ኢሳያሳ ቲንቢቴ 44:7 - Geeshsha Maxaafa

⁷ Ta malay ooni dizee? Ane yooto; koyro ta deraas ta yoch yeggishin aazi hanidaakko, sinththafekka aazi hananaakko yooto; ane taas qoncciso; buro hanana miishsha gishshas sinththati yooto; buro yaanayssa kaseti yooto.

ጋሞ ማጻፋ

⁷ ታ ማላይ ኦኒ ዲዜ? ኣኔ ዮቶ፤ ኮይሮ ታ ዴራስ ታ ዮች ዬጊሺን ኣዚ ሃኒዳኮ፥ ሲንፌካ ኣዚ ሃናናኮ ዮቶ፤ ኣኔ ታስ ቆንጪሶ፤ ቡሮ ሃናና ሚሻ ጊሻስ ሲንቲ ዮቶ፤ ቡሮ ያናይሳ ካሴቲ ዮቶ።

ኢሳያሳ ቲንቢቴ 44:7 Referans Kwoze

ኢሳያሳ ቲንቢቴ 41:26

Nuni erana mala koyrotti nuus awajjiday, ‹Izi likke› nu gaana mala nuus kaseti yootiday oonee? Oonikka yootibeenna; sinththatidi yootiday deenna; inttefe ay qaala siyidaykka deenna.

ኢሳያሳ ቲንቢቴ 41:22

Buroppe hananayssa yootana mala intte eeqa xoossata haa ehite; nu akeekana malanne istta wurseththaaka erana mala kase yo7oti aazakko nuus yootite; buroppe hanana miishshata erite.

ኢሳያሳ ቲንቢቴ 45:21

Ane intte mooto yootite; shiishshite; istti ane issife shiiqidi zoretetto. Hayssa koyrottidi awajjiday oonee? Beni yootiday oonee? Tana GODAA gidikkinaa? Xilloynne Ashshiza Xoossi taappe attiin haray deenna.

ሃዋሬታ ኦሶ 17:26

Asa zereth ubbaa issaadefe medhdhidi asi biitta bolla daana mala ooththides; asay daana wodenne wurseththa dhas woththides.

ኢሳያሳ ቲንቢቴ 43:12

Tani qonccisadis; ashshadissinne yootadis; intte giddon hara allaga xoossi de7ibeenna. Tani Xoossa gididayssas intte ta markkatta.

ኢሳያሳ ቲንቢቴ 43:9

Kawoteththati ubbay issife shiiqetto; asaykka issi bolla shiiqo; isttafe kasetidi hayssa nuus yootiday oonee? Beni miish nuus awajjiday oonee? Harati siyidi, «Hayssi tuma» gaana mala, istta tumateththayka qonccana mala bantta markkata ehetto.

ኢሳያሳ ቲንቢቴ 41:4

Hayssa ooththidaynne poliday yeletaa beniisofe xeygiday oonee? GODAY koyroytarakka wurseththaytarakka dizay tana» gees.

ዛሬ ማጻፋ 32:8

«Ubbaafe Dhoqqa Xoossay kawoteththatas biitta gishechchida wode, asa nayta istta zaren zaren shaakkida wode, Isra7eele asaa qooda keena kawoteththatas dhas woththides.

ኢሳያሳ ቲንቢቴ 41:23

Intte xoossata gididayssa nu erana mala, sinththafe hanana miishshata nuus yootite; nuni dagammana malanne yayyana mala, lo7o gidiin woykko iita miish ooththite.

ኢሳያሳ ቲንቢቴ 19:12

Intte aadho eranchchati ha7i awan dizoo? Ubbaafe Wolqqama GODAY Gibxe bolla ooththana qoppidayssa ane inttena bessettonne erisetto.