ኢሳያሳ ቲንቢቴ 47:14 - Geeshsha Maxaafa

¹⁴ Hekko istti happa mala; tamay istta maana. Tamaa lacoppe dendidayssan bana ashshanaas dandayettenna. Asi ho7ana bonqqoy deenna; uttidi ho7ana tamaykka deenna.

ጋሞ ማጻፋ

¹⁴ ሄኮ ኢስቲ ሃፓ ማላ፤ ታማይ ኢስታ ማና። ታማ ላጮፔ ዴንዲዳይሳን ባና ኣሻናስ ዳንዳዬቴና። ኣሲ ሆኣና ቦንቆይ ዴና፤ ኡቲዲ ሆኣና ታማይካ ዴና።

ኢሳያሳ ቲንቢቴ 47:14 Referans Kwoze

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ናሆሜ ቲንቢቴ 1:10

Istti agunththan qaxettana; ba woyne ushshan istti maththottana; tamay istta buuxa mala maana.

Maatosa 10:28

Asho wodhikkofe attiin shempo wodhanaas dandayonttaytas babbofte; hessafe ashonne shempo gaththi Gaanname taman dhayssanaas dandayzayssas babbite.

ሂዚቄላ ቲንቢቴ 15:7

Tani ta ayfeso iitateththan istta bolla zaarana; istti tamappe kessi ekki attidaa gidikkoka buro istta tamay maana; tani ta sinth iitateththan isttako zaariza wode tani GODAA gididayssa intte erana.

ኢሳያሳ ቲንቢቴ 41:2

Arshey mokkiza baggafe issaa denththiday, xilloteththan baas haggazissana xeygiday oonee? Izi kawoteththata izas aaththi immees; izi istta giththa mashshan biitta kessides; ba wondafen carkoy laallida suulla mala kessides.

ኢሳያሳ ቲንቢቴ 10:17

Isra7eele Poo7oy tama gidana; Geeshshazikka tama laco gidana; issi gallassan iza agunththaanne kindichchoza tamay maana.

ዮሃኒሳ ኣጁታ 18:21

Hessafe guye issi mino kiitanchchay wolqqama woxa shuch misatiza issi shuch denththidi, «Gita katamaya Baabiloona hessaththoka wolqqara sugettada kundana; hayssafe guye mulekka beettuku.

Maatosa 16:26

Asi alamen dizaaz kumeth haaridi ba shempo dhayssiko iza ay maaddanee? Woykko asi ba shempo gishshas qanxxana dandayzaazi aazee?

ኣብዲዩ ቲንቢቴ 1:18

Yaaqoobe zereththati tama mala, Yooseefe zereththati tama laco mala gidiin Eesawe zereththati uttula mala gidana; tamay uttula miza mala Yaaqoobe zereththatinne Yooseefe zereththati Eesawe zereththata dhayssana.

ኢዩኤሌ ቲንቢቴ 2:5

Para-gaare giirissa mala giiris sissishe zumata bollara guppeettes; tamay buura miza mala beettida miishsha ubbaa xuuggana; giigettida mino olanchchata salfe mala giireettes.

ኤርማሳ ቲንቢቴ 51:58

GODAY Ubbaafe Wolqqama Xoossay, «Gubbay dalga gidida Baabiloone gimbetti laalettana; dhoqqu gida izi pengetikka taman xuugettana; asay hada daaburees; kawoteththata daaburay tamas xalla gidana» gees.

ኤርማሳ ቲንቢቴ 51:32

Shaafa pinniza purdeti oykettidayssa, shaafa matan diza miixati xuugettidayssa, istta wottadarati babon bul7akettidayssa, dagammidayssa yootanaas woxeretteettes» gees.

ኤርማሳ ቲንቢቴ 51:30

Baabiloone olanchchati ola aggida; bantta miixan uttida; isttas wolqqay wurides; istti maccassa mala gidida; istta keeththatikka xuugettida; izi penge kolatati meqerettida.

ኢሳያሳ ቲንቢቴ 40:24

Istti tokettidi gam7ontta dishin, zerettidi takkontta dishin, buro xapho yeddontta dishin istta bolla carko yeddiin melida; gotey istta suulla mala pitti efides.

ኢሳያሳ ቲንቢቴ 30:14

Meqerettoyssa giddofe tama bonqqo kaashiza kon7ay, haaththe duuqqiza kon7ay dhayanaashe gakkanaas, aykkoyka attontta tiifettiza mana miishsha mala tiifettana» gees.

ኢሳያሳ ቲንቢቴ 5:24

Istti Ubbaafe Wolqqama GODAA wogaa ixxida gishshas, Isra7eele Geeshshaa qaalaakka kadhida gishshas, tama lacoy buuxa oykkiza malanne mela maatay eexxi dhayza mala istta xaphoy wooqqana; istta ciishshayka buhe mala laaletti dhayana;

ኢሳያሳ ቲንቢቴ 33:14

Xiyoonen diza nagaranchchati dagammida; Xoossi isttas bayndayti babbidi, «Nu garsafe xuuggiza tamara daana dandayzay oonee? Mernaa tamara daana dandayzay oonee?» gida.

ኢሳያሳ ቲንቢቴ 44:16

Bagga miththaa eeththees; iza bollaka quma kaththees; asho izan xiixidi kalli mees; tamaza ho7ishe, «Eroshsho tana ho7ides; tamazikka taas beettees» gees.

ኬሳ ማጻፋ 5:12

Histtiin asay uttula shiishshanaas Gibxe biitta ubbaan laalettides.