ኢሳያሳ ቲንቢቴ 44:28 - Geeshsha Maxaafa

²⁸ Qiroosekka, ‹Izi ta heenththanchcha; izi ta shene polana› gaana; Yerusalaameykka, ‹Simma eqqu› gaana; Xoossa Keeththaas, ‹Iza yochchi yegetto› gaana» gees.

ጋሞ ማጻፋ

²⁸ ቂሮሴካ፥ ‹ኢዚ ታ ሄንንቻ፤ ኢዚ ታ ሼኔ ፖላና› ጋና፤ ዬሩሳላሜይካ፥ ‹ሲማ ኤቁ› ጋና፤ ጾሳ ኬስ፥ ‹ኢዛ ዮቺ ዬጌቶ› ጋና» ጌስ።

ኢሳያሳ ቲንቢቴ 44:28 Referans Kwoze

2ታሪኬ ማጻፋ 36:22

Paarise Kawo Qiroosi kawotida koyro layththan nabe Ermaasa baggara GODAY haasaydayssa polides. Paarise kawo Qiroosi ba kawoteththaa giddon ubbason awajjay awajjettidi xaafetti uttana mala GODAY iza ayana denththeththides.

ኢሳያሳ ቲንቢቴ 45:1

«Ta tiydayssas, ushachchaa ta oykkidayssas, kawota gith birshana malanne kawoteththati iza sinththan haarettana mala, pengeti gordettontta mala iza sinththan pengeta doyanaas Qirooses GODAY,

ዳኔላ ቲንቢቴ 10:1

Paarise kawo Qiroosi kawotida heedzdzanththo layththan Bilxxasoore geetettiza Daaneeli ajjuuta be7ides; ajjuutan izas yootettida qaalay tuma; hessika wolqqama ola gishshas qonccisizaaza; izi he kiitaa erana mala izas akeekay ajjuutan imettides.

ኢሳያሳ ቲንቢቴ 45:13

Tani Qiroose xilloteththan denththana; iza oge ubbaa giigsana; ta katamayo izi zaari essana; di7ettida ta asaa miish qanxxisontta coo izi mela yeddana› » gees GODAY Ubbaafe Wolqqama Xoossay.

ኢሳያሳ ቲንቢቴ 63:11

Hessafe guye asay beni wodezanne Muse wode yuushshi qoppides; Ba dorsata heenththanchchatara ubbaafe kessidayssi izi awan dizee? Ba Geeshsha Ayana istta giddon woththidayssi ha7i awan dizee?

ኢሳያሳ ቲንቢቴ 46:11

Arshey mokkiza baggafe bonqqiza arganth, haaho biittafe ta qofa poliza as tani xeygana. Ta yootidayssa ta ooththana; ta halchchidayssa ta polana.

ኢሳያሳ ቲንቢቴ 45:3

Nena ne sunththan xeygida GODAY, Isra7eele Xoossay tana gididayssa ne erana mala, geemason dagattida aqota, dhumason diza haaro ta nees immana.

ኢሳያሳ ቲንቢቴ 42:15

Tani zumatanne zumbullata woddisana; doozata ubbaa melissana. Shaafata haruro biitta kessana; eele haaththatakka micinchchana.

ኢሳያሳ ቲንቢቴ 14:32

He kawoteththatappe kiitetti yiza qasttannetas ay gi zaaranee? ‹GODAY Xiyoone minththi essides; waaye ekkida derey izi garsan shemposo demmides› gi zaaro.»

2ታሪኬ ማጻፋ 36:23

Izikka, «Paarise kawo Qiroosi, ‹GODAY salo Xoossay ha sa7aa kawoteththata ubbaa taas immides; qasse Yuhudan de7iza Yerusalaamen tani izas Keeththa keexxana mala tana azazides; Xoossa as gidida ooninne intte giddon diikko hee bo; GODAY iza Xoossi izara gido!› » gi awajjides.

ኢዝራ ማጻፋ 1:1

Qiroosi Paarise deren kawotida koyro layth Xoossay Qiroosa ayana denththeththidi izi ba kawoteththa ubbaan awajja awajjidinne he awajjaa xaafi woththana mala ooththides; hessika haniday kase nabe Ermaasa baggara Xoossi yootida qaalay polettana malassa.

ኢዝራ ማጻፋ 1:2

Paarise kawo Qiroosi awajjan kessida azazoy, «GODAA Salo Xoossay tana biitta kawoteththata ubbaa ayssana maata taas immides; Yuhuda biittan diza Xoossa Keeth Yerusalaamen ta izas keexxana mala azazides.

ኢሳያሳ ቲንቢቴ 41:27

Koyrottada, ‹Hekko tani be7adis› gaada Xiyoones awajjiday tana; Yerusalaames mishiraachcho yootizaade immadis.

ኢሳያሳ ቲንቢቴ 54:11

GODAY, «Hanne un7ettida katamayee! Gote carkon shocettidaaree! minettonttaaree! Be7a, tani nena bonchchettida shuchchatan alleqissa keexxana; semppere shuch nees yoch yeggana.

ኢሳያሳ ቲንቢቴ 58:12

Ne dabboti beni yochchata yeggana; kase laalettidayta zaari keexxana; neni laalettida gimbe zaari ooraxissizaade, wogga ogeti diza katamata zaari giigsizaade geetettana» gees.

ኤርማሳ ቲንቢቴ 27:6

Ha7ikka hayta ha dereta ubbaa ta aylleza Baabiloone kawo Nabukadanaxoores aaththa immana; wora do7atakka ta izas haarisana.

ኤርማሳ ቲንቢቴ 43:10

Ubbaafe Wolqqama GODAA Isra7eele Xoossay taas, ‹Tani kiittada, ta aylleza Baabiloone kawo Nabukadanaxoore ehisana; histtada ha moogettida shuchchata bollan iza kawoteththa araata woththana. Histtidaappe guye izi ba kawoteththa dunkaana iza bollan essana.

ኢዝራ ማጻፋ 1:3

Intte giddofe Xoossa as gididayssara Xoossi gido; Yuhuda deren diza Yerusalaame katama biidi GODAA Isra7eele Xoossa Keeththaa keexxo.

ኤርማሳ ቲንቢቴ 25:9

tani pudeha bagga deraa ubbaanne ta aylle gidida Baabiloone kawo Nabukadanaxoore xeygana. Histtada istta ha biitta bolla, ha biittan diza asaa bollanne heeran diza kawoteththata ubbaa bolla ehana; tani inttena mulera dhayssana; qasse mernaas asi kadhizanne qidhiza bula kessana.