ኢሳያሳ ቲንቢቴ 30:26 - Geeshsha Maxaafa

²⁶ GODAY meqqida ba deraa koolishin, madunththidayssa paththishin, aginay arshe mala poo7ana. Arshes issi gallassa poo7oykka laappun gallassa poo7o mala gidana.

ጋሞ ማጻፋ

²⁶ ጎዳይ ሜቂዳ ባ ዴራ ኮሊሺን፥ ማዱንዳይሳ ፓሺን፥ ኣጊናይ ኣርሼ ማላ ፖኣና። ኣርሼስ ኢሲ ጋላሳ ፖኦይካ ላፑን ጋላሳ ፖኦ ማላ ጊዳና።

ኢሳያሳ ቲንቢቴ 30:26 Referans Kwoze

ዮሃኒሳ ኣጁታ 22:5

Hessafe guye qamay deenna; Godaa Xoossi isttas poo7iza gishshas tama poo7oy woykko arshe poo7oy isttas koshshenna; istti mernaappe mernaas kawotana.

ዮሃኒሳ ኣጁታ 21:23

Xoossa bonchchoy izis poo7iza gishshassinne Dorsazi izi poo7o gidida gishshas he katamays arshey woykko aginay poo7isanaas koshshenna.

ዛሬ ማጻፋ 32:39

«Tani xalla Xoos gididayssa erite; taappe hara Xoossi deenna; wodhizaykka paxa woththizaykka tana; tani madunththayssinne paththays; ta kusheppe oonikka inttena ashshenna.

ዛካራሳ ቲንቢቴ 14:7

He gallassay gallassinne qammay baynda GODAY eriza dumma gallas gidana; he gallassi poo7oy poo7oshin de7ana.

ኢሳያሳ ቲንቢቴ 24:23

Ubbaafe Wolqqama GODAY Xiyoone zumaninne Yerusalaamen cimata sinththan bonchchon kawotana; he wode aginay shaaphettana; awa ayfeykka yeellatana.

ኢዮቤ ማጻፋ 5:18

Xoossi madunththikokka zaaridi paththees; izi menththees; ba kushen zaaridi koolees.

ዛካራሳ ቲንቢቴ 12:8

He gallas istta giddon daro laafa gididay Dawite mala mino gidana; Dawiteso asay qasse isttafe sinththe sinththe biza Xoossa malanne GODAA kiitanchcha mala gidana; Yerusalaamen dizaytas GODAY gondalle gidana.

ሆሴኤ ቲንቢቴ 6:1

Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

ኤርማሳ ዚላስ 2:13

«Hanne Yerusalaame! Ta ne gishshas ay gaanaas dandayazinaa? Ta nena aazara ginasa xeelloo? Hanne dosettida Xiyoone geela7oyee! Ta nena wostta minththeththanaas dandayazinaa? ne madunththay abbafeka cimmatees; nena paththanaas dandayzay oonee?

ኢሳያሳ ቲንቢቴ 11:9

Geeshshi gidida ta zumaa bolla qohettenna woykko oonikka dhayenna; haaththi abba kumiza mala sa7a ubbay GODAA eron kumana.

ኣሞጼ ቲንቢቴ 9:11

«Coo kundi laalettida keeththa mala gidida Dawite zereththata kawoteththas tani zaara essana wodey yaana; tani gimbeza zaara gimbana; laalettidayssaka ooraxissana; kaseyssaththo zaara ooththana.

ኢሳያሳ ቲንቢቴ 19:22

GODAY Gibxe boshan shocana; zaaridikka istta paththana; isttika GODAAKKO simmana; izikka istta woosa siyidi istta paththana.

ኢሳያሳ ቲንቢቴ 30:13

hayssi ha nagarazi phalqetti kundananne qoppontta dishin kundiza gita gimbe mala isttas gidana.

ኢሳያሳ ቲንቢቴ 30:14

Meqerettoyssa giddofe tama bonqqo kaashiza kon7ay, haaththe duuqqiza kon7ay dhayanaashe gakkanaas, aykkoyka attontta tiifettiza mana miishsha mala tiifettana» gees.

ኢሳያሳ ቲንቢቴ 33:24

Xiyoonen dishe, «Ta sakettadis» gaana asi deenna; heen de7iza asata nagaray atto geetettana.

ኢሳያሳ ቲንቢቴ 57:18

Tani iza ogeta be7adis; gidikkoka ta iza paththananne kaaleththana; izassinne iza gishshas yeekkiza geeshshata ta minththeththana.

ኢሳያሳ ቲንቢቴ 58:8

Ne hessaththo ooththiko ne poo7oy wontta xalqqe mala caarana; paxateththi nees eeson gakkana; xilloteththi neeppe sinththara baana; Xoossa bonchchoy nena garadana.

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኤርማሳ ቲንቢቴ 30:17

Inttena gidikko tani zaarada payyisana; intte madunththaaka paththana. Gaasoykka isttas, ‹Kadhettidaaro; oonikka koyontta Xiyoono› gida gishshassa» gees GODAY.

ሆሴኤ ቲንቢቴ 6:2

Nam7u gallassatappe guye izi nuna beegoththana; heedzdzanththo gallas izi nuna denththana; nunikka iza sinththan paxa daana.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.