ኢሳያሳ ቲንቢቴ 48:17 - Geeshsha Maxaafa

¹⁷ GODAY nena Wozzida Isra7eele Geeshshay, «Tani GODAA ne Xoossay, nena go7izaaz tamaarsizayssa, baanaas bessizaa ogera nena kaaleththizay tana.

ጋሞ ማጻፋ

¹⁷ ጎዳይ ኔና ዎዚዳ ኢስራኤሌ ጌሻይ፥ «ታኒ ጎዳ ኔ ጾሳይ፥ ኔና ጎኢዛዝ ታማርሲዛይሳ፥ ባናስ ቤሲዛ ኦጌራ ኔና ካሌዛይ ታና።

ኢሳያሳ ቲንቢቴ 48:17 Referans Kwoze

ዬ ማጻፋ 32:8

GODAY, «Tani nena tamaarsana; neni baanaas bessiza ogekka nena erisana; tani nena zorananne naagana.

ዬ ማጻፋ 25:12

GODAAS yayyiza asi oonee? Ne doorada baana ogeza izi nena tamaarsana.

ኢሳያሳ ቲንቢቴ 30:20

GODAY inttes waaye kaththinne meto haath immikokka hayssafe guye intte astamaarey inttefe qotettenna; intte ayfetikka intte astamaareza be7ana.

ዬ ማጻፋ 73:24

Ne zoren tana kaaleththadasa; hessafe guye neni tana bonchchos efana.

ኢሳያሳ ቲንቢቴ 54:13

Ne attuma nayti ubbay GODAAPPE tamaardayta gidana; ne nayta saroteththika darana.

ኢዮቤ ማጻፋ 36:22

«Xoossa wolqqay ay mala gitakko akeeka; Xoossi ubbaafe aadho astamaare.

ዮሃኒሳ ሚሺራቾ 6:45

Nabeta maxaafatan asay wuri Xoossafe tamaardaade gidana geetetti xaafettides. Hessa gishshas Aawappe siyidi tamaarda asi wuri taakko yaana.

ሚኪያሳ ቲንቢቴ 4:2

Daro kawoteththati izakko yiidi, «Xoossa zumaakko haa yiite; Yaaqoobe Godaakko ane boos; nu iza ogera baana mala nuna izi ba oge tamaarsana» gida; wogay Xiyooneppe, Xoossa qaalay qasse Yerusalaameppe yaana.

ዬ ማጻፋ 71:17

Abeet Xoossawu! Neni tana yelagateththafe doommada tamaarsadasa; tanikka hanno gakkanawu malalisiza ne oosoza awajjays.

ኤርማሳ ቲንቢቴ 6:16

GODAY, «Daggala oge bolla eqqi xeellite; beni ogeyo oychchite; Lo7o ogey awaarii? Izira biite; intte intte shemppos shemppo demmana; intte gidikko, ‹Nu izira bookko!› gideta.

ኢሳያሳ ቲንቢቴ 54:5

Nena medhdhidayssi nees azina; iza sunththayka Ubbaafe Wolqqama GODAA. Nena wozziday Isra7eele Geeshsha; izi biitta ubbaa Xoossa geetettees.

1ካዎታ ማጻፋ 8:36

Histtada ne ashkara Isra7eele deraa nagara atto ga; istti hemettanaas bessiza lo7o oge istta tamaarsa; hessafe guye neni ne deraa laatissida biittan ira bukisa.

ኢሳያሳ ቲንቢቴ 43:16

Abbaa giddora oge, wolqqama haaththa giddora aadhdhizaso kessida GODAY,

ኢሳያሳ ቲንቢቴ 2:3

Daro asay yiidi, «Wogay Xiyooneppe, GODAA qaalay Yerusalaameppe keziza gishshas haa yiite! GODAA zumaa, Yaaqoobe Xoossaa Keeth ane pude kezoos. Izi koyzayssaththo nuni baana mala izi nuna ba oge tamaarsana» gaana.

ኤፌሶኔ ኣሳስ 4:21

Ee tumukka intte iza gishshas siyidetanne Yesusan diza tumaa izappe tamaardeta.

ኢሳያሳ ቲንቢቴ 49:7

Kadhettidayssassinne kawoteththan ixettidayssas, dere haarizayta ashkara gidida nees, GODAY, Isra7eele ashshiza Geeshshay, «Kawoti nena be7idi dendi eqqana; kawo nayti nena be7idi nees ziggana; gaasoykka nena doorida GODAY, Isra7eele Geeshshay ammanettidaade» gees.

ኢሳያሳ ቲንቢቴ 48:20

Baabiloone biittafe kezite; Baabiloone asaappe baqatite! Hayssa ililisan erisite; awajjite; biitta gaxa gakkanaas yootite; «GODAY ba ashkaraa Yaaqoobe wozzides» giite.

ኢሳያሳ ቲንቢቴ 43:14

GODAY inttena wozziza Isra7eele Geeshshay, «Intte gishshas Baabiloone bolla olanchchata kiittana; istti ceeqettiza markabetan, Baabilooneta ubbaa beettana mala ooththana.

ሜቴ ማጻፋ 24:48

Hessafe guye tani gulbatada GODAAS goynnadis; tani GODAA ta godaa Abrahaame Xoossa, ta godaa isha nayo iza nees ekkanaas tana likke oge kaaleththidayssa galatays.

ኢሳያሳ ቲንቢቴ 28:9

Istti, «Izi oona tamaarsizee? Kiitaakka oos qonccisizee? Maath aggida naytasseyee dhanththa duuso naytassee?

ኢሳያሳ ቲንቢቴ 30:21

Intte hadirs woykko ushach giikko intte guyera, «Ogezi hayssa; izara biite» gizayssa intte hayththi siyana.

ኢሳያሳ ቲንቢቴ 41:14

Nenoo guxunezoo Yaaqoobe, nenoo qeeri Isra7eele, ‹Yayyofa tani nena maaddana› gees. Nena wozzizay Isra7eele Geeshshaza.

ኢሳያሳ ቲንቢቴ 45:11

«Isra7eele Geeshshay, iza medhdhida GODAY sinththafe hanana hanota gishshas, ‹Ta nayta gishshas tana oychcheetii? Ta kushe oosota gishshas azazeetii?

ኢሳያሳ ቲንቢቴ 49:26

Nena un7eththizayti banttarkka ba asho maana; woyne ushshan maththottiza mala banttarkka ba suuththan maththottana; hessafe guye asa zereth ubbay, tani GODAA, nena Ashshizayssa, nena wozzizayssanne Yaaqoobe Wolqqama gididayssa hessan erana» gees.

ኢሳያሳ ቲንቢቴ 54:8

Ta guuththa wodes keeha hanqettida gishshas, ta ayfeso neeppe genththadis; gido attiin ta mernaa kiyateththan nees qadhettana» gees nena Wozziza GODAY.

ኢያሶ ማጻፋ 3:4

Intte kase he ogera bi erontta gishshas intte baana oge istti inttena bessana; gido attiin Caaqo Qaalaa Taabotaakko shiiqopite; Caaqo Qaala Taabotaappe 2,000 wadha gidizayssa mala haahon eqqite» gi azazo immida.