ኢሳያሳ ቲንቢቴ 30:28 - Geeshsha Maxaafa

²⁸ Iza peenoykka qoodhe gakkidi meecci efiza kixa haaththa mala; kawoteththatakka dhayso zayzaren zayzarees; asaa doonan oge baleththiza bixala barssees.

ጋሞ ማጻፋ

²⁸ ኢዛ ፔኖይካ ቆ ጋኪዲ ሜጪ ኤፊዛ ኪጻ ሃ ማላ፤ ካዎቴታካ ይሶ ዛይዛሬን ዛይዛሬስ፤ ኣሳ ዶናን ኦጌ ባሌዛ ቢጻላ ባርሴስ።

ኢሳያሳ ቲንቢቴ 30:28 Referans Kwoze

ኢሳያሳ ቲንቢቴ 37:29

Neni ta bolla hanqon dendettida gishshassinne, ne hallacizayssi ta hayththan wodhdhida gishshas, tani ne siidhen dafo aaththana; ne doonankka bixala barsana; ne yida ogerakka ta nena guye zaara yeddana» gides.

2ታሶሎንቄ ኣሳስ 2:8

Hessafekka kaallidi Godaa Yesusi ba doona peenoninne ba bonchcho yuussaan dhayssana; makkallanchchay qonccana.

ኢሳያሳ ቲንቢቴ 11:4

Gido attiin hiyeesatas xillo pirdana; sa7a bolla manqotas suure pirdana; ba inxarsaa xam7an sa7a shocana; ba doona peenon iitata wodhana.

ኢሳያሳ ቲንቢቴ 8:8

Buuri ekkidi duge Yuhuda wodhdhana; biittaa kumidi aadhdhana; qoodhe gakkanaas mittana» gides. Gido attiin Amanu7eelee! Micettida iza qefey ne biittaa gaxappe gaxa gakkanaas kammi oykkides.

ኣሞጼ ቲንቢቴ 9:9

«Be7ite kath zayzaren zayzariza mala Isra7eele asaa Ayzaabe kawoteththa giddon zayzarana mala ta azazana; gido attiin isttafe issaadeyka wora wodhdhi dhayenna.

2ካዎታ ማጻፋ 19:28

Ne ta bolla hanqettida gishshassinne ne kadhey ta hayththan wodhdhida gishshas tani ne siidhen dafo yeggana; tani nena bixala barsana; ne yida ogera nena guye zaarana.

ሉቃሳ ሚሺራቾ 22:31

Qasseka Yesusi Simoona xeygidi, «Simoonaa! Xala7ey inttena gistte mala suragganaas woossides.

ዮሃኒሳ ኣጁታ 2:16

Hessa gishshas maaroteththan gela; akkay giikko tani eeson neekko baada nena ta doonappe keziza mashsha misatiza qaalara olana.

ዮሃኒሳ ኣጁታ 1:16

Izi ba ushachcha kushen laappun xoolintteta oykki uttides; iza doonappe nam7u baggara qara mashshay kezees; iza ayfesoy arshe mala xolqettees.

Ibirawe 4:12

Xoossa qaalay paxa dizayssanne ooththiza qaala; nam7u bagga qara mashshafekka aadhdhi qara; shempponne ayana, shayanne koldzeka shaakkana gakkanaas caddees; wozina qofaanne amoteththaaka paacci xeellees.

2ታሶሎንቄ ኣሳስ 2:11

Hessa gaason istti wordo yo7o ammanana mala Xoossi istta bolla bala ooso kiittana.

Maatosa 3:12

Kath suraggiza layday iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.

ሆሴኤ ቲንቢቴ 13:3

Hessa gaason istti wontta maalado shaara mala coo tim7i gaana; maalado xaaza malakka coo wodhdhi dhayana; woykko bangga bukkiza baleppe gote carkoy efiza suulla mala gidana; woykko keeththafe kezidi beettishe coo dhayza cuwa mala gidana.

ኢሳያሳ ቲንቢቴ 29:6

Ubbaafe Wolqqama GODAY dadan, biittaa qaaththan, gita cenggurssan, gote carkoninne wolqqama abba dambalan ubbaa miza tama lacon yaana.

ኢሳያሳ ቲንቢቴ 19:3

Gibxeta wozinay labettana; tani istta halchcho hada ooththana. Istta eeqa xoossatanne moytilleta, tuna ayana xeygizaytanne marota zore oychchana.

ሌሚሶ ማጻፋ 26:3

Parasi lisso, hares ancafa koshshizayssa mala, eeya zokkozas durqqa koshshees.

ዬ ማጻፋ 32:9

Bixalaninne puulon haarettiza akeekay baynda baqulo mala woykko para mala intte hanopite» gees.

ዬ ማጻፋ 18:15

Abeet GODAWU! Neni seerida wodenne ne hanqoy eexxida wode, gita abbati ichchida biittay beettides; qasse sa7a yochchay qonccides.

ኢዮቤ ማጻፋ 39:17

Hayssaththo izis cinccateth dhayssada iza erontta mala ooththiday tana.

2ሳሜላ ማጻፋ 17:14

Abeseloomeynne Isra7eele asay kumeth, «Akxofeele zoreppe Arkke dere as Hushe zorey lo7ees» gida; GODAY Abeseloome bolla bash ehanaas lo7o gidida Akxofeele zorey ekettontta mala ooththides.

ኢሳያሳ ቲንቢቴ 28:2

Be7ite, Godaas wolqqamanne mino gidida issoy dees; hessika shachcha uusho mala, dhayssiza gote carko mala, wolqqama dambala malanne wolqqama ira mala wolqqan izi izo duge biittan yeggana.

ኢሳያሳ ቲንቢቴ 28:15

Intte, «Nuni hayqora caaqettidos; duuforakka sigettidos; wordo nuus zempposonne qotettizaso ooththidos; wolqqama boshay pitti ekki bishe nuna bochchanaas dandayenna» gi otorettideta.

ኢሳያሳ ቲንቢቴ 30:29

Omars geeshsha ba7aale intte bonchchishe yexxizayssaththo intte yexxana; GODAA zumaakko Isra7eele Zaallaako asay susul7e susul7ishe ufayssan kezizayssaththo intte wozinay ufayettana.

ኢሳያሳ ቲንቢቴ 30:33

Beni wodeppe doommidi Toofeete geetettiza xuuggizasoy giigetti uttides; kawozasikka giigetti uttides; xuuggana gongolozikka aahonne ciimma; iza giddon daro tamaynne eexxana miththi dees; GODAA peenoy diine tama mala eeththi kessana.

ኢሳያሳ ቲንቢቴ 59:19

GODAA peenoy sugi ekki biza wolqqama di7o mala yaana. Hessa gishshas arshey wulliza baggara dizayti GODAA sunththas yayyana; arshey mokkiza baggara dizayti iza bonchchos haarettana.

ኢሳያሳ ቲንቢቴ 63:17

Abeet GODAWU, nuni ne ogeppe kezana mala, nu wozina tullisada nees yayyontta mala ays ooththay? Ne aylleta gishshas gaada, nees xinxxo gidida qommota gishshas gaada nuukko simma.

ኢሳያሳ ቲንቢቴ 17:13

Asay wolqqama haaththa mala guummikkoka, izi istta seerikko zumbulla bollara carkon biza gudulla mala gote carkoy laalliza happa mala laalettana.

ኢሳያሳ ቲንቢቴ 17:14

Hekko Sa7ay qammishin qofay baynda shiro gidides; sa7ay wonttanaappe kasetidi oonikka beettibeenna. Nu aqota bonqqidayta, ubbaa wolqqan ekkizayta qaaday hessa.