ኢሳያሳ ቲንቢቴ 41:24 - Geeshsha Maxaafa

²⁴ Hekko intte aykko qoodan gelonttayta; intte oosoy mulekka hada; inttena dooridayti harassizayta.

ጋሞ ማጻፋ

²⁴ ሄኮ ኢንቴ ኣይኮ ቆዳን ጌሎንታይታ፤ ኢንቴ ኦሶይ ሙሌካ ሃዳ፤ ኢንቴና ዶሪዳይቲ ሃራሲዛይታ።

ኢሳያሳ ቲንቢቴ 41:24 Referans Kwoze

1ቆሮንቶሴ ኣሳስ 8:4

Hessa gishshas eeqas yarshettida asho muussa gishshas ta inttes gizay hayssa alamezan eeqay hada gididayssanne issi Xoossaafe attiin hara Xoossi bayndayssa nu eroos.

ዬ ማጻፋ 115:8

Istta medhdhizaytinne isttan ammanettizayti ubbay istta mala gidetto.

ኢሳያሳ ቲንቢቴ 41:29

Be7ite istti ubbayka hada; istta oososka go7ay deenna; istta misletikka aykkoy baynda carko mala» gees.

ኤርማሳ ቲንቢቴ 10:8

Hada gidida miththafe masettida eeqa xoossatappe timirte tamaarza ubbay eeyanne damma.

ዮሃኒሳ ኣጁታ 17:5

Izi liiphe bolla, «Xuura, laymatizaytassinne biitta bolla tuna ooththizaytas aayo wogga Baabiloone» geetettiza sunththi xaafeti uttides.

ኤርማሳ ቲንቢቴ 10:14

Asi ubbay era dhaydi dammides; worqqa seerisiza asi ubbay ba ooththida eeqa xoossatan yeellatides. Gaasoykka eeqa xoossati wordo; isttas shemppoy deenna.

ኢሳያሳ ቲንቢቴ 66:24

Istti kezidi ta bolla makkallida asata aha be7ana. Istta miza guxuneykka hayqqenna; istta miza tamaykka to7enna. Istti asa zereth ubbaas harassizaaz gidana» gees.

ኢሳያሳ ቲንቢቴ 37:19

Istta xoossata taman xuuggida; istta xoossati wonikka miththafenne shuchchafe asa kushen masetti kezida misleppe attiin xoossata gidettenna.

ዛሬ ማጻፋ 27:15

«GODAY eeqa xoossatas goyno ixxiza gishshas, miththafe massidi shuchchafe qoxxidinne birata seerisidi eeqa xoos giigsidi geeman goynnizaadey oonikka qanggettidaade gido!»Derezi wurikka, «Amiin!» go.

ዛሬ ማጻፋ 7:26

Ha tunida eeqa xoossata intteso gelththofte; intte intteso gelththiko istti dhayzayssaththo intteka dhayana; istti dhayanaas bessiza gishshas intte istta ixxitenne harasettite.

ሌሚሶ ማጻፋ 3:32

Gaasoykka GODAY iita ooththizayta ixxees; gido attiin suuretas izi ba wozina qofa qonccisees.

ሌሚሶ ማጻፋ 28:9

Wogaa siyanaappe ba hayth wora zaariza asa woosay Xoossa harassees.

ኤርማሳ ቲንቢቴ 10:5

Istta eeqa xoossati istta kaththa giddon do7a daganththanaas essiza misle mala. Haasayanaas dandayettenna. Hemettanaas istti dandayontta gishshas asay istta tookkees. Istti iita gidiin woykko lo7o miish intte bolla ooththanaas dandayontta gishshas isttas mulekka yayyofte» gees.

ኤርማሳ ቲንቢቴ 10:15

Istti coo qidhes medhettida miishsha. Pirday istta bolla gakkiza wode istti dhayana.

ዛሬ ማጻፋ 7:25

Istta eeqa xoossata ubbaa taman xuuggite; he eeqa xoossata bolla diza worqqanne bira amottidi inttes ekkofte; GODAA intte Xoossay eeqa xoossatas goyno ixxiza gishshas intte ekkiko izi inttes woximade gidana.