ኢሳያሳ ቲንቢቴ 45:9 - Geeshsha Maxaafa

⁹ «Mana miishshata giddofe bana medhdhidayssara marshettizayssas aayye ana! Urqqay bana medhdhidayssa, ‹Ne ay ooththay?› gi erizee? Ne ooththiza oosoy, ‹Nees kushey baa› gi erizee?

ጋሞ ማጻፋ

⁹ «ማና ሚሻታ ጊዶፌ ባና ሜዳይሳራ ማ ርሼቲዛይሳስ ኣዬ ኣና! ኡርቃይ ባና ሜዳይሳ፥ ‹ኔ ኣይ ኦይ?› ጊ ኤሪዜ? ኔ ኦዛ ኦሶይ፥ ‹ኔስ ኩሼይ ባ› ጊ ኤሪዜ?

ኢሳያሳ ቲንቢቴ 45:9 Referans Kwoze

ኢሳያሳ ቲንቢቴ 64:8

Gidikkoka abeet GODAWU, neni nuus aawa; nuni urqqata; neni nuna medhdhidayssa; nuni ubbayka ne kushen medhettidayta.

ኤርማሳ ቲንቢቴ 18:6

«Isra7eele asawu! Manazi ooththizayssaththo ta inttena ooththanaas dandaykkinaa? Isra7eele asawu! Urqqay mana kushen dizayssaththo intteka ta kushen deeta.

ኢሳያሳ ቲንቢቴ 29:16

Intte yo7ota laammi yeggeeta; manata urqqa mala xeelleeta! Medhettidayssi medhdhidayssa, «Izi tana medhdhibeenna» gizee? Mana miishshi bana medhdhidayssa, «Izi aykkoka erenna» gizee?

ኢሳያሳ ቲንቢቴ 10:15

Kalttay banan qanxxizaade bolla ceeqettizee? Magaazey bana goochchizaade bolla otorettizee? Xam7ay bana oykkida asa bolla ba hu7e qaaththana dandayzee? guufey asi baynda barkka hemetti erizee?

ሌሚሶ ማጻፋ 21:30

Asi ba eran, akeekaninne halchchon GODAARA eqettanaas dandayenna.

ኤርማሳ ቲንቢቴ 50:24

Hanne Baabiloonee! Ta nees woximade woththadis; nekka erontta dashe oykettadasa; neni GODAARA eqettida gishshas beettada oykettadasa.

1ቆሮንቶሴ ኣሳስ 10:22

Nuni Godaa hanqeththinoo? Nu izappe minnizonii?

ኢዮቤ ማጻፋ 9:12

Izi ba koyidayssa ekkiko oonikka iza diggenna; ‹Ays hayssaththo ooththay?› giidi iza oychchanaas xalizay deenna.

ኢዮቤ ማጻፋ 33:13

Histtiin, ‹Neni Xoossi asi maganiza magana siyenna› gaada ays Xoossa bolla zuuzumay?

ኢዮቤ ማጻፋ 40:2

«Iyoobee! Asi Ubbaa Dandayza Xoossara marshettidi laththana nees misatizee? Tanara Xoossara marshettizay nena gidida gishshas ane taas zaara» gides.

ኤራንቻታ ማጻፋ 6:10

Ha7i diza ubbaas kaseti sunththi imetti uttides; asi hananaazi eretti uttides; asi baappe minnizayssara baaxettenna.

ኢሳያሳ ቲንቢቴ 45:10

Ba aawa, ‹Ays tana hayssaththo yeladii?› ba aayo, ‹Ays ne hayssaththo miixattadii?› gizaades aayye ana!

ኤርማሳ ቲንቢቴ 36:29

Qasse Yuhuda Kawo Iyo7aaqemes, ‹Baabiloone kawoy tumappe yiidi ha biitta dhayssana; izin diza asaanne mehe wursana gaada ays xaafadii?› gaada xaaththa maxaafa xuuggadasa» gees GODAY gaada yoota.

ዳኔላ ቲንቢቴ 4:35

Biitta bolla diza dereti wurikka iza achchan qeeri uu7e mala; salon diza oosanchchata bollanne biitta bolla diza deraa bolla izi ba dosidaaz ooththees; iza shene digganaas dandayzaynne ‹Ne hayssa aazas ooththay?› gaanay oonikka deenna.

ኢዮቤ ማጻፋ 9:4

Xoossi eranchchanne wolqqama; oonee izara eqettidi xoonettonttay?

ኢዮቤ ማጻፋ 10:9

Mana miishsha mala ne tana biittafe medhdhoyssa qoppa; histtiin ha7i ne tana gudulla mala liiqisanee?

ኢሳያሳ ቲንቢቴ 64:7

Oonikka woosan ne sunth xeygenna; nena oykkana paaccizaykka deenna; neni ne ayfeso nuuppe genththadasa; nu nagaray nuna dhayssana mala aggadasa.