ኢሳያሳ ቲንቢቴ 48:10 - Geeshsha Maxaafa

¹⁰ Be7a bira mala gidontta aggikokka nena gaccadis; tama mala meton paaccadis;

ጋሞ ማጻፋ

¹⁰ ቤኣ ቢራ ማላ ጊዶንታ ኣጊኮካ ኔና ጋጫዲስ፤ ታማ ማላ ሜቶን ፓጫዲስ፤

ኢሳያሳ ቲንቢቴ 48:10 Referans Kwoze

1ጴጽሮሳ ኪታ 4:12

Ta siiqotoo! Intte tama mala paacciza meto giddon geliza wode hessa malay kase baynda ooraththa miishshi gakkidaaz inttes misatiin malalettofte.

ሌሚሶ ማጻፋ 17:3

Worqqaynne biray taman paacettizayssa mala GODAY asaa wozina pilggi xeellees.

ኢዮቤ ማጻፋ 23:10

Izi ta tanggo ubbaa erees; tana izi paaccikokka tani worqqa mala geesh gida dishin izi tana demmana.

ዬ ማጻፋ 66:10

Abeet Xoossawu! Neni nuna paacca xeelladasa; bira seerisi geeshshiza mala nuna geeshshadasa.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

ኤርማሳ ቲንቢቴ 9:7

Hessa gishshas Ubbaafe Wolqqama GODAY, «Tani istta birata mala paaccada seerisa geeshshana. Ta deraa nagara gishshas ta hayssafe hara ay ooththana dandayazinaa?

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ዛሬ ማጻፋ 4:20

Intte gidikko tamay izan eexxiza birata cooce misatiza Gibxeppe inttena GODAY shoddi kessiday intte izas dumma dere gidana malassa.

ሂዚቄላ ቲንቢቴ 20:38

Ta bolla makkallidaytanne tana qohidayta tani intte giddofe diggana; ha7i istti diza biittafekka ta istta kessana; gido attiin istti Isra7eele biitta gelettenna. Tani GODAA gididayssa intte he wode erana» gees.

1ካዎታ ማጻፋ 8:51

Gaasoykka istti birata seerisiza itoone tama mala gidida Gibxe biittafe neni nees shaakka kessida ne deretanne ne xinxxota.

ኢሳያሳ ቲንቢቴ 27:9

Yaaqoobey yarsho yarshizaso shuchchata booqintta shuchcha mala gaacci liiqisishin Asheero geetettiza eeqa xoossay mislenne exaane cuwasiza sohota istti dizasohotappe shoddi olishin he gallas mooroy atto geetettana; hessi izi ba nagara diggoyssas kumeththa ayfe gidana.

ኤርማሳ ቲንቢቴ 11:4

« ‹Hayssi azazozi beni intte aawata Gibxe biittafe, birata seerisiza cooceppe kessiza wode ta qaala siyidaakko, ta azazo naagidaakko istti ta nayta; tani istta GODAA gidana mala tani isttas immida qaala.

ኢዮቤ ማጻፋ 28:1

«Tumappe biitta garsan diza ma7idineti bookettidi bira ke7izasoynne worqqay seeri oosettizasoy dees.