ኢሳያሳ ቲንቢቴ 46:11 - Geeshsha Maxaafa

¹¹ Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

ጋሞ ማጻፋ

¹¹ ኣርሼይ ሞኪዛ ባጋፌ ቦንቂዛ ኣርጋን፥ ሃሆ ቢታፌ ታ ቆፋ ፖሊዛ ኣስ ታኒ ጼይጋና። ታ ዮቲዳይሳ ታ ኦና፤ ታ ሃልቺዳይሳ ታ ፖላና።

ኢሳያሳ ቲንቢቴ 46:11 Referans Kwoze

ታይቦ ማጻፋ 23:19

Xoossi asa mala wordotenna; iza qofay asa qofa mala laamettenna; izi ba immida hidota ubbaa polees; izi ba yootida ubbaa ooththees.

ኢዮቤ ማጻፋ 23:13

«Izi barkka bana danday dees; izara eqettanay deenna; izi ba dosidayssa ubbaa ooso dandayees.

ኢሳያሳ ቲንቢቴ 41:2

Arshey mokkiza baggafe issaa denththiday, xilloteththan baas haggazissana xeygiday oonee? Izi kawoteththata izas aaththi immees; izi istta giththa mashshan biitta kessides; ba wondafen carkoy laallida suulla mala kessides.

ኤፌሶኔ ኣሳስ 1:11

Wursika ba shene mala ooththiza iza shenen koyrokka izi qoppi woththidayti nuni izan doorettidos.

ሃዋሬታ ኦሶ 5:39

Xoossafe gidikko qasse intte istta teqqanaas dandayekketa; oonee erizay intte Xoossara ooyettishe beettanakko» gides.

ኢሳያሳ ቲንቢቴ 38:15

Histtiin ta ay gaanee? Izi ba hu7era taas yootides; qasseka ba hu7era hayssa ooththides; Ta shemppoya keehippe ceecida gishshas, ta de7o layth ubbaan ashketeththan baana.

ኢዝራ ማጻፋ 1:2

Paarise kawo Qiroosi awajjan kessida azazoy, «GODAA Salo Xoossay tana biitta kawoteththata ubbaa ayssana maata taas immides; Yuhuda biittan diza Xoossa Keeth Yerusalaamen ta izas keexxana mala azazides.

ኤፌሶኔ ኣሳስ 3:11

Xoossi nu Godaa Yesus Kirstoosa baggara hayssa poliday ba mernaa qofaa mala.

ኤርማሳ ቲንቢቴ 50:45

Hessa gishshas GODAY Baabiloone bolla halchchida halchcho, Baabiloone biitta bolla qoppida qofaa siyite! guuththa wudey gooshetti baana; istta gaason heemmizasohoza mulera dhayssana.

ኢሳያሳ ቲንቢቴ 41:25

«Tani pudeha baggafe issaa denththadis; izikka yees. Arshey mokkiza baggara yizayssi ta sunththaa xeygizayssa; manay urqqa yedhdhiza mala izi kaaleththizaytakka yedhdhees.

ዬ ማጻፋ 119:24

Ne markkateththati tana ufaysseettes; isttika tana zoreettes.

ዬ ማጻፋ 76:10

Neni as hanqikokka hessi ne bonchchos gidees; olappe attidayti ne ba7aale bonchchana.

ሃዋሬታ ኦሶ 4:28

Hayssanka ne wolqqaninne ne shenen kase ne qoppidayssa istti polida.

ሂዚቄላ ቲንቢቴ 39:4

Neni, ne olanchchatinne nenara diza kawoteththati ubbay Isra7eele zumata bolla kundana; tani intte ashoza puuzi miza ankkotassinne wora do7atas maana mala aaththa immana.

ኤርማሳ ቲንቢቴ 50:29

«Wondafen olizayta Baabiloone bolla xeygite; issaadeyka kessi ekki bontta mala istta giddoththidi dunkaanite; GODAA Isra7eele geeshshaa kawushshida gishshas izi ooso mala izis zaarite; iza harata bolla ooththidayssaththo izi bolla ooththite.

ኢሳያሳ ቲንቢቴ 45:13

Tani Qiroose xilloteththan denththana; iza oge ubbaa giigsana; ta katamayo izi zaari essana; di7ettida ta asaa miish qanxxisontta coo izi mela yeddana› » gees GODAY Ubbaafe Wolqqama Xoossay.

ኢሳያሳ ቲንቢቴ 44:28

Qiroosekka, ‹Izi ta heenththanchcha; izi ta shene polana› gaana; Yerusalaameykka, ‹Simma eqqu› gaana; Xoossa Keeththaas, ‹Iza yochchi yegetto› gaana» gees.

ዮሃኒሳ ኣጁታ 16:12

Usuppunththa kiitanchchay qasse ba xuu7aza wogga Efiraaxise shaafan gussides; arshey mokkiza baggafe yaana kawotas oge giigsana mala shaafazi melides.

ኢሳያሳ ቲንቢቴ 18:6

Istti ubbayka zuma bolla diidi baqqi miza kafotassinne bazzo do7atas attana; kafoti bone kumeth mishe shaaccana; bazzo do7ati balgo ubbaan mishe shaaccana.

ኢሳያሳ ቲንቢቴ 22:25

GODAY Ubbaafe Wolqqama Xoossay, «He gallas ammanththizason eqqida dhishkey shodettana; meqqi wodhdhana; iza bolla kaqettida ubbay kundidi meqerettana» gides; hayssa GODAY yootides.

ኢሳያሳ ቲንቢቴ 37:26

«Tani daro wodeppe kase qachchidayssa, ta beni halchchidayssa ne siyabeekkii? Ha7i gidikko polettana mala ooththadis; nenikka gimbettida katamata laallada shuchcha doore kessana.

ኢሳያሳ ቲንቢቴ 56:9

Intteno do7atoo, intteno wora do7atoo ubbayka haa yiite; intte achchaarakka puuzereththite.

ኤርማሳ ቲንቢቴ 44:28

Gido attiin olappe attida guuththati Gibxeppe simmidi Yuhuda gelana; he wode Gibxen daana biidi heen attida Yuhuda cashati ubbay ta qaalappenne istta qaalappe awayssi tumu gidanaakko istti erana.

ኢሳያሳ ቲንቢቴ 10:12

GODAY Xiyoone zuma bollanne Yerusalaame bolla ba ooththana ooso ubbaa polidaappe guye, «Asoore kawo iza wozina otoreteththaa gishshassinne izi kadhe ayfen xeelliza gishshas ta iza qaxxayana» gees.

ኢሳያሳ ቲንቢቴ 25:1

Abeet GODAWU! Neni ta Xoossaa. Tani nena dhoqqu dhoqqu histtana; ne sunththaaka sabbana. Gaasoykka benippe qofettidayssa malalisiza hano kumeththa ammaneteththan ooththadasa.

ኤርማሳ ቲንቢቴ 50:44

Gaammoy Yordaanoose woratappe mehe heemmiza demban kezi wodhdhiza mala tanikka Baabilooney qoppontta dishin keza wodhdhana; izi biittafe ta izo gooddana; ta dooridayssa izi bolla shuumana; ta malay oonee? tanara eqettana dandayzay oonee? tanara eqettana dandayza heenththanchchay oonee?