoteththaaka paacci xeellees.

ዮሃኒሳ ኣጁታ 1:16

Izi ba ushachcha kushen laappun xoolintteta oykki uttides; iza doonappe nam7u baggara qara mashshay kezees; iza ayfesoy arshe mala xolqettees.

ኢሳያሳ ቲንቢቴ 50:4

Ubbaa Haariza GODAY taas inxarsa erateth immides; hessa gishshas daaburanchchatas ta ay gaana bessizaakko ta erays; maalado maalado tana beegoththees; tamaarshe diza tamaare mala siyanaas ta hayth doyees.

ኢሳያሳ ቲንቢቴ 51:16

Tani ta qaala ne doonan woththadis; ta kushe kuwan kammadis; salota istti dizason woththiday, biittas yoch yeggiday, Xiyoono, ‹Ne ta dere› giday Tana» gees.

ዮሃኒሳ ኣጁታ 2:12

Phergamoone Woosa Keeththa kiitanchchaas, «Hayssi nam7u baggara qara mashsha oykkidayssafe yootettidayssa.

ኤርማሳ ቲንቢቴ 1:18

«Hach tani nena ha biitta ubbaa bolla, Yuhuda kawota bolla, halaqata bolla, qeeseta bollanne ha biitta asaa bolla ne eqetta dandayana mala gimbettida katama, birata tuussinne xarqimalappe oosettida birata dirsa mala ooththadis.

ኢሳያሳ ቲንቢቴ 11:4

Gido attiin hiyeesatas xillo pirdana; sa7a bolla manqotas suure pirdana; ba inxarsaa xam7an sa7a shocana; ba doona peenon iitata wodhana.

ሆሴኤ ቲንቢቴ 6:5

Hessa gishsha s tani ta nabeta baggara inttena qanxxereththadis; ta doonappe ke7iza qaalan ta inttena wodhadis. Ta pirdayka intte bolla wolqqanththa mala poo7ides.

ዬ ማጻፋ 91:1

Ubbaafe Dhoqqa GODAAN zemppi de7izay, ubbaa dandayza Xoossa kuwan aqees.

ዮሃኒሳ ኣጁታ 19:15

Ayzaabeta izara qanxxiza qara mashshay iza doonappe kezees; izi istta birata guufera haarana; izi wursika dandayza Xoossaa mino hanqo qonccisiza woyne cajje yedhdhizason istta yedhdhana.

ሉቃሳ ሚሺራቾ 23:46

Yesusikka keehi waassidi, «Ta aawawu! Tani ta shempo ne kushen immays» gida mala shempo kezides.

ኢሳያሳ ቲንቢቴ 42:1

GODAY, «Tani kaafa oykkida ta ashkaray, ta izan ufayettiza muurutay hayssa; tani ta Ayana iza bolla woththadis; izi kawoteththatas suure pirda ehana.

ኤፌሶኔ ኣሳስ 6:17

Atoteth birata qoobe mala hu7en woththite; Ayana giththa mashsha oykkite; hessika Xoossa qaala.

ዮሃኒሳ ኣጁታ 2:16

Hessa gishshas maaroteththan gela; akkay giikko tani eeson neekko baada nena ta doonappe keziza mashsha misatiza qaalara olana.

ኬሳ ማጻፋ 33:22

Ta bonchchoy aadhdhi biza wode tani nena zaalla za7a giddon woththana. Aadhdhana gakkanaas ta kushen nena kammana.

ኢሳያሳ ቲንቢቴ 50:10

Intte giddofe GODAAS yayyizay, iza ayllaa qaalas azazettizay oonee? Hessaadey dhuman bizaa gidikkonne poo7oy izas baynda aggiko izi GODAA sunththan ammanetto; ba Xoossankka zemppo.

ኢምባቆ ቲንቢቴ 3:11

Ne pirisa yeddida ne yiishshatappenne xolqettiza ne toora poo7oppe dendidayssan arsheynne aginay ba dizason eqqi attida.