ኢሳያሳ ቲንቢቴ 33:23 - Geeshsha Maxaafa

²³ Ne tole wodoroy leppides; tuussay minni eqqibeenna; sharazi tolettibeenna; he wode di7ettida gita miishshi gishettana; wobbeyka attontta di7o ekkana.

ጋሞ ማጻፋ

²³ ኔ ቶሌ ዎዶሮይ ሌፒዴስ፤ ቱሳይ ሚኒ ኤቂቤና፤ ሻራዚ ቶሌቲቤና፤ ሄ ዎዴ ዲኤቲዳ ጊታ ሚሺ ጊሼታና፤ ዎቤይካ ኣቶንታ ዲኦ ኤካና።

ኢሳያሳ ቲንቢቴ 33:23 Referans Kwoze

2ካዎታ ማጻፋ 7:8

He inchchirachcha harganchchati he asay diza heera gakkidi dunkaanetappe issaan gelidi midanne uyida; hessafe guye bira, worqqanne may7o biidi qottida; simmidikka hara hara dunkaanetan gelidi hara daro miishshatakka ekki biidi qottida.

1ቆሮንቶሴ ኣሳስ 1:27

Gido attiin Xoossi erata yeellachchanaas deraappe eeyata doorides; Xoossi minota yeellachchanaas alamezappe daaburanchchata doorides.

ዬ ማጻፋ 68:12

Istti, «Kawoti ba olanchchatara di7o gishetti ekkida.

ሃዋሬታ ኦሶ 27:19

Heedzdzanththo gallas markabezas koshshiza miishshatakka ba kushera kessi kessi yeggida.

ኢሳያሳ ቲንቢቴ 33:21

Heen GODAY nuus wolqqa gidana; he sohoy dalga shaafanne kanchche gidana; wogoloy iza bollara baanaas dandayenna; gita markabetikka iza bollara beettenna.

ኢሳያሳ ቲንቢቴ 33:4

Kawoteththatoo! Booley shiiqiza mala inttefe di7ettidayssi shiiqana; gumbaroy guppiza mala asay iza bolla dirbbatana.

ኢሳያሳ ቲንቢቴ 33:1

Nees dhayontta dashe hara dhayssizayssoo! Nees aayye ana! Nena aaththi immontta dishin hara aaththa immizayssoo! Nees aayye ana! Neni dhayso aggida wode ne dhayana; neni aaththa imo aggida wode nena aaththi immana.

2ታሪኬ ማጻፋ 20:25

Hessafe guye Iyoosaafixeynne iza asay di7o miish shiishshanaas biidi daro aqota, dumma ola massarata, may7otanne hara al7o miishshata demmida; istti di7oyssa ubbaa tookki efanaas dandaybeettenna; di7ettida miishshay keehippe daro gidida gishshas hessa shiishshanaas heedzdzu gallas ekkides.

2ካዎታ ማጻፋ 7:16

Hessafe guye derezi kezidi Aaraame olanchchatas diza aqota baas ekkides; hessa gishshas kase GODAY yootida mala heedzdzu kilo gistte dhiilley woykko usuppun kilo banggay issi saqilen bayzettides.

1ሳሜላ ማጻፋ 30:10

Nam7u xeetu asati keehi daaburda gishshas shaafaa pinnana dandaybeettenna. Gido attiin Dawitinne izara attida 400 asay kaalli bides.

ኢሳያሳ ቲንቢቴ 35:6

Wobbey genessa mala guppana; duude doonay ufayssan yexxana; bazzofe haaththi kezana; pulttoy bazzo biittafe pulttana.

ሂዚቄላ ቲንቢቴ 38:13

Saaba asay, Dadaane asay, Tarseese dere zal7anchchatinne izi gutati ubbay nena, ‹Nuna bonqqanaas yadii? Neni ne olanchchata shiishshiday dafa ekkanaas, worqqanne bira shiishsha efanaas, mehaanne shaqacaa buura efanaas, daro miish di7a ekkada simmanaassee?› gaana.

ዬ ማጻፋ 68:13

Dorsata naaganaas guyen attidayti birappe oosettida qefeti bollara xolqiza worqqan tiyettida haraphphe misle demmida» gida.