ኢሳያሳ ቲንቢቴ 45:13 - Geeshsha Maxaafa

¹³ Tani Qiroose xilloteththan denththana; iza oge ubbaa giigsana; ta katamayo izi zaari essana; di7ettida ta asaa miish qanxxisontta coo izi mela yeddana› » gees GODAY Ubbaafe Wolqqama Xoossay.

ጋሞ ማጻፋ

¹³ ታኒ ቂሮሴ ጺሎቴን ዴንና፤ ኢዛ ኦጌ ኡባ ጊጊሳና፤ ታ ካታማዮ ኢዚ ዛሪ ኤሳና፤ ዲኤቲዳ ታ ኣሳ ሚሽ ቃንጺሶንታ ጮ ኢዚ ሜላ ዬዳና› » ጌስ ጎዳይ ኡባፌ ዎልቃማ ጾሳይ።

ኢሳያሳ ቲንቢቴ 45:13 Referans Kwoze

ኢሳያሳ ቲንቢቴ 41:2

Arshey mokkiza baggafe issaa denththiday, xilloteththan baas haggazissana xeygiday oonee? Izi kawoteththata izas aaththi immees; izi istta giththa mashshan biitta kessides; ba wondafen carkoy laallida suulla mala kessides.

ኢሳያሳ ቲንቢቴ 49:25

Gido attiin GODAY, «Tumukka olanchchati di7i efida miish kessi ekkanaas, menxe iitata kusheppe di7ettidayta ashshanaas dandayettees; nenara olettizaytara ta olettana; ne naytakka tani ashshana.

ኢሳያሳ ቲንቢቴ 41:25

«Tani pudeha baggafe issaa denththadis; izikka yees. Arshey mokkiza baggara yizayssi ta sunththaa xeygizayssa; manay urqqa yedhdhiza mala izi kaaleththizaytakka yedhdhees.

ኢሳያሳ ቲንቢቴ 13:17

Be7ite, biras wudu gonttayta, worqqankka ufayettonttayta Meedoone dere asaa ta istta bolla denththana.

ኢሳያሳ ቲንቢቴ 46:11

Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

ኢሳያሳ ቲንቢቴ 44:28

Qiroosekka, ‹Izi ta heenththanchcha; izi ta shene polana› gaana; Yerusalaameykka, ‹Simma eqqu› gaana; Xoossa Keeththaas, ‹Iza yochchi yegetto› gaana» gees.

ኢሳያሳ ቲንቢቴ 42:6

«Tani GODAY nena xilloteththan xeygadis; ta ne kushe oykkana; ta nena naagana. Tani nena kawoteththaas caaqo qaala, ayzaabetaska poo7o histtana

ዬ ማጻፋ 65:5

Abeet nuna ashshiza Xoossawu ne xillo ooson malalisiza miish nuus ooththa; Sa7aa gaxappe gaxa gakkanaas, haaho abbatappeka he pinththan diza asa ubbaas hidotay nena.

ኢዝራ ማጻፋ 1:3

Intte giddofe Xoossa as gididayssara Xoossi gido; Yuhuda deren diza Yerusalaame katama biidi GODAA Isra7eele Xoossa Keeththaa keexxo.

ኢሳያሳ ቲንቢቴ 52:5

‹Histtiin ta derey gaasoykka baynda di7etti biichchiin taas haan aazi dizee?› Istta haaridayti istta bolla qilccida; gallas kumeth ta sunththaa pacey baynda cayeettes.

ሌሚሶ ማጻፋ 3:6

Neni biza oge ubbaan iza sinththasa; izikka ne biza oge suurisana.

ኢሳያሳ ቲንቢቴ 14:17

Sa7a bazzo kessidayssi, katamatakka laalliday, di7ettidayti ba dere simmi bontta mala diggiday hayssee?» gaana.

ኢሳያሳ ቲንቢቴ 45:2

Tani ne sinththara baana; zumata baasa ginasana; xarqimala pengeta menththana; birata kolatatakka qanxxana.

ሚኪያሳ ቲንቢቴ 4:10

Hanne Xiyoone macca nayee! Miixattiza maccassay mala ne metotana; ha7i qasse ne katamappe gede kezada coo demban de7ana bessiza gishshas Baabiloone baana; ne hee baada heen ne morkketa kusheppe attana; GODAY nena heen ne morkketappe ashshana.