ኢሳያሳ ቲንቢቴ 45:7 - Geeshsha Maxaafa

⁷ Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

ጋሞ ማጻፋ

⁷ ታኒ ፖኦ ኦዲስ፤ ማካ ሜዲስ፤ ታ ዱሬሳይሲኔ ማንቂሳይስ፤ ሃይሳ ኡባ ኦዛ ጎዳይ ታና።

ኢሳያሳ ቲንቢቴ 45:7 Referans Kwoze

ኣሞጼ ቲንቢቴ 3:6

Katama giddon olas zayey punettishin babon kokkorontta asi di erizee? GODAA sheney baynda dishin katama bolla iita miishshi gakki erizee?

ዬ ማጻፋ 75:7

Gido attiin suure pirdizay Xoossa; izi issaa bolla pirdees; issaa xillisees.

ኢዮቤ ማጻፋ 2:10

Iyoobikka, «Waanada eeya maccassa haasaya haasayay? Xoossi lo7o miish immiza wode ufayssan ekkoos; ha7i gidikko iita izi nu bolla ehishin iza bolla zuuzumanaas bessizee?» gides. Iyoobi ha ubbaa metoynne waayey iza bolla gakkinkka izi Xoossa bolla iita miish haasaydi nagara ooththibeenna.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኢሳያሳ ቲንቢቴ 31:2

Izi gidikko aadho eranchcha; izi bash ehana; ba qaalakka laammenna; iita ooththizayta bollanne qoho ooththizayta maaddizayta bolla izi dendana.

ኤርማሳ ቲንቢቴ 31:35

Gallassan poo7isana mala arshe woththiday, omarsan poo7isana mala aginanne xoolintteta azaziday, dambalay guummana mala abba qaaththizay iza sunththay GODAA Ubbaafe Wolqqama Xoossa geetettizayssi,

ኤርማሳ ቲንቢቴ 13:16

Izi dhuma ehontta dishin dhumida zumata bolla intte tohoy dhuphettontta dishin GODAAS intte Xoossas bonchcho immite; Intte, «Poo7oy yaana» giidi naageeta; gido attiin izi dhuman laammana; sakkanna dhuma ooththana.

ናሆሜ ቲንቢቴ 1:8

Gido attiin izi Nannawe wolqqama di7o haaththan dhayssana; ba morkketa dhumay dizaso yedeththana.

ኤርማሳ ቲንቢቴ 51:20

GODAY, «Baabiloone neni ta xam7anne ola massara; nenan go7ettada tani dere ubbaa menththereththadis; qasse kawoteththatakka dhayssadis.

ሃዋሬታ ኦሶ 4:28

Hayssanka ne wolqqaninne ne shenen kase ne qoppidayssa istti polida.

ኣሞጼ ቲንቢቴ 5:6

Haa Xoossaako simmite; histtiko intte shemppora paxa de7ana; akkay giikko Xoossi tama mala Isra7eele deraa maana; Beetelen dizaytakka tamay maana; he tama toyssanay isttas beettenna.

ሂዚቄላ ቲንቢቴ 32:8

Salon poo7isiza poo7ota ubbaa, ne bolla ta dhumisana; ne biittaa bolla ta dhuma ehana› gees.

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ዬ ማጻፋ 8:3

Neni ne kushen medhdhida salota, sohon sohon neni woththida aginanne xoolintteta tani be7iza wode,

ኢዮቤ ማጻፋ 34:29

Xoossi co7u giikko oonee iza bolla pirdanay? Izi ba zokko zaarikko oonee iza beyanay?

ኬሳ ማጻፋ 14:20

Gibxe asaassinne Isra7eele naytas giddon aadhdhi eqqides. He shaaray omars issi baggara dhumisidi hankko baggara poo7isides; histtiin omars kumeth issoy issaakko shiiqana dandaybeettenna.

ዩሁዳ ኪታ 1:13

Istti yeellachchiza ba oosoza wolqqama abba dambala mala goppontto coppu histtizayta; girdi gida dhumay istta mernaas naagizayssanne coo mela waayettiza xoolintteta malakko!

ዩሁዳ ኪታ 1:6

Hessaththoka ba bonchcho naagontta ixxidi ba dizaso yeddida kiitanchchata intte yuushshi qopite; Xoossi istta gita pirdaa gallas gakkanaas mernaa qashos girdi gida dhuman naagi woththides.

ያቆቤ ኪታ 1:17

Lo7o imoteththinne kumeththa anjjoy wuri bolla salo poo7ota Aawappe wodhdheettes; iza achchan yaanne haa yuuyiza eeshoykka deenna.

2ቆሮንቶሴ ኣሳስ 4:6

Kirstoosa sinththan Xoossi ba bonchcho erateththa poo7o nuus immanaas, «Poo7oy dhuman poo7o» gida Xoossi ba poo7o nu wozinan poo7isides.

ኢዩኤሌ ቲንቢቴ 2:2

He gallassay dhumanne tulala gallassa; shaaranne sakkanna dhuma gallassa; wontta poo7oy eeson zumata gakkiza mala wolqqama booley biitta ubbaan may7ana; hessa malay hayssafe kase hanibeenna; hayssafe guyenkka wodenkka hanenna.

2ካዎታ ማጻፋ 19:25

«Daro wodeppe sinththan neni gimbettida katamata qoqofada, shuchcha keela kessana mala, tani qofa qachcha woththidayssa siyabeekkii? Beni halchcha woththidayssa ha7i polays.

ዬ ማጻፋ 105:28

GODAY dhuma kiittidi he biitta dhumisides; gido attiin Gibxe asati iza azazo ixxis gida.

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ኢሳያሳ ቲንቢቴ 47:11

Bashshi ne bolla yaana; neni wostta muurenna zaaranaakko erakka; ne qanxxo immada ne dandayontta qohoy ne bolla gakkana. Ne qoppontta metoy ne bolla dingate yaana.

ኤርማሳ ቲንቢቴ 10:16

Gido attiin Yaaqoobe qaaday heyta mala gidenna. Gaasoykka izi ubbaa medhdhidayssa; Isra7eeley doorettida dere. Iza dooridayssa sunththay Ubbaafe Wolqqama GODAA Xoossa.

ኤርማሳ ዚላስ 3:38

Iita gidiin woykko lo7o gidiin ba gidaaz polizay Ubbaafe Dhoqqa Xoossaa gidennee?

ዳኔላ ቲንቢቴ 2:22

Izi ciimma gidida xuura yo7otanne geemmidayta qonccisees; ubba wode iza matan poo7oy dees; hessa gishshas izi dhuman dizaaz erees.

ኢዮቤ ማጻፋ 10:13

«Hekko hayta ha miishshata ne wozinan qotta woththada daasa; ne qofaykka hayssa gididayssa ta eradis.

ዬ ማጻፋ 74:16

Gallassay neessa; qammayka neessa; qasse arshenne agina istti dizason minththa woththiday nena.

ኢሳያሳ ቲንቢቴ 44:24

Nena aayi ulon medhdhidi wozzida GODAY, «Ubbaa medhdhada salota tarkka piddisiday, sa7akka micciday tana GODAA.