ኢሳያሳ ቲንቢቴ 32:10 - Geeshsha Maxaafa

¹⁰ Layththay buro aadhdhida mala, intte badhdhi gi uttidayti kokkorana; woyne turay ayfe immenna dumma dumma ayfe intte shiishshiza wodey yeenna.

ጋሞ ማጻፋ

¹⁰ ላይይ ቡሮ ኣዳ ማላ፥ ኢንቴ ባ ጊ ኡቲዳይቲ ኮኮራና፤ ዎይኔ ቱራይ ኣይፌ ኢሜና ዱማ ዱማ ኣይፌ ኢንቴ ሺሺዛ ዎዴይ ዬና።

ኢሳያሳ ቲንቢቴ 32:10 Referans Kwoze

ኤርማሳ ቲንቢቴ 8:13

GODAY, «Istti goyi kessida kath ubbaa ta isttafe ekkaychchana; istta woyne turan ayfey dhayana; balase miththika ayfe immenna; istta bonccotikka qokkana; tani isttas immidayssi isttafe ekettichchana» gees.

ኢሳያሳ ቲንቢቴ 7:23

He wode issi shii biran washettiza issi shii woyne turati tokettidasohoti ubbay agunththinne kindichcho xalla gidana.

ሶፎናሳ ቲንቢቴ 1:13

Istti haarida haaroy bonqqettana; istta keeththay laalettana; istti keeth keexxanashin ba keexxida keeththan deettenna; woyne mith tokkanashin ba tokkida woynezappe oosettida ushshaa uyettenna» gees.

ኢምባቆ ቲንቢቴ 3:17

Balase geetettiza miththay ayfontta aggikokka woyne miththafe ayfey beettontta aggiko wogara miththika ayfontta aggiko goshsha gadey kath immontta aggiko Dorsi yiren dontta aggikokka Miizi zedhen dontta aggikokka

ኢዩኤሌ ቲንቢቴ 1:12

Woyne miththatinne balase miththati shullida; oroomaanenne temire miththati, laadeynne hara ayfe ayfiza miththati wurikka melida; hessa gaason addafe ufayssi asappe haakkides.

ኢዩኤሌ ቲንቢቴ 1:7

Ta woyne miththa ayfeza mulera dhayssides; balase geetettiza miththa ubbaa menththereththides; miththa haggati mulera booxxana gakkanaas poqoza mulera poqqi denththichides.

ሆሴኤ ቲንቢቴ 3:4

Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana.

ሆሴኤ ቲንቢቴ 2:12

Iza ba laggeththotappe baas waaga gaada ekkida woyne miththatanne balase miththata ta dhoqallana. Isttaka wora do7ati maana.

ኢሳያሳ ቲንቢቴ 16:10

Ufayssaynne ililisay ne atakiltey dizasoppe kichchides; woyne tokkizasohon yexxiza yeththay deenna; ilisikka attides. Woyne teera gum7izasohoy deenna; gum7izayta hombocaakka ta dhayssadis.

ኢዩኤሌ ቲንቢቴ 1:5

Hessafe guye woyne ushshu intte demmontta gishshas yeekkite; intteno maththottizaytoo! Intte dhiskizasoppe beeggidi waassite; intteno wonttan wonttan woyne ushshu uyizaytoo! Camo yeeho yeekkite.